Ol Promes blong Tempol Oli Fasem Yumi long God mo long Yumi Wanwan

Yumi save laef wetem olgeta we yumi lavem mo wetem God bakegen afta long laef ia, from sakrifaes blong Jisas Kraes. Yumi save jusum blong folem Hem taem yumi stap mekem ol kavenan, o ol promes, wetem Hem.
Long Pej Ia
Both men and women walking outside the Accra Ghana Temple

?Wanem I wan Tempol?

Ol tempol oli ol tabu ples. Yumi tekem ol tempol olsem se oli ol haos blong Lod Jisas Kraes. Oli defren long ol lokol jos bilding we yumi stap gat ol Sandei seves wosip mo ol nara aktiviti. Ol tempol oli dediketem blong mekem ol wok blong God we oli moa tabu.

Ol tempol oli fulap long ol samting we i gat mining biaen long hem. Eksampol, olgeta we oli stap go long tempol oli werem ol simpol waet klos we i soemaot klin fasin mo wei blong soem se evriwan i semmak long ae blong God. Ol tempol oli wan tabu ples blong stap sef mo gat pis we long ples ia, olgeta we oli stap folem Jisas Kraes, oli save kam blong save gud Hem moa.

Moa impoten, ol tempol oli ol ples we yumi save mekem ol tabu kavenan wetem God.
An exterior image of the Helena Montana Temple. The image is taken in the evening.

?Wanem I wan Kavenan?

Yumi save mekem rilesensip blong yumi wetem God i kam moa strong mo kasem ol spesel blesing we i kam long Hem tru long ol kavenan. Wan kavenan i wan tabu promes we i stap bitwin God mo ol pikinini blong Hem. God i givim ol kondisen blong kavenan ia mo afta i givim yumi joes ia blong akseptem olgeta.
Bae yumi yusum baptaes olsem wan eksampol.

Jesus Christ is baptized in the River Jordan by John the Baptist. An angel shows this experience to Nephi after he inquires about Lehi's vision.
Taem yumi kasem baptaes, yumi promesem God se bae yumi givim seves long Hem, obei long ol komanmen blong Hem, mo tekem nem blong Jisas Kraes long yumi. Sapos yumi mekem ol samting ia, God i promes blong fogivim ol sin blong yumi, blesem yumi wetem Tabu Spirit blong Hem, mo givim long yumi laef we i no save finis wetem Hem.

Yumi stap riniu ol kavenan we yumi mekem long taem we yumi baptaes, taem yumi stap tekem sakramen, we oli singaotem tu se komuniong, evri Sandei long jos. Sakramen ia oli mekem folem fasin blong sakramen blong Las Sapa we Jisas i bin introdiusum long Ol Aposol blong Hem, bifo Hem i ded.

Afta long baptaes, ol adalt memba blong Jos Ia blong Jisas Kraes blong Ol Lata-dei Sent oli save mekem sam moa kavenan wetem God insaed long tempol. Ol kavenan mo ol promes oli mekem ol rilesensip blong olgeta wetem Hem i kam moa strong, mo karem ol blesing we oli moa bigwan i kam.

Yumi Mekem Ol Kavenan insaed long Tempol

Endaomen

Toktok ia  endaomen  i minim “presen.” Insaed long wan tempol endaomen, ol adalt memba blong Jos oli mekem ol kavenan we i kam long hat blong olgeta, we i tekem tu ol promes blong obei long ol komanmen blong God mo givim evri taem mo talen blong olgeta blong mekem wok blong Lod. Taem oli mekem olsem, ol memba oli kasem ol blesing olsem save we i moa bigwan abaot plan blong God, moa paoa blong folem eksampol blong Kraes, mo janis ia blong laef wetem God blong oltaem.

Siling

Wan long ol bigfala glad blong gospel blong Jisas Kraes i promes ia we ol famli rilesensip i save gohed afta long laef long wol ia. Insaed long tempol, ol famli oli joen o “sil” tugeta blong taem we i no save finis.

