E Kila Vinaka Tu o Jisu Karisito na Nomu iBolebole

E Kilai Iko Vinaka Tiko O Jisu Karisito.

Ena gauna a vakararawataki kina na iVakabula ena vukuda kece ena Were o Kecisemani kei na kauveilatai, a rawata o Koya me kila vinaka sara kina na veivakatovolei kece eda sotava. Sai Koya duadua ga na tamata e kila vakavinaka sara ga na veika o sa lako curuma tiko, ia na Nona loloma soliwale ena vakarautaka na kaukauwa o gadreva mo ulabaleta kina na veivakatovolei.

Na Vola i Momani e vakavulica:

“Ia ena lako yani ko koya, ena vakila na mosi kei na veivakararawataki kei na veivakatovolei kecega, ia sa yaco na veika oqo me vakayacori kina na vosa sa tukuni ni na colata ko Koya na nodra mosi kei na nodra tauvimate na nona tamata.

“Ia ena mate ko koya, me tasereka kina na ivau ni mate sa vauci ira tu na nona tamata; ia sa ciqoma ko koya na nodra malumalumu, me vakasinaiti na lomana ena loloma cecere, me vaka na veika vakayago, me rawa kina ni vakila me vaka na veika vakayago na sala me vukei ira kina na nona tamata me vaka na nodra veimalumalumu.” (

Alama 7:11–12

Baleta ga ni lomani iko na Kalou ka vinakati iko mo yaco mo nomu vinaka duadua, a tala mai o Koya na Luvena uasivi duadua me nomu iVakabula. A taura Vua o Jisu Karisito na mosi kei na nona vakararawataki me rawa kina Vua me kila na sala me tokoni iko kina. E kilai iko vakavinaka sara tu ga o Koya ka kila na ivakarau me vukei iko kina kevaka o gole vua na Kalou ena masu ka kerea na veidusimaki.

E Rawa ni o Kunea na Vakacegu kei na Veitokoni ena Gauna Dredre

E Rawa ni Vukei Iko e Dua na iTikotiko Raraba ni Lotu Dauloloma mo Valuta kina na Rarawa

Nio gole yani vua na Kalou kei Jisu Karisito, ena vaqaqacotaki na nomu vakabauta ka na yaco me dua na iyaqa ena gauna ni cava ni bula. Na kosipeli i Karisito e rawa ni vakaraitaka vei iko na sala kina reki tawayalani, ka rawa ni kauta mai na vakacegu kei na inuinui na dina e vakavulici ena Nona Lotu.

Sa rawa vei ira na nomu itokani kei na matavuvale me ivurevure totoka ni veitokoni kei na marau, oka kina na veitokani era tauyavutaki ena lotu. Era segata na lewe ni noda ivavakoso me ra vakarautaka na veitikotiko ni veikauwaitaki ka da veiqaravi kina vakaikeda ena ivakarau ni bula kei na sala vakayalo.

Na Lotu i Jisu Karisito ni Yalododonu Edaidai e vakarautaka e dua na ivakarau veitokoni ena gauna ni bolebole ni bula.

E rawa ni vakarautaka na nomu ivavakoso

ni vanua eso tale na itukutuku me baleta na madigi cava soti e tu ena nomu vanua.

Vaqaqacotaka Na Nomu Vakabauta

Sa rawa ni o kunea na kaukauwa kei na gugumatua lesu mo vorata rawa kina na bolebole ni bula mai vei Jisu Karisito. Sa rawa vei ira na daukaulotu mera vakaraitaka vei iko na kena sala.

Kerea mo Sikovi.

A young woman is outdoors and smiling. She is looking towards the camera. She is at Antelope Island State Park in Utah.

E Kilai Iko ka Lomani Iko na Kalou

Na Kalou e lomani ira kece na Luvena—ka kena ibalebale ni lomani iko na Kalou. Ena masu, sa rawa mo toro voleka yani vua na Tamamu Vakalomalagi ka vulica mo kila na Nona veidusimaki loloma ena nomu bula.

O Jisu Karisito sa Nomu iVakabula.

O Jisu Karisito na Luve ni Kalou—na noda iVakabula ka Dauveivueti, a talai mai me vakabulai keda kece. Ena Vukuna ga, ena rawa ni o vakila na reki kei na vakacegu ena nomu kila ni o rawa ni galala mai na ivalavala ca ka dua na siga mo na bula tawamudu vata kei na Kalou kei ira na nomu daulomani.