Tomas

Diha sa Bag-ong Tugon, usa sa unang Napulog Duha ka mga Apostoles nga gipili sa Manluluwas sa panahon sa iyang mortal nga pangalagad. Sa Gresyanhon ang ngalan mao si Didimo (Mat. 10:2–3; Juan 14:5; 20:24–29; 21:2). Bisan si Tomas nagduha-duha sa pagkabanhaw ni Jesus hangtud siya nakakita gayud sa Manluluwas, ang iyang kalig-on sa kinaiya nakahimo kaniya nga andam sa pag-atubang sa panggukod ug sa kamatayon uban sa iyang Ginoo (Juan 11:16; 20:19–25).