Վերջին խոսքը

Շարունակվող հայտնություն

Երեց Քվենթին Լ. Քուք

Տասներկու Առաքյալների Քվորումից

2020թ․ ապրիլի գերագույն համաժողովի ելույթից։

Նկարազարդումը` Բեն Սիմոնսենի կողմից

Մարգարե Ջոզեֆ Սմիթը ստացավ հայտնություն հայտնության հետևից։ Մարգարե Ջոզեֆի կողմից ստացված բազմաթիվ հայտնություններ մեզ համար պահպանվել են Վարդապետություն և Ուխտերում:

Բացի այդ՝ մենք օրհնված ենք ապրող մարգարեներին տրվող շարունակվող հայտնությամբ, ովքեր Տիրոջ «լիազորված գործակալներն են, որոնք իրավասու են խոսել Նրա անունից»:¹

Անձնական հայտնությունը նույնպես հասանելի է բոլոր նրանց, ովքեր խոնարհաբար առաջնորդություն են փնտրում Տիրոջից: Այն նույնքան կարևոր է, որքան մարգարեական հայտնությունը:

Անձնական հայտնությունը հիմնված է Սուրբ Հոգուց ստացված հոգևոր ճշմարտությունների վրա: Սուրբ Հոգին ամեն ճշմարտության, հատկապես Փրկիչի տված ճշմարտության հայտնողն ու վկայողն է: Առանց Սուրբ Հոգու մենք իսկապես չէինք կարող իմանալ, որ Հիսուսը Քրիստոսն է: Նրա կարևորագույն դերն է՝ վկայել Հոր և Որդու, նրանց տիտղոսների և նրանց փառքի մասին:

Վստահեցնում եմ ձեզ, որ յուրաքանչյուրս կարող ենք ստանալ հայտնությամբ առաջնորդություն, քանի դեռ խոնարհաբար աշխատում ենք Տիրոջ այգում:

Իմ խոնարհ աղերսանքն այն է, որ մեզանից յուրաքանչյուրը ձգտի շարունակվող հայտնության՝ մեր կյանքն առաջնորդելու համար և հետևի Հոգուն, երբ մենք երկրպագում ենք Հայր Աստծուն և մեր Փրկիչին` Հիսուս Քրիստոսին:

Ձեր կյանքում

Լիազորված. ընտրված, նշանակված և իշխանություն ունեցող

Հայտնող և վկայող. մեկը, ով օգնում է ձեզ ճանաչել և հասկանալ ճշմարտությունը

Կարևորագույն. ազեցություն ունի այնպիսի բաների վրա, որոնք գալու են հետագայում

Ինչպե՞ս եք ստանում հայտնություն:

Հղում

1. Hugh B. Brown, “Joseph Smith among the Prophets” (Sixteenth Annual Joseph Smith Memorial Sermon, Logan Institute of Religion, Dec. 7, 1958), 7.