Хүүхэд, өсвөр үеийнхний бүх удирдагч, багш нар дуудагдсанаасаа хойш нэг сарын дотор энэ сургалтыг дуусгах ёстой.
Сүмийн үйл ажиллагаа ба ангиуд нь хүүхэд, өсвөр үеийнхэнд Аврагчийн хайрыг мөн Ариун Сүнсний нөлөөг мэдрэх боломж юм. Эдгээрт оролцож байхдаа хүүхэд, өсвөр үеийнхэн аюулгүй бөгөөд хамгаалагдсан байгаа гэдгээ мэдрэх хэрэгтэй. Удирдагч, багш нар Аврагчийн хайрыг болон хүүхдүүдэд санаа тавьдаг үлгэр жишээг нь дагах ёстой.
Энэхүү сургалт нь бие махбодын, бэлгийн, хэл ярианы болон бусад төрлийн хүчирхийллийг хэрхэн таних мөн урьдчилан сэргийлэх зэрэг сэдвүүдийг хамарна. Доорх эх сурвалжууд танд хүчирхийллийг танихад мөн түүнээс урьдчилан сэргийлэхэд туслах болно. Энэхүү сургалт нь үндсэн зарчим, дүрэм журмыг илүү сайн ойлгож, хэрэгжүүлэхэд тань туслах жишээнүүдийг багтаасан.
Сургалтад багтсан үндсэн зарчим ба дүрэм журам
- Их Эзэн биднээс хүчирхийллээс урьдчилан сэргийлж, хүчирхийлэлд өртсөн хүмүүсийг хамгаалж, туслахын тулд чадах бүхнээ хийгээсэй хэмээн хүсдэг.
- Сүм ямар ч хэлбэрийн хүчирхийллийг үл тэвчдэг. Хүчирхийлэл нь Бурханы хуулиудыг зөрчсөн хэрэг бөгөөд түүнчлэн нийгэм дэх хууль тогтоомжуудыг зөрчсөн хэрэг байж болзошгүй.
- Насанд хүрсэн хүмүүс Сүмийн хүрээнд хүүхэд, өсвөр үеийнхэнд зааж байхад “насанд хүрсэн, хариуцлагатай, хамгийн багадаа хоёр хүн байх ёстой” (Ерөнхий гарын авлага: Өсвөр үеийнхний хичээлүүд,13.4.1 ба Хүүхдүүдийг хамгаалах, 12.5.1).
- “Өсвөр үеийнхэн, хүүхдүүд, залуучуудад зориулсан Сүмээс зохион байгуулж буй үйл ажиллагаанд хамгийн багадаа насанд хүрсэн хоёр хүн байх ёстой” (Ерөнхий гарын авлага: Насанд хүрэгчдийн хяналт, 20.7.1).
- Хүүхэд, өсвөр үеийнхэнтэй ганцаарчилсан байдлаар удаан харилцахаас зайлсхийж, үйл ажиллагаа эсвэл санаа зовниж буй асуудлынхаа талаар эцэг эх, асран хамгаалагчидтай нь тогтмол харилцаж байгаарай.
Зохисгүй үйлдэл эсвэл хүчирхийлэл гарах тохиолдолд та хүүхэд, өсвөр үеийнхнийг хамгаалахын тулд яаралтай арга хэмжээ авах хэрэгтэй.
АНУ ба Канад
Хэрэв та хүчирхийллийн талаар мэдсэн бол хуулийн байгууллагад нэн даруй хандах ёстой. Түүнчлэн хохирогчид туслах, хүчирхийллийн талаар мэдээлэх шаардлагыг хангах тухай удирдамж авахаар хүчирхийллийн эсрэг тусламжийн шугам руу залгаж холбогдох талаар та гадасны ерөнхийлөгч эсвэл бишоптойгоо зөвлөлдөх хэрэгтэй.
