2022-02-0020-because-of-him-an-easter-message-5118x2876-thumb-master.jpg

Ia Iloa i Matou

E i ai se matafaioi autu a Iesu Keriso i o tatou talitonuga ma i o tatou olaga. O la tatou misiona o le valaaulia lea o fanau uma a le Atua e mulimuli ia Iesu ma maua le olioli lea e mafai ona o Ia.

O Le Mea Tatou Te Talitonu I Ai

O Ai I Tatou

Aoao Atili E Uiga Po o Ai I Tatou

Fesili Masani

O tagata o Le Ekalesia a Iesu Keriso o le Au Paia o Aso e Gata Ai o Ni Kerisiano?

Ioe! Matou te talitonu o Iesu Keriso o le Alo o le Atua ma le Faaola o le lalolagi, ma e matou te taumafai e mulimuli ia te Ia. E pei o le tele o aulotu Kerisiano, o mea patino o o tatou talitonuga e eseese lava mai talitonuga a o tatou tuaoi. Ae o i tatou o soo tuuto o Keriso ma Ana aoaoga. O vaega tulagaese ma matagofie o lo tatou talitonuga faalelotu e fesoasoani e faalolotoina ai lo tatou malamalama ia Iesu ma Lana talalelei.

E te talitonu i le Tusi Paia?

O a mea e tutupu i totonu o malumalu?

O malumalu e ese mai o tatou falelotu o aso uma lea tatou te faia ai sauniga tapuai i Aso Sa. O o tatou nofoaga sili ona paia, ua faataatia ese mo le galuega sili ona paia a le Atua. O mea tatou te faia i le malumalu e soloia ai le folafolaga e mafai ona tatou nonofo faatasi ma le Atua ma e pele ia i tatou mo le faavavau. I totonu o le malumalu, tatou te tautino atoatoa atu ai e mulimuli ia Iesu Keriso. Tatou te faia folafolaga ma le Atua, e pei o le folafolaga e tausi Ana poloaiga ma tuuto atu i tatou lava ma mea uma ua tatou maua ia te Ia. O tane ma ava ma matua ma fanau e tuufaatasia, pe “faamauina” i le tasi ma le isi, mo le faavavau. Ma tatou te faia foi lea lava galuega e tasi mo o tatou tuaa, ma tuu atu ia i latou le avanoa e talia ai na faamanuiaga i le olaga a sau pe a latou filifilia.

Pe o le a talia ea se tasi e pei o au i le lotu?

Ae a! Matou te talitonu o i tatou uma o fanau a le Atua ma o Ana faamanuiaga folafolaina o loo avanoa mo i tatou uma a o tatou taumafai e mulimuli i Lana afioga, e tusa lava po o a o tatou uiga po o o tatou taimi ua tuanai. O le Ekalesia o se nofoaga mo tagata uma e aoao ma tuputupu a’e ai. Atonu e i ai i lou mafaufau se faamatalaga faisoo e faapea e te le tutusa pe fetaui i ai, ae o le mea moni o o tatou tagata e eseese uma tulaga e o mai ai ma mea e fiafia i ai. Sau mo se asiasiga, ma atonu e te ofo i le tagata e te maua o nofo ai i totonu o nofoa i ou autafa.

Faitau Fesili Uma

O I Ai Ni Isi Au Fesili?

O tagata o la tatou Ekalesia o e ofofua atu o latou taimi o ni faifeautalai e mafai ona asiasi atu ia te outou i luga o le initoneti pe e te lua feiloai e faasoa atu se savali musuia ma tali patino atu i au fesili.

Tatou Tapuai Faatasi

E mafai e i tatou uma ona avea ma tagata sili atu ona lelei e ala ia Iesu a o tatou aoao ma auauna faatasi i Lana Ekalesia. O mai ma vaai po o le a tonu le mea e uiga i ai matou e ala i le tapuai faatasi ma i matou i le Aso Sa a sau.