សំណួរបន្ថែមទៀតដែលចោទសួរញឹកញាប់
ឯកសារភ្ជាប់មកជាមួយនឹងលិខិតរបស់គណៈប្រធានទីមួយអំពី « ការងារបម្រើជាមួយកូរ៉ុមបព្វជិតភាពមិលគីស្សាដែក និង សមាគមសង្គ្រោះដែលបានពង្រឹង » ចុះថ្ងៃទី ២ ខែ មេសា ឆ្នាំ ២០១៨ បានដាក់បញ្ចូលនូវ សំណួរព្រមទាំងចម្លើយ មួយចំនួនដើម្បីជួយអនុវត្តនូវការផ្លាស់ប្ដូរដែលបានប្រកាសនៅក្នុងសន្និសីទទូទៅខែមេសា ឆ្នាំ ២០១៨ ។
ចម្លើយចំពោះសំណួរបន្ថែមត្រូវបានរួមបញ្ចូលនៅទីនេះ ។
កូរ៉ុម និងសមាគមសង្រ្គោះ
ប្រាកដណាស់ ។ ប៊ីស្សពគឺជាគឺជាសង្ឃជាន់ខ្ពស់ជាអធិបតី និង « ផ្តល់ការណែនាំ និងការប្រឹក្សាដល់ពួកអ្នកដឹកនាំដទៃទៀតនៅក្នុងវួដ » ( ក្បួនខ្នាតភាគ ១ ២.១.១ ) ។ គាត់ពិនិត្យមើល ហើយអនុមតិទៅលើការចាត់តាំងការងារបម្រើ ។ នៅក្រោមការដឹកនាំរបស់ប៊ីស្សព ក្រុមប្រឹក្សាវួដបន្ដស្ថិតនៅក្នុងតួនាទីដ៏សំខាន់របស់ខ្លួនដើម្បី « ជួយដល់បុគ្គលម្នាក់ឲ្យស្ថាបនាទីបន្ទាល់ ទទួលពិធីបរិសុទ្ធនៃការសង្រ្គោះ រក្សាសេចក្តីសញ្ញាទាំងឡាយ ហើយប្រែក្លាយជាអ្នកដើរតាមដែលបានតែងតាំងរបស់ព្រះយេស៊ូវគ្រីស្ទ » ( ក្បួនខ្នាតភាគ ២៤.៤ ) ។ កូរ៉ុម និងសមាគមសង្រ្គោះដែលបានពង្រឹង—មានប្រធានរបស់ពួកគេជាតំណាង ដែលជាសមាជិកនៃក្រុមប្រឹក្សាវួដ—នឹងជួយបង្កើនប្រសិទ្ធភាពនៃក្រុមប្រឹក្សានោះ ។
បងប្អូនប្រុសទាំងនេះគឺជាសមាជិកនៃកូរ៉ុមអែលឌើរវួដរបស់ពួកគេ ។
អត់ទេ ។ ពួកសង្ឃជាន់ខ្ពស់ដែលបម្រើនៅក្នុងគណៈប្រធានសាខានៅក្នុងស្ដេកមួយពុំមែនជាសមាជិកនៃកូរ៉ុមសង្ឃជាន់ខ្ពស់នោះទេ ។ សមាជិកនៃកូរ៉ុមសង្ឃជាន់ខ្ពស់គឺជាអស់អ្នកដែលមានការហៅបម្រើនៅក្នុងគណៈប្រធានស្ដេក នៅក្នុងគណៈប៊ីស្សព នៅក្នុងក្រុមប្រឹក្សាជាន់ខ្ពស់ និងជាលោកអយ្យកោដែលកំពុងបំពេញមុខងារប៉ុណ្ណោះដែលតម្រូវឲ្យពួកគាត់ជាសង្ឃជាន់ខ្ពស់ ។
អត់ទេ ។ ពួកអែលឌើរដែលកំពុងបម្រើនៅក្នុងគណៈប៊ីស្សពពុំមែនជាសមាជិកនៃកូរ៉ុមសង្ឃជាន់ខ្ពស់នោះទេ ។
