Volai mai vei Iko
Vakatasuasua e Daku ni Tavata
Paisley B. , yabaki 12, Utah, Amerika
E sesewa na taciqu gone, dau veinanuyaka e levu na ka, ka dau kauwaitaki ira na tani. O koya e dua na noqu dauveitokoni levu duadua ni‘u vakatasuasua ena tavata. E tu talega eso na nona leqa vakayago. E tamata lailai sara ka veicalati kei na nona yabaki ka dau sotava na dredre ni wilivola, volavola, vosa, ka so na gauna ena nona kila vinaka na veika me baleta ira na tani. E didivara talega o koya.
Ena dua na siga ni‘u vakatovotovo tiko, au a taubale cake ena ikabakaba me‘u yacova yani na tavata. Au rogoca ni dua e tukuna e dua na ka ca me baleti ira na gone era vakaleqai tu vakayago. Era sa tekivu sara me ra veiwali ka dredrevaka.
Au kila ni ra sega ni nakita me ra vakararawataka na yaloqu, ia au a rarawa dina ka cici me‘u kunea e dua na vanua me‘u vuni kina. Ni‘u dabe toka ena noqu ivunivuni, a dabe e yasaqu e dua na qase cake ka tekivu veitalanoa kei au me baleta na drama. Sa tekivu me‘u yalovinaka mai.
Ni‘u lesu ki vale, au a tukuna vei tinaqu na ka a yaco. E tukuna vei au o koya ni donu na noqu lako tani mai na dua na ka e vakavuna me‘u yaloca ka donu na noqu vosa vua e dua e qase cake me baleta na lomaqu.
Ena so na gauna era sega ni kila na tamata na ituvaki ni yalodra o ira era vakaleqai tu se me ra kila e dua e vakaleqai tu. Au vinakata me‘u ivakaraitaki ni loloma kei na yalovinaka.
Droini mai vei Kristin Sorra