Painia ena Veivanua Kecega
Vicky Tadić
Lewena taumada na Lotu mai Bosnia kei Herzegovina
“O ya beka na Yalo Tabu?” A taroga o Vicky.
Curu mai! A kaci na ganei Vicky. “Tou lei qito vata kei o ratou na Rowes!”
O ratou na Rowes edua na vuvale toki vou mai. Eratou toki mai Bosnia kei Herzegovina mai Amerika. Era tiko na gone ena yabaki ni bula vata kei Vicky kei ratou na tacina. Ia e rau sega ni vosa vaka Bosnia. O Vicky duadua ga ena nona matavuvale e a vosa Vakavalagi. E vakavakadewa me rawa ni rau qito vata.
Dau dabe o Vicky vata kei Mrs. Rowe ena varada ni ra qito na vo ni gone.
“E duidui na nomu matavuvale,” a kaya o Vicky. “Ena sala vinaka.”
E matadredredre o Mrs. Rowe. “O vinakata beka mo mai Lotu vatakei keitou? Ena rawa ni vukei iko mo raica na vuna keitou duatani tiko kina. Se sega ni dua na vale ni Lotu e tiko e Bosnia, keitou se Lotu tiko vaka matavuvale e vale.”
Sa lomatarotaro o Vicky ni yaco yani ki na vale ni nodratou vale na Rowes‘ ena Sigatabu. Taumada eratou a lagata e dua na sere. A masu e dua vei ira na gone. A qai masu o Mr. Rowe ka pasitaka na madrai kei na wai ki na tamata yadua. Ratou kaya ni a vakatokai na sakaramede. Ni oti oya ko Jessie nodrau goneyalewa a wasea nona vosa
E lomani keda na Tamada Vakalomalagi. E vosa vei keda mai vua na Yalo Tabu, “a kaya o Jessie. “Ena so na gauna e dau solia vei keda na Yalo Tabu e dua na yalo vakacegu. Se so na gauna e dau vakananuma vei keda o koya. ”
Ena siga ka tarava, a taubale o Vicky ki na sitoa me voli madrai. Ena nona ilakolako ki vale, sa voleka me lako sivita e so na kavanibenu qai rogoca e dua na domo qai tarovi koya. Lako tani mai, e kaya na domo.
E tu vakadua na o Vicky. Vakasauri ga, cocowiriwiri mai e dua na motoka. Coqa! Coqa kece mai na kavanibenu.
Sa cegu levu sara o Vicky. Sa dua na ka na nona marau ni a vakarorogo ki na domo!
Oti oya, a talanoa o Vicky vei Mrs. Rowe. “O ya beka na Yalo Tabu?”
E vakasaraga o ya na Yalo Tabu Ena so na gauna sa dau vakasalataki keda na Yalo Tabu ena veika rerevaki. ”
“E taqomaki au na Kalou,” a kaya o Vicky. “Au na dau vakarorogo tikoga vua na Yalo Tabu.”
Gole tikoga o Vicky vei iratou na Rowes me Lotu ena vei Sigatabu. Sa qai wasea o Vicky na iVola i Momani vei tinana. Sega ni dede eratou sa vulica na kosipeli mai vei iratou na Rowes na nona matavuvale taucoko. Vakavakadewa o Vicky vei iratou kece.
Ena dua na siga a taroga nona vuvale o Vicky o Mr. Rowe e dua na taro. Cavuta sara vaka Bosnia vei ratou o Vicky. “E rawa mo dou muria na ivakaraitaki i Jisu Karisito mo dou papitaiso?”
Wawa o Vicky. Sa vinakata o o koya me papitaiso. Ia e lomaleqataka o koya na veika ena tukuna na nona matavuvale.
Sa qai vosa o tamai Vicky. “Da (io).”
“Da (io)” a kaya na nona matavuvale.
Sa dua na ka na nona marau o Vicky e vakila me vaka e voleka ni lade mai ituba na nona uto. “Io,” a kaya vei Mr. Rowe. Io, keitou na papitaiso.
Ni oti e dua na macawa, eratou draiva yani o Vicky ena 5 na au kei na nona matavuvale ki na dua na vale ni Lotu voleka. Sa marau o Vicky ni sa gole yani ki wai me laki papitaiso. Qai tubu sara na nona marau ena gauna a vakadeitaki kina me dua na lewe ni Na Lotu i Jisu Karisito ni Yalododonu Edaidai.
Sa na qai tiko ga vata kei koya na Yalo Tabu ena veigauna.
O Bosnia kei Herzegovina e tiko kina e 73 na lewe ni Lotu.
Na valetabu voleka duadua e Bosnia kei Herzegovina na valetabu e Roma Itali.
Na Bosnia kei na Herzegovina e kunei mai tokalauceva kei Iurope.
Dau taleitaka o Vicky tiko e tautuba. Na taubale delana kei na ulunivanua e dua vei ira na nona ka taleitaki me cakava.
A papitaiso o Vicky ena yabaki 16.
Nona tubu cake mai o Vicky, qai laki vakamau ena valetabu. Sa rua tiko na luvena ena gauna oqo.
Droini mai vei Zhen liu