Dagiti Kari iti Templo ti Mangibegkes Kadatayo iti Dios ken iti Tunggal Maysa

Gapu iti sakripisio ni Jesucristo, makadennatayo dagiti patpatgentayo ken ti Dios kalpasan daytoy a biag. Mabalintayo a pilien ti sumurot Kenkuana babaen ti panagaramid kadagiti katulagan, wenno kari, Kenkuana.
Ditoy a Page
Both men and women walking outside the Accra Ghana Temple

Ania ti Templo?

Nasantuan ken sagrado a lugar dagiti templo. Ibilangmi dagiti templo a kas balay ni Apo Jesucristo. Maidumada kadagiti lokal a pasdek ti simbaanmi a pakaangayanmi kadagiti serbisio ti panagdaydayaw iti Domingo ken dadduma pay nga aktibidad. Naidaton dagiti templo iti kasagraduan nga aramid ti Dios.

Napno dagiti templo iti simbolismo. Kas pagarigan, agkawes dagiti dumardar-ay iti templo iti simple a puraw a kawes a mangisimbolo iti kinadalus ken panagpapada iti sanguanan ti Dios. Dagiti templo ket nasantuan, natalna a pagkamangan a mabalin a pakikonektaan a naun-uneg dagiti pasurot ni Jesucristo Kenkuana.

Kangrunaan unay, dagiti templo ti lugar a mabalin a pagaramidanmi kadagiti sagrado a katulagan iti Dios.
An exterior image of the Helena Montana Temple. The image is taken in the evening.

Ania ti Katulagan?

Mapapigsatayo dagiti relasiontayo iti Dios ken umawat kadagiti naisangsangayan a bendision manipud Kenkuana babaen kadagiti katulagan. Ti katulagan ket maysa a sagrado a kari iti nagbaetan ti Dios ken dagiti annakna. Mangted ti Dios kadagiti kondision para iti katulagan ket kalpasanna pilientayo nga awaten dagitoy.
Usarentayo man ti panagbuniag kas maysa a pagarigan.

Jesus Christ is baptized in the River Jordan by John the Baptist. An angel shows this experience to Nephi after he inquires about Lehi's vision.
No mabuniagantayo, ikaritayo iti Dios nga agserbitayo Kenkuana, agtungpaltayo kadagiti bilinna, ken awatentayo ti nagan ni Jesucristo kadatayo. No aramidentayo dagitoy a banag, ikari ti Dios a pakawanenna dagiti basoltayo, bendisionannatayo iti Espiritu Santona, ken ikkannatayo iti biag nga agnanayon iti imatangna.

Pabaruentayo dagiti katulagan nga aramidentayo iti panagbuniag bayat ti panangawattayo iti sakramento, a naawagan met iti komunion, iti tunggal Domingo iti simbaan. Daytoy a sakramento ket maitulad iti sakramento ti Maudi a Pangrabii nga inyam-ammo ni Jesucristo kadagiti Apostolna kasakbayan laeng ti Pannubbotna.

Kalpasan ti panagbuniag, mabalin dagiti nataengan a miembro ti Ti Simbaan ni Jesucristo dagiti Santo iti Ud-udina nga Aldaw ti makaaramid kadagiti nayon a katulagan iti Dios iti templo. Dagitoy a katulagan ken kari ti mangpapigsa kadagiti relasionda Kenkuana ken mangyeg kadagiti dakdakkel pay a bendision.

Agaramidtayo kadagiti Katulagan iti Templo

Endowment

Ti balikas nga endowment  kayatna a sawen ti “sagut.” Iti endowment iti templo, agaramid dagiti nataengan a miembro ti Simbaan kadagiti napasnek a katulagan, a pakairamanan dagiti kari nga agtungpal kadagiti bilin ti Dios ken mangidaton iti panawen ken talentoda iti aramid ti Apo. Kas supapak, umawat dagiti miembro kadagiti bendision a kas iti dakdakkel a pannakaammo iti plano ti Dios, ad-adu a pigsa a mangsurot iti pagwadan ni Cristo, ken ti gundaway a makipagnaed iti Dios iti agnanayon.

Pannakailantip

Maysa kadagiti naindaklan a rag-o ti ebanghelio ni Jesucristo ket ti kari a makapagtultuloy dagiti begkes ti pamilia iti labes ti mortal a biagtayo. Iti templo, maisilpo wenno “mailantip” dagiti pamilia para iti kinaagnanayon.

Bayat ti maysa a seremonia ti pannakailantip iti kallaysa, agparintumeng ti asawa a lalaki ken asawa a babai iti maysa nga altar tapno makitulagda iti tunggal maysa ken iti Dios. Makitulagda iti Dios a naan-anay nga agdinnayaw ken agpinnategda ken agkumitda a mangsurot kadagiti pannursuro ken pagwadan ni Jesucristo. Kas supapak, maikari kadakuada nga agtalinaedto ti panagasawada ken ti pamiliada agingga iti agnanayon.
Young couple stands outside the Ogden Utah Temple. They are looking out at the temple in the background with the Angel Moroni being almost top center of the image. He is wearing a dark blue suit with white collared shirt. She is in a white dress. It is late afternoon/early evening.