ប្រាកដណាស់ ។ ជាចំណែកនៃការទទួលខុសត្រូវទាំងអស់របស់ពួកគាត់ គណៈប្រធានកូរ៉ុមអែលឌើរ គួរតែសម្ភាសសមាជិកកូរ៉ុមទាក់ទងនឹងកាតព្វកិច្ចបព្វជិតភាពទាំងអស់—រួមទាំងសុខុមាលភាពរបស់អ្នកកាន់បព្វជិតភាព ភរិយារបស់គាត់ និងគ្រួសាររបស់គាត់—យ៉ាងហោចណាស់មួយឆ្នាំម្ដង ។ ការសម្ភាសទាំងនេះអាចធ្វើឡើងក្នុងរយៈពេលពីដើមឆ្នាំដល់ចុងឆ្នាំ ។ ការពិភាក្សានេះពុំគួរដាក់បញ្ចូលជាមួយនឹងការសម្ភាសអំពីការងារបម្រើដែលមានដៃគូមកសម្ភាសជាមួយគ្នាផងដែរនោះទេ ។
គណៈប្រធានកូរ៉ុមអែលឌើរ និងសមាគមសង្គ្រោះអាចរៀបចំសមាជិកដើម្បីជួយសម្រេចបាននូវកិច្ចការនេះតាមសេចក្តីត្រូវការ ។ ឧទាហរណ៍ ពួកគាត់អាចហៅសមាជិកឲ្យដឹកនាំ និងជួយជាមួយនឹងកិច្ចការដូចជា ការបម្រើ កិច្ចការពង្សប្រវត្តិ និងព្រះវិហារបរិសុទ្ធ ការចែកចាយដំណឹងល្អ និងខាងសុខុមាលភាព ។
ប្រាកដណាស់ ។ នៅក្នុង គោលលទ្ធិ និង សេចក្ដីសញ្ញា ១០៧:៨៩ នៅពេលវួដមួយមានចំនួនអ្នកកាន់បព្វជិតភាពមិលគីស្សាដែកសកម្មច្រើនជាងធម្មតា នោះថ្នាក់ដឹកនាំអាចរៀបចំកូរ៉ុមអែលឌើរច្រើនជាងមួយ ។ ក្នុងករណីបែបនេះ កូរ៉ុមនីមួយៗគួរមានតុល្យភាពសមហេតុផលមួយទាក់ទងនឹងអាយុ បទពិសោធន៍ តំណែង និងភាពរឹងមាំនៃបព្វជិតភាព ។ គោលការណ៍ស្រដៀងគ្នានេះអនុវត្តចំពោះសមាគមសង្គ្រោះផងដែរ ។
ការងារបម្រើ
នៅក្រោមការដឹកនាំរបស់ប៊ីស្សពរបស់ពួកគាត់ ដែលជាសង្ឃជាន់ខ្ពស់ជាអធិបតីនៅក្នុងវួដ នោះសមាជិកនៃកូរ៉ុមសង្ឃជាន់ខ្ពស់ និងគ្រួសាររបស់ពួកគេនឹងមានបងប្អូនប្រុសស្រីដែលផ្ដល់ការងារបម្រើចាត់ឲ្យទៅគ្រួសារពួកគាត់ដោយកូរ៉ុមអែលឌើរ និងសមាគមសង្រ្គោះរបស់ពួកគាត់ ។
ដោយសារតែគណៈប្រធានស្ដេក និងគណៈប៊ីស្សពមានការទទួលខុសត្រូវចំពោះសមាជិកទាំងអស់នៅក្នុងស្ដេក និងវួដ នោះបងប្អូនប្រុសទាំងនេះ ជាទូទៅពុំត្រូវបានចាត់តាំងឲ្យធ្វើជាបងប្អូនប្រុសដែលផ្ដល់ការងារបម្រើចំពោះបុគ្គល ឬក្រុមគ្រួសារជាក់លាក់ណាមួយនោះទេ ។ ទីប្រឹក្សាជាន់ខ្ពស់ និងលោកអយ្យកោដែលកំពុងបំពេញមុខងារអាចត្រូវបានចាត់ អាស្រ័យទៅលើស្ថានភាពក្នុងតំបន់ដែលបានកំណត់ដោយប្រធានស្ដេក ។ បើពួកគាត់ត្រូវបានចាត់តាំង នោះនឹងជាការចាត់តាំងមកពីប្រធានកូរ៉ុមអែលឌើររបស់ពួកគាត់ដែលស្ថិតនៅក្រោមការដឹកនាំរបស់ប៊ីស្សពក្នុងវួដរបស់ពួកគាត់ ។
