Ebʼ li loqʼlaj hu
Lix Ch’olob’ahomeb’ li Waqxaqib’ chi aj Yehol Nawom


Lix Ch’olob’ahomeb’ li Waqxaqib’ chi aj Yehol Nawom

Chinawmanq sa’ chixjunil li tenamit, junkab’al, aatinob’aal, ut teepal, taawulaq wi’ li k’anjel a’in: Naq laj Jose Smith, alalb’ej, li kijaltesin ru li k’anjel a’in, kixk’ut chiqu eb’ li perel ch’iich’ li aatinanb’il chirix, li chanchan oor okenaq; ut li jar perel li jaltesinb’il ru xb’aan laj Smith a’in, kiqach’e’ rik’in quq’; ut kiqil li tz’iib’anb’il chiru, chanchan najter xyiib’ankil chixjunil, ut moko nawb’il ta ru xyiib’ankil. Ut a’in naqach’olob’ xyaalal chi tiik ru li qaatin, naq li Qawa’ Smith kixk’ut chiqu, xb’aan naq kiqil ut kiqataqsi, ut naqanaw chi ch’olch’o naq li Qawa’ Smith wan rik’in eb’ li perel ch’iich’ li xoo’aatinak wi’. Ut naqak’e li qak’ab’a’ re li ruchich’och’, re xk’utb’al xyaalal chiru li ruchich’och’ li k’a’ru qilom. Ut ink’a’ nokotik’ti’ik, li Dios na’ilok re.

Christian Whitmer

Jacob Whitmer

Peter Whitmer, alalb’ej

John Whitmer

Hiram Page

Jose Smith, yuwa’b’ej

Hyrum Smith

Samuel H. Smith