Tej Kev Cog Lus hauv lub Tuam Tsev Muab Peb Khi rau Vajtswv thiab Ib Leeg Nrog rau Ib Leeg

Vim muaj Yexus Khetos txoj kev theej txhoj, peb nyob tau nrog cov uas peb hlub thiab nrog Vajtswv tom qab lub neej no. Peb xaiv tau kom coj raws li Nws thaum peb nrog Nws khi lus, los sis cog lus.
Hauv Phab Ntawv No
Both men and women walking outside the Accra Ghana Temple

Lub Tuam Tsev Yog Dab Tsi?

Cov tuam tsev yog tej qhov chaw dawb huv thiab dawb ceev. Peb saib cov tuam tsev yog tus Tswv Yexus Khetos cov tsev. Lawv txawv cov tsev teev ntuj uas peb siv thaum muaj kev sib ntsib rau Hnub Caiv thiab ua lwm yam. Peb muab cov tuam tsev fij tseg kom ua Vajtswv tej hauj lwm dawb ceev tshaj.

Cov tuam tsev muaj tej lub cim thoob plaws. Piv txwv hais tias, cov uas mus rau lub tuam tsev hnav tej khaub ncaws dawb kom ua piv txwv txog kev dawb huv thiab kev sib txig rau ntawm Vajtswv. Cov tuam tsev yog tej qhov chaw tiv thaiv uas dawb huv thiab muaj kev kaj siab lug rau cov uas coj raws li Yexus Khetos kom muab siab npuab Nws ntxiv.

Qhov tseem ceeb tshaj, cov tuam tsev yog tej qhov chaw uas peb khi lus dawb ceev nrog Vajtswv.
An exterior image of the Helena Montana Temple. The image is taken in the evening.

Kev Khi Lus Yog Dab Tsi?

Peb nrog Vajtswv sib raug zoo ntxiv thiab txais tej kev koob hmoov tshwj xeeb ntawm Nws dhau los ntawm tej kev khi lus. Ib txoj kev khi lus yog kev cog lus dawb ceev ntawm Vajtswv thiab Nws cov me nyuam. Vajtswv tsa tej kev cai rau kev khi lus thiab cia peb xaiv seb peb puas txais tej ntawd.
Cia peb siv kev cai raus dej los ua piv txwv.

Jesus Christ is baptized in the River Jordan by John the Baptist. An angel shows this experience to Nephi after he inquires about Lehi's vision.
Thaum peb ua kev cai raus dej, peb cog lus rau Vajtswv tias peb yuav ua hauj lwm rau Nws, ua raws li Nws tej lus txib thiab ris Yexus Khetos lub npe. Yog peb ua tej no, Vajtswv cog lus tias Nws yuav zam txim rau peb tej kev txhaum, foom koob hmoov rau peb nrog Nws tus Ntsuj Plig Dawb Huv, thiab muab txoj sia nyob mus ib txhis hauv Nws xub ntiag rau peb.

Peb rov qab cog lus zoo ib yam li thaum peb ua kev cai raus dej thaum peb txais lub cim nco txog, kuj hu ua kab ke nco txog, txhua tej Hnub Caiv nyob hauv lub koom txoos. Lub cim nco txog no muaj yam ntxwv zoo li Pluas Mov Zaum Kawg uas Yexus tau muab rau Nws cov Thwj Tim ua ntej Nws tuag.

Tom qab lawv ua kev cai raus dej, cov mej zeej laus ntawm Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg nrog Vajtswv khi lus ntxiv nyob hauv lub tuam tsev. Tej kev khi lus thiab tej lus cog tseg no yuav pab lawv nrog Nws sib raug zoo ntxiv thiab txais cov koob hmoov ntau ntxiv.

