Ro M̧ōtta Jitōnbōro,
Palm Sunday ilo iiō in ej Jabōt eo āliktata ilo M̧aaj. Ej iien eo jej kam̧ōņōņōik raan eo Jisōs eaar iuwe ioon juon donkey eo n̄an Jerusalem. Armej rekar kajopelpeli kimej ko im lam̧ōj im ba, “Hosanna!” Jejjo raan tokālik, Jisōs ekar en̄taan im kar mej kōn kōj. Innām Ekar bar jerkakpeje! Jej kōjatdikdik bwe kom̧ naaj m̧ōņōņō ilo iien in ejenoļo̧k n̄an kakeememej ta eo Jemedwōj Ilan̄ im Jisōs rekar kōm̧m̧ane n̄an kōj (lale Jon 3:16). Kōn Er, jemaron̄ bar mour juon alen!
Ilo Iakwe,
Eo Jera
P.S. Jete peij ko kōn Jisōs komaron̄ loi ilo bwebwenato in?
Kalōk Eo Am̧ Make
Ikar ekkatak wāween an Nipai kar kōm̧m̧ane juon wa (Pāpode 2020), kōn menin ikar kōņaan kōm̧m̧ane juon aō make n̄an meļeļe wāween an kar Nipai en̄jake. Kar m̧okta ekar pen, ak ikar ekkatak bwe in jab ebbweer im n̄an lōke Irooj āinwōt an kar Nipai kōm̧m̧ane.
Ian D., iiō 9, Veracruz, Mexico
Ijo Kōmij Riiti Eo Jera
Em̧m̧an ippām riiti Eo M̧ōtta! Ejipan̄ kōm bwe en dik am en̄jake ajimakeke bwe kōm ej membōr ro wōt in Kabun̄ in ilo jikin eo am. Kōm ej riiti ilo kajin German im Dutch kōnke eo jinem ej itok jān Netherlands im eo jemām ej jān Germany.
Lars im Torben S., iiō ko 5 im 3, Lower Saxony, Germany
Kōm̧ij Mōņōņō in Lo Tampeļ eo
Kōmij jokwe epaake Barranquilla Colombia Tampeļ im loļo̧ke aolep ļo̧kin ruo wiik. Ejipan̄ kōm keememej bujen ko jenaaj kōm̧m̧ani ippān Jemedwōj Ilan̄.
Puerto Colombia Branch Primary, Colombia