Agtrabaho nga agpaay kadagiti pimmusay a kapuonan.

Mamatikami iti nalinteg ken naasi a Dios a saan a mangilibak iti asinoman kadagiti annakna kadagiti bendision ti kinaagnanayon gapu kadagiti kasasaad a saanda a makontrol.

Iti templo, aramidenmi dagiti panagbuniag, endowment, ken panangilantip nga agpaay kadagiti kapuonan a saan a naaddaan iti gundaway nga umawat kadagita nga ordinansa sakbay a natayda. Iti daytoy nga aramid, agtignay ti maysa a sibibiag a kas kasukat wenno mangisaup (proxy) nga agpaay iti maysa a tao a natayen.

Maaramid laeng dagitoy sagrado a seremonia kadagiti templo. Mamatikami a mabalin a pilien dagiti kapuonanmi ti umawat wenno saan nga umawat iti daytoy a daton a naaramid para kadakuada.

Dagiti Gagangay a Saludsod

  • Mausar dagiti simbaan para kadagiti serbisio ti panagdayaw iti Domingo, aktibidad dagiti agtutubo iti aldaw ti lawas, sosial a panagtitipon, ken dadduma pay a pasken iti komunidad, idinto a naisangsangayan a nailasin dagiti templo para iti sagrado a serbisio ken dagiti seremonia.
  • Makitayo ti maysa a templo babaen kadagiti balikas a “Ti Balay ti Apo” iti pasdek, idinto a ti maysa a regular a kapilia ket addaan kadagiti balikas a “Mapasangbay dagiti Bisita” ken “Ti Simbaan ni Jesucristo dagiti Santo iti Ud-udina nga Aldaw” iti ruar.
  • Idinto ta ti pannakilangen ti grupo ken panagbangon iti komunidad ket dakkel a paset ti mapaspasamak kadagiti kapilia, addaan dagiti templo iti naisangsangayan a panagraem. Kadagiti templo, naulimek ken agut-utob dagiti tao tapno mapagtalinaed ti panagraem iti Apo.
Mabalinyo no dadduma ti sumrek iti maysa a templo! No damo a mabangon dagiti templo, wenno kalpasan dagiti nasaknap a pannakapabaroda, maangay dagiti open house para iti publiko. Kasta met, nga adu a templo ti addaan kadagiti visitor’s center, lugar a pagur-urayan, wenno paraangan a silulukat para iti amin.

Kalpasan a maileppas ti maysa a templo, maidaton daytoy para iti sagrado a panagdaydayaw. Gapu iti nasantuan a kasasaad ti trabaho nga aramidentayo kadagiti templo, silulukat laeng ti templo kadagiti miembro ti Ti Simbaan ni Jesucristo dagiti Santo iti Ud-udina nga Aldaw a nangisagana iti bagbagida para iti padas.

Idinto a mabalin a saankayo a makastrek iti maysa a templo itan, maawis amin dagiti annak ti Dios a mangammo iti ad-adu pay maipapan iti ebanghelio ni Jesucristo ken sumrek kadagiti natulagan a relasion a mangipalubosto kadakuada a naan-anay a makipaset kadagiti bendision ti templo.
Bayat ti ababa, simple a seremonia, agsinnango nga agginniggem ti nobia ken nobia iti rabaw ti maysa nga altar. Makitulagda iti Dios a naan-anay nga agdinnayaw ken agpinnategda ken agkumitda a mangsurot kadagiti pannursuro ken pagwadan ti Mangisalakan. Kas supapak, maikari kadakuada nga agtalinaedto ti panagasawada ken ti pamiliada agingga iti agnanayon.

Masansan a rambakan dagiti agassawa a nagkallaysa iti templo a kadua ti pamilia ken gagayyem kalpasanna babaen ti panagrambak ti kallaysa wenno dadduma pay a tradision iti kultura. Dagiti agassawa nga immuna a nagkallaysa iti seremonia a sibil iti ruar ti templo (kas kadagidiay nakikappeng iti Simbaan kalpasan a nagkallaysadan) ket makapadasda kadagiti bendision ti pannakailantip iti templo met laeng.

Makapagdedenna a Sangkamaysa ti Pamiliayo iti Agnanayon

Mabalin nga isuronakayo dagiti misionario iti ad-adu pay maipapan no kasano a dagiti bendision dagiti katulagan ti panagbuniag ken templo—a pakairamanan ti kari ti agnanayon a pamilia—ket mabalin a paset ti biagyo.
Agkiddaw iti Isasarungkar
Leaving Church Domain
You are about to leave our site. The new site has its own terms of use and privacy policy that differ from ChurchofJesusChrist.org