Pag-atiman Niadtong Nanginahanglan og Kadangpan
Ang kahimtang sa mga tawo nga gipapahawa sa ilang mga panimalay duol sa kasingkasing sa mga miyembro sa Ang Simbahan ni Jesukristo sa mga Santos sa Ulahing mga Adlaw. Isip usa ka organisasyon nga adunay kaugalingong “kagikan nga mga bakwit,” ang Simbahan nagtinguha sa pagsunod sa instruksiyon ni Kristo sa pag-abi-abi sa estranghero, nga atong mahimo pinaagi sa mga makitawhanong proyekto ug pinaagi sa serbisyo ug kamanggiluy-on sa atong mga miyembro.
Dihadiha Dayon ug Taas og Lungtad nga Tabang
Ang mga indibiduwal nga nawad-an og puluy-anan sa kasagaran makasinati og grabeng panginahanglan sa pagkaon, kapasilongan, ug uban pang mga kinahanglanon. Agi og dugang sa pagtubag niining dihadiha nga mga panginahanglan, ang Simbahan nagtinguha sa paghatag og mga kapanguhaan ug mga himan nga maghatod og malungtarong mga solusyon ug pagbarog pinaagi sa kinaugalingong paningkamot.
Kinsa ang Mohatag og Tabang sa mga Tawo nga Nawad-an og Puluy-anan?
Unsaon Nako sa Pag-apil?
Kadtong nawad-an sa ilang mga puluy-anan kinahanglang pakitaan ug gugma ug suporta. Ania ang pipila ka ideya sa mga butang nga inyong mahimo aron maatiman ang mga nawad-an og puluy-anan nga mga indibiduwal ug mga pamilya sa inyong komunidad.
- Pakigkonektar sa lokal nga mga organisasyon nga nakatutok sa pag-atiman sa mga nawad-an og puluy-anan aron makita kon unsa nga tabang ang ilang gikinahanglan.
- Pangita og mga proyekto sa JustServe.org pinaagi sa pag-filter sa inyong pagsiksik ngadto sa “Immigrants & Refugees.”
- Pagsugod og kalihokan sa pagpangolekta og gikinahanglang mga butang alang sa mga tawo sa inyong komunidad.
Tan-awa kon Unsa ang Gibuhat sa Simbahan sa Miaging Tuig
Hibaloi kon sa unsang paagi ang Simbahan miatiman lakip sa mga indibidwal ug mga pamilya nga nangita og kadangpan diha Summary sa Pag-atiman Niadtong Nanginahanglan.
Pag-atiman Niadtong Nanginahanglan: 2024 nga Summary