Mei he Kau Palesitenisī ʻUluakí
Ko Hoʻo Fuakava ʻi he Papitaisó
Naʻe toʻo mei he “Taking upon Us the Name of Jesus Christ,” Ensign, May 1985, 80–83.
Ko e hā ʻoku tau palōmesi ki he Tamai Hēvaní ʻi he taimi ʻoku tau papitaiso aí?
‘Oku tau palōmesi ke toʻo kiate kitautolu ʻa e huafa ʻo Sīsū Kalaisí, tauhi kiate Ia, mo tauhi ʻEne ngaahi fekaú.
ʻOku ʻuhinga ki he hā ke toʻo kiate kitautolu ʻa e huafa ʻo Sīsū Kalaisí?
-
‘Oku ʻuhinga ia ʻoku tau hoko ko e kau mēmipa ʻo Hono Siasí, ʻa e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
-
‘Oku ʻuhinga ia ʻoku tau fakahā ki he niʻihi kehé fekauʻaki mo ʻetau tui kia Sīsū Kalaisí. ʻOku tau lava ʻo fakahā ki hotau ngaahi kaungāmeʻá, kaungāʻapí, mo e niʻihi kehé ʻo fekauʻaki mo Ia.
-
‘Oku ʻuhinga ia ʻoku tau tauhi kiate Ia mo tokoni ke fakahoko ʻEne ngāué.
Ko e Teuteu ki he Papitaisó
Kimu‘a peá ke papitaisó, te ke fakahoko ha ʻinitaviu mo ha mēmipa ʻi hoʻo kau pīsopelikí. Te ne fai atu ha ngaahi fehuʻi hangē ko ʻení:
-
ʻOkú ke tui nai ko Sīsū Kalaisi ho Fakamoʻuí?
-
‘Okú ke feinga nai ʻi hoʻo lelei tahá ke talangofua ki he ngaahi fekaú?
-
‘Okú ke ongoʻi mateuteu nai ke fakahoko ha fuakava mo e Tamai Hēvaní?
Muimui ‘i he hala fihifihí ʻo fou atu ʻi he fakatātā takitaha ke ke vakai ki he founga te ke lava ai ʻo toʻo kiate koe ʻa e huafa ʻo Sīsuú. (Tokoni: ʻOua ʻe kolosi ʻi he funga laine ʻuliʻulí.)
Tā fakatātaaʻi ʻe Shawna J.C. Tenney