АНУ ба Канадаас бусад улс оронд
Хүчирхийллийн тухай хэзээ хэрхэн мэдээлэх талаар мэдэж ав. Ихэнх улс оронд, та хуулийн байгууллагад нэн даруй хандах хэрэгтэй болно. Гадасны ерөнхийлөгч эсвэл бишоптой удирдамж зааврын талаар зөвлөлд. Танай улс оронд хүчирхийллийн эсрэг тусламжийн шугам байхгүй тохиолдолд бишоп нь бүсийн албатай болон гадасны ерөнхийлөгчтэй зөвлөлдөж, хүчирхийллийн талаар мэдээлэх, хүчирхийлэлд өртсөн хүнийг хамгаалах зохих үйл явцын тухай мэдэж авах болно.
Хүчирхийлэлд өртсөн хүүхэд, өсвөр үеийнхэнд хүчирхийллийн хор хөнөөлийг даван туулахад нь туслах Сүмийн сүнсээр өдөөгдсөн удирдагчид, гэр бүлийн гишүүд, бэлтгэгдсэн мэргэжилтнүүд зэрэг хүмүүсийн эелдэг, энэрэнгүй анхаарал халамж хэрэгтэй байдаг. Аврагч Есүс Христийн эдгээх хүч нь тэдний ачааг хөнгөвчилж, бэрхшээлийг даван туулах хүчийг өгнө.
Энэхүү онлайн сургалтын модулийн тухай мөн дуудлагынхаа хүрээнд хүчирхийллээс хэрхэн урьдчилан сэргийлж, хариу арга хэмжээ авах тухай дэлгэрэнгүй мэдээллийг доорх Түгээмэл асуудаг асуултууд хэсгээс авна уу.
Энэ сургалт нь хүүхэд, өсвөр үеийнхэнтэй ажиллахаар дуудагдсан хэн бүхэнд зориулагдсан болно. Үүнд:
- Гадас, дүүргийн ерөнхийлөгчийн зөвлөл, бишопын болон салбарын ерөнхийлөгчийн зөвлөл.
- Дээд зөвлөлийн гишүүд.
- Гадас, дүүрэг, тойрог, салбарын Хүүхдийн хэсэг, Залуу эрэгтэйчүүд, Залуу эмэгтэйчүүд, Ням гаргийн анги, Халамжийн нийгэмлэг, Ахлагчдын чуулгын ерөнхийлөгчийн зөвлөлүүд.
- Нарийн бичиг, багш, зөвлөх, аяллын удирдагч, үйл ажиллагааны удирдагч, хөгжмийн удирдагч, төгөлдөр хуурч болон Хүүхдийн хэсэг, Залуу эмэгтэйчүүд, Залуу эрэгтэйчүүдийн байгууллагад дуудлагатай бусад хүн.
- Өсвөр үеийнхний Ням гаргийн ангийн болон семинарын ангийн багш нар.
Энэхүү сургалтыг үзэж дуусгахад 30 орчим минут шаардагдана.
Хэрэв та хүүхэд, өсвөр үеийнхэнтэй ажилладаг дуудлагатай бол энэ сургалтад 3 жил тутамд хамрагдах шаардлагатай. Сургалтын дуусах хугацаанаас өмнө танд сануулга э-мэйл ирэх болно.
“Хариуцлагатай насанд хүрсэн хоёр хүн хамт байх тухай заавар нь тохинууллын хамтрагчдын томилгоонд хамаарахгүй. Хэдий тийм ч, бишопын удирдлаган доор удирдагчид өсвөр үеийнхнийг насанд хүрсэн хүмүүсийн хамтрагчаар томилохдоо мэргэн ухаанаар хандаж мөн илэрхийлэлт хүлээн авахыг эрэлхийлэх хэрэгтэй.
“Насанд хүрсэн хамтрагчид буруу ойлголтод хүргэж болзошгүй нөхцөл байдлаас зайлсхийх ёстой. Хоёулахнаа тусдаа үлдэх нөхцөлд болгоомжтой хандах ёстой бөгөөд ингэснээр өсвөр үеийнхэн тохинууллын талаар аюулгүй, үр өгөөжтэй туршлага олж авах болно. Үүнээс гадна, удирдагчид өсвөр үеийнхнийг хүнд хэцүү нөхцөл байдалтай айл гэр, гэр бүлд томилохгүй байх мэргэн ухаан гаргавал зохино.