បន្ថែមពីលើការទទួលខុសត្រូវសំខាន់ៗដទៃទៀតដូចជាសង្ឃជាន់ខ្ពស់ជាអធិបតី និងចៅក្រមនៃអ៊ីស្រាអែល ប៊ីស្សពមានការទទួលខុសត្រូវជាក់លាក់មួយ ព្រមជាមួយនឹងទីប្រឹក្សារបស់ពួកគាត់ ដើម្បីមើលថែដល់យុវវ័យ ។ គោលលទ្ធិ និង សេចក្ដីសញ្ញា ១០៧:១៥ ចែងថា « គណៈប៊ីស្សពគឺជាគណៈប្រធាននៃបព្វជិតភាព [ អើរ៉ុន ] នេះ ហើយកាន់កូនសោទាំងឡាយ ឬសិទ្ធិអំណាចនៃរបស់ដដែល » ។ ក្បួនខ្នាតភាគ ១ ២.២ បានចែងថា « សមាជិកនៃគណៈប៊ីស្សព មើលថែ និងចិញ្ចឹមបីបាច់ដល់យុវជន និងយុវនារីនៅក្នុងវួដ » ។
ស្រដៀងគ្នានេះផងដែរ ប្រធានស្ដេកគឺជាសង្ឃជាន់ខ្ពស់ជាអធិបតីក្នុងស្ដេកគឺជា « អ្នកដឹកនាំខាងវិញ្ញាណដ៏សំខាន់នៅក្នុងស្តេក » ( ក្បួនខ្នាតភាគ ១១.១.១ ) និង « ធ្វើជាអធិបតីលើកិច្ចការនៃសេចក្តីសង្គ្រោះ » ( ក្បួនខ្នាតភាគ ១១.១.២ ) ។
អត់ទេ ។ ប្រធានមួយរូបមានទីប្រឹក្សាពីររូប ។ បើអ្នកដឹកនាំរកឃើញថា ត្រូវការជំនួយបន្ថែម នោះពួកគេអាចប្រឹក្សាជាមួយនឹងប៊ីស្សពរបស់ពួកគេអំពីការហៅលេខាដែលផ្ដល់ការងារបម្រើម្នាក់ ឬច្រើននាក់បាន ។ លេខាដែលផ្ដល់ការងារបម្រើទាំងនេះអាចត្រូវបានចាត់តាំង ឧទាហរណ៍ឲ្យដាក់កាលវិភាគការសម្ភាសអំពីការងារបម្រើ និងឲ្យជួយរៀបចំរបាយការណ៍នៃការសម្ភាសប្រចាំត្រីមាស ។
ការហៅបម្រើខាងអ្នកសម្របសម្រួល ការងារបម្រើ និងអ្នកគ្រប់គ្រងការងារបម្រើឈប់មានទៀតហើយ ។ អស់អ្នកដែលត្រូវបានហៅមកកាន់តំណែងទាំងនេះគួរតែត្រូវបានដោះលែង ។
សមាជិកនៃគណៈប្រធានកូរ៉ុមអែលឌើរ និងសមាគមសង្រ្គោះម្នាក់ៗដឹកនាំការសម្ភាសអំពីការងារបម្រើ ។ សូម្បីតែនៅក្នុងវួដធំមួយ ថ្នាក់ដឹកនាំនឹងឃើញថា ការសម្ភាសមានការគ្រប់គ្រងល្អ នៅពេលការសម្ភាសមួយចំនួនត្រូវបានធ្វើឡើងរាល់សប្ដាហ៍ដោយសមាជិកនៃគណៈប្រធាននីមួយៗ ។ ការសសម្ភាសអំពីការបម្រើពុំចាំបាច់មានរយៈពេលវែងទើបមានប្រសិទ្ធភាពនោះទេ ។