Peb Khi Lus hauv lub Tuam Tsev

Vaj Txiaj Ntsim

Lo lus vaj txiaj ntsim txhais tias “ib lub khoom plig.” Los ntawm vaj txiaj ntsim hauv lub tuam tsev, cov mej zeej laus hauv lub Koom Txoos sib khi lus dawb ceev, tsis hais kev cog lus kom ua raws li Vajtswv cov lus txib thiab muab lawv lub sij hawm thiab tej txuj ci fij rau tus Tswv txoj hauj lwm. Ces, cov mej zeej yuav txais tej koob hmoov xws li kev txawj ntse ntxiv txog Vajtswv txoj hau kev, kev muaj zog ua raws li Khetos tus yam ntxwv, thiab txoj kev txais lub cib fim nrog Vajtswv nyob mus ib txhis.

Kev Khi

Ib txoj kev xyiv fab loj tshaj plaws ntawm Yexus Khetos txoj moo zoo yog kev cog lus tias tsev neeg yuav nyob ua ke tom qab peb lub neej. Nyob hauv lub tuam tsev, tsev neeg sib koom los sis “sib khi” ua ke tas mus ib txhis.

Nyob hauv kev cai sib khi hauv lub tuam tsev, ib tug txiv neej thiab ib tug poj niam txhos caug rau ntawm ib lub thaj kom khi lus ua ke thiab nrog Vajtswv khi lus. Nkawd cog lus tias nkawd ib leeg yuav saib taus thiab hlub ib leeg tag nrho thiab cog lus tias nkawd yuav ua raws li Yexus Khetos tej lus qhia thiab tus yam ntxwv. Ces, Vajtswv cog lus rau nkawd tias nkawd txoj kev sib yuav thiab tsev neeg yuav nyob mus ib txhis li.
Young couple stands outside the Ogden Utah Temple. They are looking out at the temple in the background with the Angel Moroni being almost top center of the image. He is wearing a dark blue suit with white collared shirt. She is in a white dress. It is late afternoon/early evening.

Ua hauj lwm sawv cev tam cov poj koob yawm txwv

Peb ntseeg tias Vajtswv yeej ua ncaj thiab muaj siab hlub tshua thiab yuav tsis xyeej Nws cov me nyuam tej koob hmoov uas nyob mus ib txhis vim yog tej yam lawv tswj kav tsis tau.

Hauv lub tuam tsev, peb ua kev cai raus dej, lub vaj txiaj ntsim thiab ua kev cai sib khi sawv cev tam cov poj koob yawm txwv uas tsis muaj cib fim ua ua ntej lawv tuag. Thaum ua txoj hauj lwm no, ib tug uas muaj txoj sia nyob sawv cev tam ib tug uas tau tuag lawm.

Tsuas ua tau tej txheej txheem dawb ceev no nyob hauv cov tuam tsev xwb. Peb ntseeg tias peb cov poj koob yawm txwv muaj peev xwm xaiv txais tau los sis xyeej cov kab ke no uas ua rau lawv los ntawm kev hlub.

Tej Lus uas Neeg Coob Nug

  • Cov koom txoos yog siv rau kev sib ntsib teev hawm Vajtswv thaum hnub Sunday, ua tej yam ntxim saib ntxim ua rau cov tub hluas ntxhais hluas, koom ua ke kom sib tham, thiab lwm yam kev sib ntsib, tiam sis cov tuam tsev mas tau muab tshwj tseg cia rau kev ua hauj lwm thiab cov kab ke dawb huv.
  • Koj yuav paub tias yog ib lub tuam tsev los ntawm cov lus “Tus Tswv lub Tsev” nyob ntawm lub tsev ntawd, tiam sis ib lub tsev koom txoos muaj cov lus “Zoo Siab Tos Txais Nej” thiab “Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg” nyob sab nraud.
  • Cov neeg sib sau ua ke thiab sib raug zoo nrog neej zeg zog hauv cov tsev koom txoos, thiab cov tuam tsev muaj kev tshwj xeeb thiab kev dawb huv. Nyob hauv cov tuam tsev, tib neeg nyob ntsiag to thiab txawj xav kom thiaj li hwm tus Tswv.
Tej lub sij hawm koj yeej mus tau hauv lub tuam tsev! Tom qab tau ua ib lub tuam tsev tiav lawm, los sis tom qab tau kho ntau yam hauv lub tuam tsev, ces peb qhib lub tuam tsev rau cov pej xeem kom cia lawv mus ncig saib haud. Tsis tas li ntawd, ntau lub tuam tsev muaj ib qho chaw rau cov neeg qhua tuaj xyuas, tej chaw tos neeg, los sis tej tshav uas cia tib neeg mus haud saib.

