1 Āindein lan̄ im laļ rekar ^adedeļo̧k, im aolep men ko ^bkobbaer.

2 Im ilo raan eo kein kajiljilimjuon N̄a, Anij, Iaar kōjjem̧ļo̧k Aō jerbal, im aolep men ko otemjeļo̧k Iaar kōm̧m̧ani; im Iaar ^akakkije ilo raan eo ^bkein kajiljilimjuon jān aolep Aō jerbal, im aolep men ko otemjeļo̧k Iaar kōm̧m̧an rekar dedeļo̧k, im N̄a, Anij, iaar lo bwe rekar em̧m̧an;

3 Im N̄a, Anij, Iaar ^akōjeraam̧m̧an raan eo kein kajiljilimjuon, im kokwōjarjar e; kōnke ilo e Iaar kakkije jān aolep Aō ^bjerbal ko me N̄a, Anij, Iaar ejaaki im kōm̧m̧ani.

4 Im kiiō, lo, Ij ba n̄an eok, bwe erkein rej epepen ko an lan̄ im an laļ, ke rekar ejaak, ilo raan eo ke N̄a, Irooj Anij, Iaar kōm̧m̧ane lan̄ im laļ,

5 Im aolep mennin eddek in meļaaj ^am̧okta jān an kar pād ilo laļ, im mar otemjeļo̧k in meļaaj m̧okta jān an kar eddek. Bwe N̄a, Irooj Anij, Iaar ^bkōm̧anm̧an aolep men otemjeļo̧k, ko me Iaar kōnono kaki, ilo ^cjetōb, m̧okta jān aer kar pād ioon mejān laļ ilo lukkuun biktokier. Bwe N̄a, Irooj Anij, Iaar jan̄in kōm̧m̧an bwe en wōt ioon mejān laļ. Im N̄a, Irooj Anij, Iaar ^dkōm̧anm̧an aolep ro nejin armej; im ejjan̄in kar kijōr in wōr armej n̄an katōke ^ebwidej; bwe ilo ^flan̄ Iaar ^gkōm̧anm̧an er; im ejjan̄in kar kijōr in wōr kanniōk ioon laļ, im jab ilo dān, im jab ilo mejatoto;

6 A N̄a, Irooj Anij, Iaar kōnono, im eaar wōr juon ^atab eaar wanlōn̄tak jān laļ, im wōt-dikdik aolepān mejān bwidej eo.

7 Im N̄a, Irooj Anij, Iaar ejaake armej jān ^abūn̄al in laļ, im uukļo̧k ilo bo̧tin menwan mour; im ^barmej eaar erom juon ^crimour, ^dkanniōk eo m̧oktata ioon laļ, armej eo m̧oktata barāinwōt; mekarta, aolep men otemjeļo̧k m̧okta kar ejaaki; a ilo jetōb kar ejaaki im kōm̧m̧ani ekkar n̄an Aō innaan.

8 Im N̄a, Irooj Anij, Iaar kalbwin juon jikin kallib iturear ilo ^aIden, im ijo Iaar likūt armej eo me Iaar ejaake.

9 Im jān bwidej eo N̄a, Irooj Anij, Iaar kaddōke aolep wōjke, ilo lukkuun biktokier, eo em̧m̧an n̄an an armej lale; im armej remaron̄ loe. Im eaar erom barāinwōt juon rimour. Bwe ekar m̧okta ilo jetōb ilo raan eo Iaar ejaake; bwe ej pād wōt ilo mejatoto eo me N̄a, Anij, Iaar ejaake, aaet, em̧ool aolep men otemjeļo̧k me Iaar kōpooje n̄an an armej kōjerbale; im armej eaar lo bwe ekar em̧m̧an n̄an m̧ōn̄ā. Im N̄a, Irooj Anij, Iaar kalbwin ^awōjke in mour eo barāinwōt ilubwiljin jikin kallib eo, im barāinwōt ^bwōjke in jeļā kōn em̧m̧an im nana.

10 Im N̄a, Irooj Anij, Iaar kōm̧m̧an bwe juon reba en ilo̧k jān Iden n̄an wōt-dikdiki jikin kallib eo; im jān ijo eaar jepelļo̧k, im erom ^aemān bar ko.

11 Im N̄a, Irooj Anij, Iaar ņa etan eo m̧oktata Pison, im eaar jepooļe aolepān āneen Havilah, ijo N̄a, Irooj Anij, iaar ejaake eļap gold;

12 Im gold eo jān āneo ekar em̧m̧an, im eaar wōr bdellium im dekā onyx eo.

13 Im etan reba eo kein karuo ekar Gihon; ejja in wōt eaar jepooļe aolepān āneen Itiopia.

14 Im etan reba eo kein kajilu ekar Hiddekel; eo me ekar etal n̄an turear in Assiria. Im reba eo kein kāāmen ekar Upretis.

15 Im N̄a, Irooj Anij, Iaar bōk armej eo, im likūt e ilo Jikin Kallib Iden, n̄an lale, im n̄an kōjparok e.

16 Im N̄a, Irooj Anij, Iaar jiron̄ armej eo, im ba: Jān wōjke otemjej in jikin kallib eo kwo maron̄ m̧ōn̄ā ilo anemkwōj,

17 A jān wōjke in jeļā kōn em̧m̧an im nana, kwōn jab m̧ōn̄ā jān e, mekarta, kwo maron̄ ^akāālet n̄an kwe make, bwe em̧ōj lewōje n̄an eok; a, keememej bwe Iaar kōmo̧iki, bwe ilo ^braan eo kwōnaaj m̧ōn̄ā jān e kwōnaaj lukkuun ^cmej.

18 Im N̄a, Irooj Anij, Iaar ba n̄an ^aNejū Iaar Make Keotake, bwe ekar jab em̧m̧an bwe em̧m̧aan en make ian; kōn menin, Inaaj kōm̧m̧ane juon ^brōjtan n̄an e.

19 Im jān bwidej N̄a, Irooj Anij, Iaar ejaake aolep mennin mour in meļaaj, im aolep bao in mejatoto; im jiron̄ er bwe ren itok n̄an Adam, n̄an lale ta enaaj kūr er; im er rekar barāinwōt rimour; bwe N̄a, Anij, Iaar uukļo̧k ilo er menwan mour, im jiron̄ er bwe jabdewōt Adam ej kūr aolep mennin mour, bwe en āt eo etan.

20 Im Adam eaar leļo̧k āt ko n̄an aolep kattle, im n̄an bao ko in mejatoto, im n̄an aolep mennin mour ko ilo meļaaj; a n̄e n̄an Adam, eaar ejjeļo̧k rōjtan eo kar loe n̄an e.

21 Im N̄a, Irooj Anij, Iaar kōm̧m̧an bwe juon kiki eļap en wōtlo̧k ioon Adam; im eaar kiki, im Iaar bōk juon ian di ko diin katin im kili kanniōk eo ilo ijo jikin;

22 Im diin kat eo me N̄a, Irooj Anij, Iaar bōke jān em̧m̧aan eo, Iaar kōm̧m̧ane juon ^akōrā, im bōktok liin n̄an em̧m̧aan eo.

23 Im Adam eaar ba: En̄in ijeļā kiiō ej diin di ko diiū, im ^akanniōk in kanniōkū; liin enaaj etan Kōrā, kōnke liin kar bōke jān em̧m̧aan.

24 Kōn menin ļeo enaaj likūt jemān im jinen, im naaj ^aeddāp n̄an lio pāleen; im renaaj ^bjuon wōt kanniōk.

25 Im raar jim̧or keelwaan, ļeo im lio pāleen, im rekar jab jook.