Vakabula mai Kiribatii!

Vulica na veika me baleti ira na luvena na Tamada Vakalomalagi e vuravura taucoko.

O Kiribati (ki-ri-bas) e dua na yanuyanu e na Wasa Pasifika. E rauta ni 120,000 na tamata e ra tiko kina.

33 na yanuyanu

Na yanuyanu ni veiniuniu

Droini mai vei Robyn Brimley

Na yatu yanuyanu lalai e Kiribati e robota yani e 1.4 na milioni na maile vakarivirivi (3.5 na milioni na kilomita vakarivirivi²) ni wasawasa! Na vanua e tiko kina e vuravura e biuti koya kina e na imatai ni wasewase ni gauna me raica na rarama ni veisiga vou yadua.

Matasawa Totoka

E dua na vuravura e vakaraitaka tiko na cabe ni matanisiga

E sinai o Kiribati e na veimatasawa nukunuku kei na veivuniniu. E dau katakata vinaka tu na loma ni yabaki taucoko.

iVakaraitaki Totoka

E dua na matavuvale kei ira na itubutubu, ira na gone, kei na tubudra

E voleka ni 20 na pasede ni tamata e ra lewe ni Lotu. E ra ivakaraitaki vinaka ki vei ira tale e so e ra tiko e yanuyanu.

Lako i Siwa!

Gonetagane e taura tu e dua na ika kei na lawa

Me vaka ga ni wavoliti ira tu na wasawasa, o ira e Kiribati e ra dau kania vakalevu na kakana ni waitui. Na niu, raisi, kei na papukeni e ra kune kina vakalevu.

Vakarau Tara Kina e dua na Valetabu

E dua na droini ni valetabu e Kiribati

E na Okotova 2020, a kacivaka kina o Peresitedi Russell M. Nelson ni na tara e dua na valetabu e Kiribati! E na vakaoqo na kena irairai.

iTaviqaravi

Danisi ni Manumanu

E dua na daumeke ni Kiribati

Na danisi e dua na tiki bibi ni bula e Kiribati. E vakauqeti na nodra danisi mai na nodra manumanu vuka vakaitaukei, na viriqeti [frigate]. E ra dodoka yani na ligadra me vaka ni ra vuka tiko na daumeke ni ra toso tiko.

Na cava na nomu manumanu talei? Vakasamataka mada na sala e dau toso kina. Qai bulia e dua na meke ka vakauqeti mai na manumanu oya. Kerea e so na itokani me ra tomani iko!

iCakacaka ni kakana

Supu Papukeni Vakaniu

Bilo supu papukeni vakaniu

1. Sovara vakalailai e dua na waiwai ni niu e na dua na kuro. Kuria yani e 1 na varasa musu oti ka vakasaqara e na katakata vakarauta me yacova ni sa tekivu malai na varasa.

2. Kuria yani e 2 na bilo papukeni natu, 2 na bilo lolo ni niu, kei na 4 na bilo na wai ni toa. Wakia vakavinaka.

3. Raica me buebue na supu, qai tosoya sobu na katakata me buebue tu vakamalua me 20 na miniti.

4. Kevaka o vinakata, biuta kina na masima, pepper, ginger, se so tale na isaluwaki.

Raica mo vukei mai vua e dua na qase!

iVakasala Bulabula

Dau Yavavala

Na vakaukauwa yago e vakabulabulataka na utomu, masela kei na nomu sui. E rawa ni o cakava na veika vakailasa e na veisiga mo yavalata kina na yagomu ka pamu kina na utomu, me vaka na danisi, qito, se vodo basikeli—se cava ga o taleitaka!