Pyetje Shtesë që Bëhen Rëndom

Po. Peshkopi është prifti i lartë kryesues dhe “u jep udhëzim e këshillë udhëheqësve të tjerë të lagjes” (Handbook 1 [Manuali 1], 2.1.1). Ai rishikon dhe miraton detyrat për dhënien e shërbesës. Nën drejtimin e peshkopit, këshilli i lagjes vazhdon në rolin e tij themelor për “t’i ndihm[uar] individët që të ndërtojnë dëshmi, të marrin ordinancat shpëtuese, të mbajnë besëlidhjet dhe të bëhen pasues të përkushtuar të Jezu Krishtit” (Manuali 2, 4.4). Kuorumi i përforcuar i pleqve dhe Shoqata e përforcuar e Ndihmës – të përfaqësuar nga presidentët e tyre, të cilët janë anëtarë të këshillit të lagjes – do ta rritin efektshmërinë e atij këshilli.

Këta vëllezër janë anëtarë të kuorumit të pleqve të lagjeve të tyre.

Jo. Priftërinjtë e lartë që shërbejnë në presidenca dege në një kunj nuk janë anëtarë të kuorumit të priftërinjve të lartë. Anëtarë të kuorumit të priftërinjve të lartë janë vetëm ata thirrja e të cilëve në presidencën e kunjit, në një peshkopatë, në këshillin e lartë dhe si patriarkë veprues u kërkon atyre që të jenë priftërinj të lartë.

Jo. Pleqtë që shërbejnë në një peshkopatë nuk janë anëtarë të kuorumit të priftërinjve të lartë.

Po. Si pjesë e përgjegjësive të tyre të përgjithshme, presidencat e kuorumit të pleqve duhet t’i intervistojnë anëtarët e kuorumit lidhur me të gjitha detyrat e priftërisë – përfshirë mirëqenien e mbajtësit të priftërisë, të bashkëshortes së tij dhe të familjes së tij – të paktën një herë në vit. Këto intervista mund të bëhen gjatë gjithë vitit. Ky diskutim nuk duhet të ndërthuret me një intervistë për dhënien e shërbesës ku është gjithashtu i pranishëm njëri nga dyshja shërbestare.

Presidencat e kuorumit të pleqve dhe të Shoqatës së Ndihmës mund t’i organizojnë anëtarët që të ndihmojnë për përmbushjen e punës ashtu siç duhet. Për shembull, ata mund të thërrasin anëtarë që të udhëheqin e të japin ndihmesë në punë të tilla si për shërbim, në tempull dhe për historinë familjare, për të ndarë ungjillin e për mirëqenien.

Po. Në frymën e Doktrinës e Besëlidhjeve 107:89, kur një lagje ka një numër mbajtësish aktivë të Priftërisë Melkizedeke më të madh se zakonisht, udhëheqësit mund të organizojnë më shumë se një kuorum pleqsh. Në raste të tilla, secili kuorum duhet të ketë një drejtpeshim të arsyeshëm për sa i përket moshës, përvojës, si dhe detyrës e forcës së priftërisë. Parime të ngjashme gjejnë zbatim për Shoqatën e Ndihmës.

Nën drejtimin e peshkopit, priftit të lartë kryesues në lagje, anëtarëve të kuorumit të priftërinjve të lartë dhe familjeve të tyre u caktohen vëllezër e motra shërbestare nga kuorumi i pleqve dhe Shoqata e tyre e Ndihmës.

Për shkak se presidencat e kunjit dhe peshkopatat janë përgjegjëse për të gjithë anëtarët e kunjit ose të lagjes, këta vëllezër përgjithësisht nuk caktohen si vëllezër shërbestarë për individë apo familje të veçanta. Këshilltarët e lartë dhe patriarkët në veprim mund të caktohen, duke u bazuar në rrethanat vendore, siç përcaktohet nga presidenti i kunjit. Nëse caktohen, do të jetë nga presidenti i kuorumit të tyre të pleqve nën drejtimin e peshkopit të lagjes së tyre.

