Got e Ir e Tabolngin ko Urngin e Tin Nib Riyul’

Bochingyal’, gadad be thamiy e balyangaen’ ko marunga’agen e yafos fa tin ni ra buch rodad. Ra ngad pir’eged e wo’en rodad udakaen Chitimangdad nu Tharmiy nib sumunguy nge Fak, ni Yesus Kristus, ni yow e pi tabolngin ko tin nib riyul’.

Tin nib riyul’ i ir e ganop ko marunga’gen bugi ban’en ni rogon ni bay yib. Woed ni, ba riyul’ ni gab tu’uf rok’ Got ma rayog ni nge ayuwegem ni ngam thilyeg e yafos rom. Got e manang daed, ma udakaen fare Kan ni Thothup ma rayag ni ngad nanged e thin nib riyul’.

Chitamangiy nu Tharmiy nike pii’ Fak’, ni Yesus Kristus, nike fil ngodad urogon ni ngad manged nib falfalaen’ nge pi’reged e fan ko yafos rodad.

Yesus me dag ngodad e wo’ ko yafos rodaed nib mangil. Fapi machib rok’ niba mang e magal me powi’iydad ngak e gapas. Demuturug e bee’ ba’adag ni nge leak e Yesus Kristus rayog ni ngar thapeg e magal ney; Ke machib ngadad demtrug e bee’ ni ra pi’reged Ngak ni ra sap Ngak.

Fare Kan ni Thothup e ir e tamal’og rok’ e Chitamangiy nu Tharmiy nge Yesus Kristus. Bay boch kanawo’en fare Kan ni Thothup e rayog ni ngad chuchugur nagdaed ngak Got. Fare Kan ni Thothup:

• Mocho’ nag (Muguy ko John 14:16–17, 26; Moroni 8:26; Doctrine and Covenants 36:2).
• Me dag nge machib nag marunga’agen e tin nib riyul’ (muguy ko 2 Nephi 32:4–5; Alma 5:46–47; Doctrine and Covenants 8:2–3).
• Be micheg fachaʼ ni Chitamangiy nge fachaʼ ni Fak (muguy ko John 15:26; 3 Nephi 11:32, 36).
• Thothup nag nge be’ech nag (muguy ko Alma 13:10–12; 3 Nephi 27:19–20; Moroni 6:4).

Meybil ngak e Chitamangim nu Tharmiy nib Sumunguy

Got e ma runguy dad ma ba’adag nge motoyil ngodaed. Ke micheg napan gadad ra meybil gad, mara pii’ ngodad e pi fulweg nge kanawo’ riy.

Yesus nike fil ngodad rogon ni ngad meybil gad ulan e bible (Matthew 6:9–13) nge fare Babyor ku Mormon (3 Nephi 18:19).

Par ni Gab Yul’yul’

Fare Bible be machib ni, “mich e ir fare micheg ko pin’en ni yibe athpegnag, ni’ir e pow riy ko pin’en ni dawrin guy” (Hebrews 11:1). Napan gadad ma yul’yul’ gad, gadad ma mel’eg ni ngad michaen’gad e Chitmangdad ni bay u Tharmiy nge Yesus Kristus ra ayuwegdad ni ngad pi’reged falfalaen’ nge fan ulan e yafos rodad.

Nanged Fare Kan ni Thothup

Got ma non ngodad udakaen’ fare Kan ni Thothup nib thilthil rogon. Ulan fare Bible, me weliy bo’or e yay ni “lam ni be kathkath” (muguy ko 1 Kings 19:11–12), machane urngin e gidii’ ma thamey fare Kan ni Thothup uthilin reb e rogon. Nifan ngom, fare Kan ni Thothup e eod ni gara thamiy ni:

• Fapi Thamtham ni t’ufeg, nge felfelan’, gapas laniyan’, nge fel’ ngak e girdi’ (Galatians 5:22-23).
• Ganop nge powi’iy nifan e yafos rom (Doctrine and Covenants 8:2–3).
• Ganop ulan e tafney rom nge thamey ulan e gum’ircha’em (1 Corinthians 2:9–11).
• farengi manileng nib lumor e kan chuweg ko tamilang (Alma 19:6).

Mu Fol ko Fapi Wo’en Somoel

Yesus nike pii’ ngodad e wo’ nth’abi fel’ nifan dad. Fa’an gadad ba’adag ni ngad nanged e tin nib riyul’, rayog ni ngad folgad e susun rok’ nge rinn’ed e pi’nen nike rinn’.

Ba urogon ya’an e biney?

• Mu dag e t’ufeg nge adag ngak bee’ nge ngak Got.
• Mu sap urogon e ngongol ney nira pii’ e thamtham ngom.
• Mu lemnag urogon e ngongol ney nira thilyeg e yafos rom.