“Өсвөр үеийнхэн эцэг эх болоогүй хүнтэй хамтрагч болон томилогдох үед эцэг эх нь уг томилгоог эсэргүүцээгүй гэдгийг удирдагчид баталгаажуулах хэрэгтэй” (General Handbook: Organizing Ministering to Meet Local Needs,21.3, ChurchofJesusChrist.org).
“Гадасны эсвэл бишопын ерөнхийлөгчийн зөвлөл эсвэл томилогдсон удирдагч хүүхэд, өсвөр үеийнхэнтэй эсвэл эмэгтэй хүнтэй ярилцлага хийхдээ эцэг эхийг нь эсвэл насанд хүрсэн өөр хэн нэгнийг зэргэлдээ өрөө, хүлээлгийн өрөө юм уу үүдний танхимд байлцахыг хүсэх ёстой.” Хэрэв ярилцлагад орж байгаа хүн хүсвэл өөр нэг насанд хүрсэн хүнийг ярилцлагын үеэр байлцуулж болно. Буруу ойлголт төрүүлж болох бүх нөхцөл байдлаас удирдагчид зайлсхийвэл зохино” (Ерөнхий гарын авлага: Буруу ойлгогдохоос сэргийлэх, 31.4, ChurchofJesusChrist.org).
Үгүй. Энэ сургалт нь гурван жилийн хугацаанд хүчинтэй.
Тийм. Та Сүмийн бүртгэлээрээ нэвтрэн орох хэрэгтэй болно. Хэрэв Сүмийн бүртгэл тань гишүүнчлэлийн бүртгэлийн дугаар (ГБД)-тай тань холбогдоогүй бол та уг сургалтыг үзэж эхлэхээсээ өмнө мэдээллээ холбох хэрэгтэй, эс бөгөөс таны сургалт үзсэн эсэх бүртгэгдэхгүй.
ГБД-аа Сүмийн бүртгэлтэй холбохын тулд ариун сүмийн эрхийн бичиг дээрх ГБД-аа харах эсвэл тойргийн бичиг хэргийн ажилтан эсвэл Сүмийн бусад удирдагчаасаа ChurchofJesusChrist.org хаяг эсвэл Member Tools апп-аар орж, тус дугаарыг олж өгөхийг хүсэж болно. ГБД-аа авсны дараа Сүмийн бүртгэлийнхээ Гишүүнчлэл хэсэг рүү орно уу. Дэлгэрэнгүй мэдээлэл авахыг хүсвэл Сүмийн бүртгэлийн тусламж руу зочилно уу.
Бишоп, тойргийн бичиг хэргийн ажилтан энэ сургалтыг авах хэрэгтэй гишүүдийн нэрсийг ChurchofJesusChrist.org хаяг дээрх Удирдагч, бичиг хэргийн ажилтны эх сурвалж хэсгээс удахгүй харах боломжтой болно. Энэхүү жагсаалт нь тогтмол шинэчлэгдэх болно.
Хүүхэд, өсвөр үеийнхний бүх удирдагч, багш нар дуудагдсанаасаа хойш хэрэв боломжтой бол нэг сарын дотор энэ сургалтыг дуусгах ёстой.
Тийм. Мөн түүнчлэн, хүүхэд, өсвөр үеийнхэнтэй ажиллахаар дуудагдсан хүмүүсээс гадна эцэг эхчүүд мөн бусад хүн энэ сургалтыг үзэх боломжтой.
Хэрвээ танд Сүмийн эх сурвалжуудад нэвтрэхэд шаардлагатай бүртгэлээ тохируулах тусламж хэрэгтэй бол гадасны эсвэл тойргийн бичиг хэргийн ажилтанд хандана уу. Мөн танд сургалтаа дуусгахын тулд компьютер хэрэгтэй бол удирдагчдадаа хандаж болно.
Сургалт үзэж байхад тань хэрэв асуудал гарвал хуудасны доор байрлах эсвэл энд буй Санал хүсэлт гэсэн хэсэг дээр дар.
Та асуултаа хуудасны доор байрлах эсвэл энд буй Санал хүсэлт гэсэн хэсэг дээр дарж илгээнэ үү.
Сүмийн эх сурвалж
Нэмэлт эх сурвалж ба мэдээлэл