Përveç përgjegjësive të tjera të rëndësishme, të tilla si prift i lartë kryesues dhe gjykatës i përbashkët në Izrael, peshkopët kanë një përgjegjësi të veçantë, së bashku me këshilltarët e tyre, që të kujdesen për rininë. Doktrina e Besëlidhje 107:15 thotë: “Këshilli i peshkopit është presidencia e kësaj priftërie [Aarone] dhe mban çelësat ose autoritetin e saj.” Manuali 1, 2.2, thotë: “Anëtarët e peshkopatës kujdesen dhe i ushqejnë të rinjtë dhe të rejat në lagje”.

Në mënyrë të ngjashme, presidenti i kunjit, si prifti i lartë i kunjit, është “udhëheqësi kryesor shpirtëror në kunj” (Handbook 1 [Manuali 1], 1.1) dhe “kryeson mbi punën e shpëtimit” (Handbook 1 [Manuali 1], 1.1.2).

Jo. Një president/e ka dy këshilltarë/e. Nëse udhëheqësit shohin se nevojitet ndihmë shtesë, ata mund të këshillohen me peshkopin e tyre për të thirrur një apo më shumë sekretarë/e të dhënies së shërbesës. Këta/o sekretarë/e të dhënies së shërbesës mund të caktohen, për shembull, që të planifikojnë intervista për dhënien e shërbesës dhe të ndihmojnë për përgatitjen e një raporti tremujor për intervistat.

Thirrja e bashkërenduesve të dhënies së shërbesës dhe mbikqyrësve të dhënies së shërbesës është ndërprerë. Ata që janë thirrur në këto pozicione duhet të lirohen.

Çdo anëtar i presidencës së kuorumit të pleqve dhe Shoqatës së Ndihmës kryen intervista për dhënien e shërbesës. Edhe në një lagje të madhe, udhëheqësit do të shohin se intervistat janë të arritshme kur bëhen disa çdo javë nga secili anëtar i presidencës. Nuk është nevoja që intervistat për dhënien e shërbesës të jenë të gjata për të qenë të efektshme.

Intervistat për dhënien e shërbesës mund dhe duhet të bëhen përgjatë çdo tremujori – dhe të mos lihen për javën e fundit apo muajin e fundit të tremujorit. Teksa udhëheqësit bëjnë intervista të rregullta, ata do të zbulojnë se mund t’i arrijnë qëllimet shpirtërore dhe materiale të dhënies së shërbesës.

Po. Udhëzimet në dokumentin më të fundit “Preventing and Responding to Abuse [Parandalimi dhe Reagimi ndaj Abuzimit]” lejojnë që të ketë dyshe për dhënien e shërbesës me të rinj e të reja të caktuara si shoqërues të të rriturve. “Dhënia e shërbesës” nuk konsiderohet një “veprimtari” apo “orë mësimore”, siç përmendet në ato udhëzime.

Udhëheqësit duhet të përdorin gjykim të frymëzuar kur i caktojnë të rinjtë e të rejat si shoqërues shërbestarë. Shoqëruesit në moshë madhore duhet t’i shmangin situatat që mund të keqkuptohen. Ata duhet të tregojnë kujdes lidhur me situatat kur janë vetëm për vetëm në mënyrë që të rinjtë e të rejat të kenë një përvojë të sigurt e shpërblyese me dhënien e shërbesës. Përveç kësaj, duhet të ushtrohet urtësi për të mos i caktuar të rinjtë e të rejat në shtëpi apo situata familjare të vështira.

Trëndafilet dhe Dafinat mund të ftohen të japin shërbesë. Prindërit dhe udhëheqësit këshillohen me çdo të re dhe, kur rrethanat e saj janë të tilla që ajo mund dhe është e gatshme të shërbejë, asaj mund t’i jepet një detyrë shërbestare. Të rejat shërbejnë si shoqëruese të motrave të Shoqatës së Ndihmës.

Me miratimin e peshkopit, Trëndafileve dhe Dafinave ua jep detyrat e dhënies së shërbesës një anëtare e presidencës së Shoqatës së Ndihmës. Dhe, me miratimin e peshkopit, mësuesve dhe priftërinjve ua jep detyrat e dhënies së shërbesës një anëtar i presidencës së kuorumit të pleqve.