Long taem blong wan siling seremoni blong mared, wan hasban mo wan waef tufala i nildaon krosem wan olta blong mekem ol kavenan long tufalawan mo wetem God. Tufala i promes blong ona mo lavem tufala fulwan mo givim tufala fulwan blong folem ol tijing mo eksampol blong Jisas Kraes. Taem tufala i mekem olsem, God i promesem tufala se mared blong tufala mo famli blong tufala bae i stanap strong blong oltaem.
Young couple stands outside the Ogden Utah Temple. They are looking out at the temple in the background with the Angel Moroni being almost top center of the image. He is wearing a dark blue suit with white collared shirt. She is in a white dress. It is late afternoon/early evening.

Wok long bihaf blong ol bubu we oli ded finis

Yumi biliv long wan God we i stret mo gat sore, we bae i no karemaot ol blesing blong taem we i no save finis long ol pikinini blong Hem, from ol situesen we oli no save kontrolem.

Insaed long tempol, mifala i mekem ol baptaes, ol endaomen, mo ol siling long bihaf blong ol bubu we oli ded finis, we oli no bin gat janis blong kasem ol odinens ia bifo oli ded. Long wok ia, wan we i laef i stap, i tekem ples o proksi long bihaf blong wan we i ded finis.

Oli mekem ol tabu seremoni ia insaed long ol tempol nomo. Mifala i biliv se ol bubu blong mifala oli save jusum blong akseptem o no akseptem ofring ia we oli mekem blong olgeta wetem lav.

Ol Kwestin we Plante Oli Askem

  • Oli yusum ol jos blong ol Sandei seves wosip, ol aktiviti blong yut long wik, ol kam tugeta, mo ol nara program blong komuniti, be ol tempol oli mekem speseli blong ol tabu seves mo ol seremoni.
  • Yu save luksave wan tempol tru long ol toktok ia “Haos blong Lod” we i stap long ol bilding blong olgeta, be ol nomol japel bae oli gat ol toktok ia “Ol Visita Oli Welkam” mo “Jos Ia blong Jisas Kraes blong Ol Lata-dei Sent” long aotsaed blong bilding.
  • Ol kam tugeta blong ol bigfala grup mo komuniti, oli wanem i stap hapen fulap long ol japel, be ol tempol oli gat wan spesel fasin blong respek. Insaed long ol tempol, ol pipol oli kwaet mo tingting hevi blong holemtaet respek long Lod.
!Yu save go insaed long tempol wan dei! Taem oli jes bildim ol tempol, o afta we oli riperem bigwan, oli stap mekem ol open haos blong pablik. Mo tu, plante tempol oli gat ol visita senta, ol eria blong wet, o ol ples we i open long eniwan.

Afta we wan tempol i finis, oli dediketem blong ol tabu wosip. From tabu wok we oli stap mekem insaed long tempol, bae tempol ia i open nomo long ol memba blong Jos Ia blong Jisas Kraes blong ol Lata-dei Sent we oli rere long olgetawan blong kasem eksperiens ia.

Iven sapos yu no save go insaed long wan tempol naoia, oli invaetem evri pikinini blong God blong lanem moa abaot gospel blong Jisas Kraes mo gat ol kavenan rilesensip we bae i helpem olgeta blong pat fulwan long ol blesing blong tempol.
Long wan sot mo simpol seremoni, man mo woman we bae tufala i mared i joenem han krosem wan olta. Tufala i mekem kavenan wetem God se bae tufala i onarem mo lavlavem wanwan long tufala fulwan mo komitim tufala blong stap folem ol tijing mo eksampol blong Sevya. Taem tufala i mekem olsem, God i promesem tufala se mared blong tufala mo famli blong tufala bae i stanap strong blong oltaem.

Plante taem, ol kapol we oli mared insaed long tempol, oli selebret afta wetem famli mo ol fren long wan kaekae blong mared o ol nara kalja blong olgeta. Ol kapol we oli mared finis long ol sivil seremoni aotsaed long tempol (olsem olgeta we oli joenem Jos afta we oli mared) oli save eksperiensem ol blesing blong siling insaed long tempol.

Famli blong Yu I Save Stap Tugeta blong Oltaem

Ol misinari oli save tijim yu moa abaot olsem wanem ol blesing blong baptaes mo ol kavenan blong tempol—we i tekem tu promes ia blong wan famli we i no save finis—oli save kam wan pat blong laef blong yu.
Rikwestem wan Visit