Jebta 25
Aron ej Katakin Jemān Kiin̄ Lamonai
Aron ekar jiron̄ kiin̄ eo bwe ekar ļeo jatin Ammōn. Kiin̄ eo ekar ļōmņake kōn jouj eo an Ammōn im kōn ta eo Ammōn ekar ba n̄an e.
Aron ekar kajjitōkin kiin̄ eo eļan̄n̄e ej tōmak ilo Anij. Kiin̄ eo ekar ba ejjab lukkuun jeļā ak ekar ba enaaj tōmak eļan̄n̄e Aron ej ba bwe ewōr Anij. Aron ekar kam̧ool n̄an kiin̄ eo ke Anij emour.
Aron ej riit jeje ko rekwojarjar n̄an kiin̄ eo. Ekar katakin e kōn Kōm̧anm̧an eo an Laļ in, Wōtļo̧k eo an Adam, im mijen eo an Jisōs Kraist
Kiin̄ eo ekar kajjitōk ta eo ej aikuj kōm̧m̧ane bwe en wōr ippān Jetōb Kwojarjar im m̧aanjapopo n̄an mour ippān Anij. Kiin̄ eo ekar ikdeleel n̄an kōm̧m̧an jabdewōt men, jon̄an leļo̧k aolepān laļ eo an.
Aron ekar jiron̄ kiin̄ eo ke ej aikuj ukweļo̧k jān jerawiwi ko an. Ekar aikuj jar im en wōt an tōmak ilo Anij.
Kiin̄ eo ekar jar n̄an jeļā eļan̄n̄e m̧ool ke ewōr juon Anij. Ekar ba enaaj jeorļo̧k aolep jerawiwi ko an.
Kiin̄ eo ekar okjak n̄an laļ im āinwōt n̄e emej. Ke lerooj eo eaar loe, ekar ļōmņak Aron im kampānien ro an rekar m̧an e.
Lerooj eo ekar ba n̄an ro rikarejaran bwe ren m̧an Aron im kampānien ro an, ak ro rikarejaran rekar mijak. Ekar jilkinļo̧k er n̄an kappukōt armej ro jet me remaron̄ m̧an er.
M̧okta jān an kar juon jarlepju eļap ekar maron̄ kuk ippān doon im kōm̧m̧an jorrāān, Aron ekar jibwe pein kiin̄ eo im ba en jerkak. Kiin̄ eo ekar jutak.
Kiin̄ eo ekar kaeņōm̧m̧an kōrā eo pāleen jān an illu im ro rikarejaran innem katakin er kōn gospel eo. Rekar aolep tōmak ilo Jisōs Kraist.