Tom qab npaj lub tuam tsev tiav lawm, ces peb muab fij tseg rau kev teev tiam dawb huv. Vim tias tej hauj lwm uas peb ua hauv lub tuam tsev yog tej hauj lwm dawb huv, ces tsuas pub cov mej zeej ntawm Yexus Khetos lub Koom Txoos ntawm Tsoom Haiv Neeg Ntseeg hauv Hnub Nyoog Kawg uas tau npaj lawv lub siab mus rau haud.

Txawm yog tsis pub koj mus hauv lub tuam tsev tam sim no, peb caw tag nrho Vajtswv cov me nyuam kom kawm ntxiv txog Yexus Khetos txoj moo zoo thiab khi tej kev khi lus uas yuav cia lawv txais tag nrho cov koob hmoov ntawm lub tuam tsev.
Hauv txoj kab ke tsis ntev no, tus nyab thiab tus vauv tuav tes rau ntawm ib lub thaj. Nkawd khi lus nrog Vajtswv hais tias nkawd ib leeg yuav saib taus thiab hlub ib leeg tag nrho thiab cog lus tias nkawd yuav ua raws li tus Cawm Seej tej lus qhia thiab tus yam ntxwv. Ces, Vajtswv cog lus rau nkawd tias nkawd txoj kev sib yuav thiab tsev neeg yuav nyob mus ib txhis li.

Tej nkawm niam txiv uas sib yuav hauv lub tuam tsev los feem ntau ua koob tsheej nrog lawv tsev neeg thiab cov phooj ywg tom qab ntawd thaum ua tej yam raws li lawv kab lig kev cai. Tej nkawm niam txiv uas twb sib yuav raws li cov pej xeem tej kev cai tsis nyob hauv lub tuam tsev (xws li cov uas tau koom lub Koom Txoos tom qab lawv sib yuav) los kuj txais tau cov koob hmoov los ntawm kev cai sib khi hauv lub tuam tsev thiab.

Tsev Neeg Nyob Tau Ua Ke Mus Ib Txhis

Cov tub txib qhia tau koj ntxiv txog tej yam uas tej koob hmoov ntawm kev khi lus thaum ua kev cai raus dej thiab kev khi lus hauv lub tuam tsev—tsis hais kev cog lus tias tsev neeg nyob mus ib txhis—pab tau koj lub neej li cas.
Thov Kom Tuaj Xyuas
Leaving Church Domain
You are about to leave our site. The new site has its own terms of use and privacy policy that differ from ChurchofJesusChrist.org
A family enjoys their time together as they walk down a sidewalk.

Tsev Neeg Nyob Tau Ua Ke Mus Ib Txhis

Tej kev sib raug zoo nrog yus tsev neeg hauv lub neej no yuav kav ntev mus dhau kev tuag. Qhov uas koj nrog Vajtswv sib raug zoo ntxiv yuav ua rau koj nrog koj tsev neeg sib raug zoo ntxiv.
Joseph Smith, Jr. kneeling in the Sacred Grove during the First Vision. There are shafts of light shining down on Joseph.

Yexus Khetos lub Koom Txoos Txum Tim Rov Qab Los Lawm

Txhua leej txhua tus muaj tau cov koob hmoov ntawm Yexus Khetos lub Koom Txoos nyob hauv ntiaj teb hnub no.
Missionaries helping distribute food during a service project in Hong Kong.

Yexus Khetos Qhia Peb Kom Ib Leeg Hlub Ib Leeg

Yexus Khetos coj yam ntxwv zoo tag nrho txog kev hlub lwm tus. Txoj kev coj raws li Nws yog txoj kev hlub Vajtswv thiab txoj kev pab lwm tus nyob ze koj.