ការសម្ភាសអំពីការបម្រើអាច និងគួរតែធ្វើឡើង ក្នុងរយៈពេលពីដើមត្រីមាសដល់ចុង ត្រីមាសនីមួយៗ—ដែលពុំចាំបាច់ចាំដល់សប្ដាហ៍ចុងក្រោយ ឬខែចុងក្រោយក្នុងត្រីមាសនោះទេ ។ នៅពេលថ្នាក់ដឹកនាំធ្វើការសម្ភាសជាទៀងទាត់ នោះពួកគាត់នឹងឃើញថា ពួកគាត់អាចសម្រេចគោលបំណងនៃការងារបម្រើទាំងខាងវិញ្ញាណ និងខាងសាច់ឈាម ។
ការដាក់បញ្ចូលយុវវ័យនៅក្នុងការងារបម្រើ
ប្រាកដណាស់ ។ តាមសេចក្ដីណែនាំនៅក្នុងឯកសារថ្មីៗអំពី « ការការពារ និងការឆ្លើយតបចំពោះការបំពាន » អនុញ្ញាតឲ្យមជ្ឈិមវ័យអាចត្រូវបានចាត់តាំងឲ្យធ្វើជាដៃគូផ្ដល់ការងារបម្រើជាមួយយុវវ័យបាន ។ « ការងារបម្រើ » ពុំត្រូវបានចាត់ទុកថា ជា « សកម្មភាព » មួយ ឬ « ថ្នាក់រៀន » មួយដូចបានយោងនៅក្នុងសេចក្ដីណែនាំទាំងនោះទេ ។
ថ្នាក់ដឹកនាំគួរតែប្រើការវិនិច្ឆ័យដ៏បំផុសគំនិតនៅពេលធ្វើការចាត់តាំងយុវវ័យឲ្យធ្វើជាដៃគូផ្ដល់ការងារបម្រើនោះ ។ ដៃគូដែលជាមជ្ឈិមវ័យគួរតែចៀសវាងពីស្ថានភាពដែលអាចធ្វើឲ្យមានការភាន់ច្រឡំ ។ ពួកគេគួរតែអនុវត្តការមើលថែ ដែលទាក់ទងទៅនឹងស្ថានភាពជួបគ្នាផ្ទាល់ដោយនៅដាច់ពីគេឯង ដើម្បីឲ្យយុវវ័យមានបទពិសោធន៍សុវត្ថិភាព និងជារង្វាន់ជាមួយនឹងការងារបម្រើ ។ បន្ថែមពីលើនោះ ដោយភាពវាងវៃពុំគួរចាត់តាំងយុវវ័យឲ្យទៅផ្ទះ ឬគ្រួសារដែលមានស្ថានភាពលំបាកនោះឡើយ ។
ម៉ៃម៉េត និង ឡូរ៉ល អាចត្រូវបានអញ្ជើញឲ្យផ្ដល់ការងារបម្រើ ។ ឪពុកម្ដាយ និងថ្នាក់ដឹកនាំប្រឹក្សាជាមួយនឹងយុវនារីម្នាក់ៗ ហើយបើស្ថានភាពរបស់គាត់អាចធ្វើបាន ហើយគាត់មានឆន្ទៈដើម្បីបម្រើ នោះគាត់អាចទទួលបាននូវការចាត់តាំងផ្ដល់ការងារបម្រើមួយ ។ យុវនារីបម្រើជាដៃគូទៅនឹងបងប្អូនស្រ្តីសមាគមសង្គ្រោះ ។
ពេលមានការអនុមតិមកពីប៊ីស្សព នោះសមាជិកមួយរូបនៃគណៈប្រធានសមាគមសង្គ្រោះផ្ដល់ការចាត់តាំងការងារបម្រើដល់ពួកម៉ៃម៉េត និងឡូរ៉ល ។ ហើយនៅពេលមានការអនុមតិមកពីប៊ីស្សព នោះសមាជិកមួយរូបនៃគណៈប្រធានកូរ៉ុមអែលឌើរផ្ដល់ការចាត់តាំងការងារបម្រើទៅដល់ពួកគ្រូនិងពួកសង្ឃ ។