Pangkalahatang Ideya para sa Kabataan
Ang programang Mga Bata at Kabataan ay tumutulong sa mga kabataan na umunlad tulad ng kanilang Tagapagligtas at ibahagi ang kanilang mga kaloob at talento sa iba. Naghahangad sila ng paghahayag kung paano mapauunlad ang kanilang mga talento, magiging lalong katulad ni Jesucristo, at gagawing mas mabuti ang kanilang sarili, ibang tao, at maging ang mundo.
Ang tatlong aspeto na pinagtutuunan sa programang Mga Bata at Kabataan ay:
- Pag-aaral ng ebanghelyo.
- Gawaing-paglilingkod at mga aktibidad.
- Personal na pag-unlad.
Alamin Pa
Ang pag-aaral ng ebanghelyo ay nagsisimula sa tahanan at sinusuportahan ng Simbahan. Sa tahanan, natututuhan, nauunawaan, at ipinamumuhay ng mga kabataan ang ebanghelyo ni Jesucristo bilang bahagi ng kanilang pang-araw-araw na buhay. Sila ay nakikibahagi sa pag-aaral ng mga banal na kasulatan, nagtuturo ng mga aralin, sama-samang nagdarasal, nag-oorganisa ng mga home evening, at iba pa. Sa simbahan, ang mga adult leader ay tumutulong magturo ng mga klase na nakatuon sa ebanghelyo at tinutulungan nila ang mga kabataan na magplano ng mga aktibidad sa pag-aaral ng ebanghelyo para sa kanilang mga klase at korum. Ang mga klase sa Seminary ay nagbibigay rin ng magandang suporta mula sa Simbahan para sa pag-aaral ng ebanghelyo.
Ang mga gawaing-paglilingkod at aktibidad ay makatutulong sa mga kabataan na umunlad, bumuo ng mabubuting gawi sa araw-araw, bumuo ng mga ugnayan sa pamilya, matuto ng mga kasanayan sa buhay, at magkaroon ng mga katangiang tulad ng kay Cristo. Ang mga gawaing-paglilingkod at aktibidad ng pamilya ay maaaring magtuon sa mga pangangailangan ng indibiduwal at pamilya at maglaan ng mga pagkakataong ipamuhay ang mga alituntunin ng ebanghelyo sa araw-araw.
Ang paglilingkod—kabilang ang pangangasiwa sa ordenansa ng sacrament ng mga mayhawak ng Aaronic Priesthood—at regular na mga aktibidad ay nagbibigay ng mga pagkakataon na magsama-sama, matuto ng mga bagong kasanayan, gumawa ng mahihirap na gawain, at bumuo ng mga ugnayang nakasentro sa ebanghelyo sa mga kaibigan at lider. Ang mga pagkakataong ito ay tumutulong sa mga kabataan na maging lalong katulad ng Tagapagligtas at magbigay ng makabuluhang paglilingkod sa iba.
Sa tulong ng mga adult leader, ang mga quorum presidency at mga class presidency ay nagpaplano ng mga gawaing-paglilingkod at mga aktibidad. Ang mga aktibidad na ito ay dapat maging masaya, kaakit-akit, magpalakas ng mga patotoo, magpalakas ng mga pamilya, at magtaguyod ng personal na pag-unlad. Ang mga aktibidad ay dapat balanse ayon sa apat na aspeto ng pag-unlad (espirituwal, pakikipagkapwa, pisikal, at intelektuwal).
Kabilang sa mga aktibidad ng mga kabataan na isinasagawa nang ilang araw ang For the Strength of Youth (FSY) conference, youth conference, youth camp, at iba pang pagtitipon. Ang mga aktibidad na ito ay makatutulong sa kabataan na palalimin ang kanilang hangaring tularan at sundin ang Tagapagligtas, alisin sila sa kanilang mga nakagawian, at tulungan silang makita na sila ay bahagi ng mas malaking grupo ng mga kabataan na may mabubuting mithiin.
Tingnan ang sumusunod para sa karagdagang mga ideya sa mga gawaing-paglilingkod at aktibidad:
Ang bishopric ay maaaring tumawag at ang Young Women presidency ay maaaring magrekomenda ng mga adviser at specialist para sa kanilang mga korum at klase. Ang bishopric at ang Young Women presidency at ang kanilang tinawag na mga adviser at specialist ay maaaring dumalo sa mga aktibidad ng mga kabataan. Palaging mayroong hindi bababa sa dalawang adult leader ang bawat aktibidad. Dapat kumpletuhin ng lahat ng adult leader ang training sa ProtectingChildren.ChurchofJesusChrist.org.
Ang mga kabataan ay tumutuklas, nagpaplano, gumagawa, at pinagninilayan ang kanilang sariling mga plano para sa personal na pag-unlad (espirituwal, pakikipagkapwa, pisikal, at intelektuwal). Maaaring tulungan ng mga magulang ang mga kabataan na malaman kung gaano na kalaki ang kanilang pag-unlad at kung saan nila kinakailangan pang umunlad. Lahat ng aktibidad, kabilang na ang sa simbahan, paaralan, pakikipagkaibigan, sports, sining, trabaho, at iba pang mga indibiduwal na interes ay makatutulong sa mga bata at kabataan na tularan at sundin si Jesucristo.
Ang mga kabataan ay hinihikayat na pagtuunan ang kahit dalawang mithiin para sa bawat aspeto sa bawat taon. Ang mga kabataan ang tumutukoy kung paano nila gustong itakda at subaybayan ang kanilang pag-unlad. Maaaring gamitin ng ilan ang Pansariling Pag-unlad: Gabay na Aklat para sa mga Kabataan o ang Gospel Living app upang pumili at magtala ng mga mithiin.
Ang mga ideya tungkol sa mga mithiin ay makukuha sa gabay na aklat, sa ChildrenandYouth.ChurchofJesusChrist.org, at sa Gospel Living app.