« Tā tātou e ha’api’i mai nei ’e ’o tē ’ore roa e mo’e », Nō te Pūai o te Feiā ’Āpī, Mē 2021.
Tuha’a purera’a nā te Autahu’ara’a
Tā tātou e ha’api’i mai ’e ’o tē ’ore roa e mo’e
Fa’ahitira’a
Te taime hope’a ’a fa’atupu ai tātou i te hō’ē tuha’a purera’a autahu’ara’a nō te ’āmuira’a rahi, i te ’āva’e ’Ēperēra ïa nō te matahiti 2019. E rave rahi ’ohipa tei tupu i roto i nā matahiti e piti i ma’iri !
[…] Tē hina’aro nei au e hōro’a atu e maha ha’api’ira’a tā’u e ti’aturi nei ē, ’ua ha’api’i mai tātou pā’āto’a ’e e ’ore roa e mo’e.
Ha’api’ira’a 1 : Te fare ’o te pū ïa nō te fa’aro’o ’e te ha’amorira’a […]
Tē vai ra te taime, e hope te mau ha’avīra’a ha’aputuputura’a nei. Terā rā, tā ’outou fafaura’a ’ia fa’ariro i tō ’outou fare ’ei vāhi mo’a mātāmua nō te fa’aro’o, e’ita roa atu ïa e hope […]
Ha’api’ira’a 2 : E hina’aro tātou i te tahi ’e te tahi
[…] E rahi atu tā tātou e rave ma te ’āmui hō’ē i tā tātou e rave o tātou ana’e. E tapitapi te fa’anahora’a nō te ’oa’oa a te Atua mai te mea e fa’aea fa’ata’a ’ē noa tātou i te tahi ’e te tahi […]
Mai te mea tē ’ite ra ’outou i te hō’ē ta’ata ’ōna ana’e, ’a toro atu i te rima—noa atu ē, tē mana’o ato’a ra ’outou ē, ’o ’outou ana’e ! […]
Ha’api’ira’a 3 : ’Ua fa’ata’ahia tā ’outou pupu autahu’ara’a nō te hō’ē mea hau atu i te tahi noa putuputura’a
[…] ’Ua riro te mau putuputura’a ’ei tuha’a iti na’ina’i noa nō te mau mea e ti’a i te hō’ē pupu autahu’ara’a ’ia rave.
[…] Tei roto te mau pupu autahu’ara’a i te hō’ē ti’ara’a ta’a ’ē mau nō te ha’ape’epe’e i te ha’aputuputura’a o ’Īserā’ela i nā pae e piti o te pāruru.
Ha’api’ira’a 4 : E fa’aro’o maita’i a’e tātou ia Iesu Mesia mai te mea e mea hau tātou
[…] E tāmau noa te ’ārepurepura’a i roto i te ao nei i te rahi. ’Āre’a rā […] te reo o te Fatu […] ’o te reo iti ïa, e te marū roa, [mai] te hō’ē parau iti ha’iha’i nei, e ’ua [puta] te vārua mau iho ā i te reira ». [Helamana 5:30]. Nō te fa’aro’o i teie reo iti, tītau-ato’a-hia ia ’outou ’ia marū roa ! […]
E a’u mau taea’e here ē, e rave rahi ’ohipa tā te Fatu e hina’aro nei ’ia ha’api’i mai tātou i roto i te mau ’ohipa tei tupu i roto i teie ma’i pe’e. E maha noa tā’u i tāpura mai. Tē ani nei au ia ’outou ’ia hāmani i tā ’outou iho tāpura, ’a feruri maita’i, ’e ’a fa’a’ite i te feiā tā ’outou e here nei.