Jeran n̄an Jeran
Juon Pijjej ilo juon Iien
Jān juon intōrpiu ippān Amber Healey.
Ke ikar juon leddik jidikdik, ro jinō im jema raar bōk sister eo aō im n̄a n̄an juon orchard an Kabun̄ in. Kōm kar pād ijo n̄an jipan̄ aae pijjej ko. Kōm kar tallōn̄ lōn̄ļo̧k ioon jikin iuwe ko raittok im kar etto̧ļ bulōn̄ bōlōk ko remmijel n̄an ebbōk pijjej ko jān wōjke ko.
Ilo jinoin, ekar itok limoim. Bōtaab ejjab to piran̄ran̄ eo ilo leen eo ekar kōm̧m̧an an ebōņejņej peiūm̧. Kōm kar jiron̄ jinem, “Kōmij jab kōņaan kōm̧m̧ane menin ļo̧k n̄an jidik. Kōm kōņaan bōjrak.”
Jinō ekar kajjitōk ippām eļan̄n̄e kōm kar jeļā ia eo aolepān pijjej ko rej etal n̄an e. Ke kōm kar ba jaab, ekar kōmeļeļeik n̄an kōm.
“Kajjojo iaan pijjej kein rej būkilo̧k n̄an juon em̧ ijo baļintier ro rej likūt er ilo kuwat ko. Innām kuwat ko rej liļo̧k n̄an armej ro rej aikuj. Kajjojo iiō Kabun̄ in ej leļo̧k taujin kuwat in m̧ōn̄ā ko.”
Ilo juon iien ejidimkij, sister eo aō im n̄a ekar bōjrak am̧ro inepata kōn an peiūm̧ ebōņejņej. Kōm kar jipan̄ armej ro me raar aikuj m̧ōn̄ā! Ālkin men eo, kōm kar limo tallōn̄e jikin iuwe ko im kōm̧ōj leen wōjke oran piran̄ran̄ ko.
Iiō in kōm kar kajjitōk ippāmi n̄an bōk koņami ilo juon kūr an Helping Hand eo ( lale Jānwōde 2021 M̧ōttā Eo). Jerbal n̄an ro jet ilo waween eo Kraist ekar jerbal ej juon iaan men ko raorōk tata kwoj maron̄ kōm̧m̧ane. Ajri ro ewōr juon wāween ejenolo̧k kōn kile ro me rej pād ilo aikuj im baļintier jipan̄ eo aer. Juon jerbal edik an jerbal in jipan̄ maron̄ jab kile eļap ilo jinoin. Bōtaab eļan̄n̄e aolep ajri ro ipeļaakin laļ in rej kappukōt wāween ko n̄an jerbal, renaaj kobaļo̧k n̄an men ko rekabwilōn̄ļōn̄!
Kōmeļeļe ko jān Toby Newsome