No Asinokami
Dagiti miembro ti Ti Simbaan ni Jesucristo dagiti Santo iti Ud-udina nga Aldaw ket buklen dagiti nadumaduma a komunidad dagiti tao iti intero a lubong nga addaan iti maymaysa a pammati iti Dios ken iti Anakna, ni Jesucristo.
Maysa nga Aktibo a Pammati
Dagiti Gagayyem ken Kaarruba
Masarakandakami nga agbibiag, agtartrabaho, ken mangpatpatanor kadagiti pamilia iti intero a lubong. Para kadakami, ti pannakiraman iti komunidadmi ket maysa a wagas a pakabalinanmi nga ayaten ti kaarrubami kas insuro ni Jesus.
Dagiti Nakiraman a Kongregasion
Imbes a mabayadan a full-time a clergy, adda pasetmi amin kadagiti lokal a kongregasionmi babaen kadagiti akem a mangidaulo, naidutok a panagsarita, ken dadduma pay a gundaway a panagboluntario.
Mangsuporta iti labes ti Domingo
Para kadakami, ti simbaan ket nalablabes pay ngem iti panagdaydayaw iti Domingo—maysa pay a lugar daytoy a pakasarakan iti suporta babaen kadagiti panaggagayyem ken padpadas a mangpapigsa iti pammati ken mangidiaya iti maaramat a tulong para kadagiti karit iti biag.
We Work Together as Followers of Jesus Christ
Improving lives and building strong communities
Agdaydayawkami a Sangkamaysa
Iti nasurok a 30,000 a lokal a kongregasion iti intero a lubong, makikonekta dagiti tao kadagiti dadduma iti komunidadda tapno agdaydayaw, agkararag, agkanta kadagiti himno, ken agadal iti ebanghelio ni Jesucristo.
Agsursurokami a Sangkamaysa
Bayat ti lawas, agtataripnong dagiti tao iti amin nga edad kadagiti klase, kas iti seminary para kadagiti agtutubo wenno institute para kadagiti young adult, tapno agadal a sangkamaysa kadagiti pannursuro ni Jesus.
Agserbikami kadagiti Dadduma
Dagiti proyekto ti serbisio ket regular a paset ti aktibidad ti simbaan ken maysa a kangrunaan a wagas a pakapagtungpalanmi iti bilin ti Dios nga agayat iti kaarrubatayo.
Mangbangonkami Kadagiti Relasion
Dagiti kongregasionmi ket paset dagiti sangakaarrubaan a pagnanaedanmi, ken agtrabahokami a sipipinget tapno agbalinkami a nasayaat a kaarruba ken gagayyem. Dagiti aktibidad iti kagimongan ket maysa a makaay-ayo ken napateg a paset ti panangbangon iti maysa a komunidad ti simbaan.
Papigsaenmi dagiti Pamilia
Dagiti natibker a begkes ti pamilia ti mamagbalin iti daytoy a biag a narag-o ken mangtulong kadatayo a mangbangon iti kita ti lubong a tarigagayantayo. Ti padas ken serbisiomi iti simbaan ti mangsuporta kadagiti naun-uneg ken naay-ayat a relasion iti pamilia.
Agbalintayo a Nasaysayaat
Ti panagbalin a kita ti tao a namnamaenmi a pagbalinan ket napateg a paset ti biagmi iti simbaan. Dagiti programa ti simbaan ti mangtulong kadagiti tao nga agsursuro ken dumur-as iti agpada a naespirituan ken kadagiti maaramat a wagas babaen ti ebanghelio ni Jesucristo.
Find Our Church Near You
Want to see how a supportive church community can benefit you? Come and see for yourself by visiting a local congregation of The Church of Jesus Christ of Latter-day Saints.
Church Leadership
“As every man hath received the gift, even so minister the same one to another as good stewards of the manifold grace of God.” –
Mamatikami kadagiti Propeta ken Apostol
Iti panangsurot iti isu met laeng a pagtuladan nga impasdek ni Jesucristo a mangidaulo kadagiti taona iti panawen ti biblia, ti Simbaan ket idauluan ti maysa a propeta ken dagiti apostol iti agdama. Agserbi ken agtrabaho dagitoy a lider iti babaen ti naparegta a panangiturongna. Maammuanyo ti ad-adu pay maipapan kadakuada ditoy .
Aggapu dagiti Lider manipud iti aglawlaw ti Lubong
Dagiti lallaki ken babbai manipud iti amin a benneg ti biag ket tumulongda a mangiturong iti aramid ti Simbaan iti sangalubongan ken rehional a lebel. Maysa a pagarigan daytoy ket dagiti babbai a mangidaulo iti Relief Society .
Dagiti Lokal a Lider ti Inaldaw a Tattao
Imbes a mabayadan a full-time a clergy, dagiti lokal a kongregasion ket idauluan dagiti miembro ti Simbaan a mangiboluntario iti panawenda. Suportaran ida dagiti dadduma a gagangay wenno inaldaw a miembro ti Simbaan a tumultulong iti amin manipud iti panangisuro kadagiti klase iti Sunday School agingga iti panagdalus iti pasdek ti simbaan.
Mangisurokami iti Tunggal Maysa
No sumarungkarkayo kadagiti kongregasionmi, madlawyo nga isuromi ti tunggal maysa ken agsursurokami a sangkamaysa manipud iti nasantuan a kasuratan. Mamatikami nga adda maysa a banag a napateg nga ikontribusion ti tunggal maysa, ket ngarud kiddawen dagiti lider iti adu a nadumaduma a tattao tapno mangasaba iti pulpito, agkararag, ken mangisuro kadagiti klase.
Mangala iti Personal a Panangyam-ammo
No interesadokayo a sumarungkar iti lokal a kongregasionmi, kayatmi a komportablekayo agingga a mabalin. Mabalindakayo a sarungkaran dagiti lokal a misionario a nasaksakbay tapno ipakaammo kadakayo no ania ti namnamaenyo, mangsungbat kadagiti saludsodyo, ken mangireserba pay iti tugaw para kadakayo inton nakasaganakayon a sumarungkar.
Paregtaem ti Inbox-mo
Mangala kadagiti makaitag-ay a video, artikulo, ken dadduma pay iti linawas nga email.