Na kosipeli i Jisu Karisito e rawa ni vakalougatataka na nomu bula

Io! Nida lewe ni Lotu i Jisu Karisito ni Yalododonu Edaidai, eda vakabauta ni o Jisu Karisito na Luve ni Kalou ka iVakabula kei Vuravura. E lomani keda vakalevu cake o Koya mai na kena eda rawa ni vakasamataka. Keimami dau yalodina na muri Jisu. E dina ni duidui eso na noda vakabauta, eda vakabauta ni mai na Nona bula, veiqaravi, solibula, kei na tucaketale, a vakabulai keda kina o Jisu Karisito mai na ivalavala ca, rarawa, kei na mate.

Vulica me baleta na noda vakabauta.

Na gauna ni soqoni ni Lotu e duidui mai na dua na ivavakoso kina dua tale. Ia, ona rawa ni vakanuinui kina dua na gauna levu ni sokalou vei ira na tamata kece, ka dau tarava yani na kalasi vei ira na gonelalai, itabagone, kei na uabula.

Na sokalou vei ira na tamata kece e vakatokai na “soqoni ni sakaramede.” E okati ena soqoni oqo na sere, masu, kei na vunau (se “vosa”) ka ra solia na lewe ni ivavakoso duidui e veimacawa. Ia na tiki bibi duadua ni soqoni oqo sai koya na noda taura na sakaramede (sa tautauvata kei na vakacacabo) me vakananumi kina na iVakabula.

Vulica eso tale na ka me baleta na lotu ena Sigatabu se kunea e dua na lotu volekati iko.

Vei ira na Yalododonu Edaidai, e dua na valetabu e duidui mai na veivale tale eso ni Lotu. Na valetabu sa vanua era ciqoma kina na Yalododonu Edaidai na ivakasala digitaki me baleta na Kalou kei Jisu Karisito. Ena valetabu, era cakava na lewenilotu na veiyalayalati tawamudu (se yalayala) vata kei na Kalou. Oqo e oka kina na yalayala ni maroroi ni ivakaro, bulataka na kosipeli i Jisu Karisito, yalodina ena vakamau, ka veivukei ena noda veimaroroi ena noda wasea na veika sa tu vei keda.

Vakakina, baleta nida vakabauta ni tawamudu na matavuvale, e vuqa na cakacaka e vakayacori ena loma ni valetabu o ya me vakaukauwataki cake sara na ivau ni matavuvale. Na vakamau ena valetabu e vakayacori me tawamudu, sega ni “me qai tawasei kemudrau ga na mate.” Era yaco na itubutubu kei ira na gone mera matavuvale tawamudu ena valetabu. Sa rawa talega vei ira na tubuda mera ciqoma na veivakalougatataki kece sara ni valetabu kevaka e dua e vakayacora na cakacaka vakalotu tabu ena vukudra era ciqoma na cakacaka ni veiqaravi o ya. Era vanua osooso na valetabu!

Na iVola i Momanie dua na ivola ni ivolanikalou veivakauqeti ka vakavulica vei keda na veika me baleta na Kalou kei Jisu Karisito. Ena vukei keda meda ciqoma na veidusimaki ni noda bula yadua ka rawa ni vukei keda meda vakila nida volekati Jisu Karisito. E kau mai vei na yaca oya? Ena vica vata na drau na yabaki sa oti, edua na parofita ka yacana o Momani a kumuna vata e dua na kedra ivolatukutuku na nona tamata. Era sotava e vuqa na bolebole vata ga eda sotava tiko nikua. Me vakataki keda ga, era kunea na kaukauwa nira gole vei Jisu Karisito. Taura e dua na ivakamacala taumada ni iVola i Momani vei ira na daukaulotu.

Na iVola i Momani erau veitokoni kei na iVola Tabu me dua tale na ivakadinadina kei Jisu Karisito kei na Nona ilesilesi vakalou vaka iVakabula ka Dauniveivueti kei vuravura. Oi rau oqo, na iVola Tabu kei na iVola i Momani erau vakamatatataka vakalevu cake na loloma cecere ni Kalou vei keda kece sara ka rawa ni vukei keda meda toro voleka vei Koya. 

Vulica eso tale na ka me baletana sala erau cakacaka vata kina na iVolatabu kei na iVola i Momani.

Io. Na iVolatabu e vosa ni Kalou, e ivola ni ivolanikalou, ka ena noda muria na kena ivakavuvuli ena kauta mai na reki kina noda bula. Vata kei na iVolatabu, eda na kunea talega na veivakauqeti ena ivola tale eso ni ivolanikalou ka vakatabakidua ga kina Lotu i Jisu Karisito ni Yalododonu Edaidai. Era cakacaka vata kece mera vakavulica vei keda na dina bibi me baleta na Kalou kei Jisu Karisito.

Vulica eso tale na ka me baleta na noda vakabauta na iVolatabu.