Mungu Ni Chanzo cha Ukweli Wote

Wakati mwingine, tunaweza kujihisi kukanganyikiwa kuhusu maisha yetu au kutokuwa na uhakika kuhusu siku zijazo. Tunaweza kusonga mbele tukiwa na Baba yetu wa Mbinguni na Mwanawe, Yesu Kristo, ambao ndio chanzo cha ukweli.

Ukweli ni maarifa juu ya mambo kama yalivyo hasa. Kwa mfano, ni kweli kwamba Mungu anakupenda na anaweza kukusaidia kubadili maisha yako. Mungu anatujua binafsi, na Anamtumia Roho Mtakatifu kutusaidia kutambua kile kilicho cha kweli.

Baba wa Mbinguni alimtuma Mwanawe, Yesu Kristo, kutufundisha jinsi ya kuwa na furaha na kupata maana katika maisha yetu.

Yesu ni mfano wetu mkamilifu wa jinsi ya kuishi. Mafundisho Yake hutumika kama nuru elekezi ambayo inaweza kutuelekeza kwenye amani. Mtu yeyote anayetaka kumfuata Yesu Kristo anaweza kuwa na nuru hii; Yeye anaahidi kwamba wote wanao mtafuta watampata.

Roho Mtakatifu, ni mjumbe wa Baba wa Mbinguni na Yesu Kristo. Kuna njia kadhaa ambazo kwazo Roho Mtakatifu anaweza kusaidia kutuleta karibu zaidi na Mungu. Roho Mtakatifu:

• Hufariji (ona Yohana 14:16–17, 26; Moroni 8:26; Mafundisho na Maagano 36:2).
• Hufunua na kushuhudia juu ya ukweli (ona 2 Nefi 32:4–5; Alma 5:46–47; Mafundisho na Maagano 8:2–3).
• Hushuhudia juu ya Baba na Mwana (ona Yohana 15:26; 3 Nefi 11:32, 36).
• Hutakasa na kusafisha (ona Alma 13:10–12; 3 Nefi 27:19–20; Moroni 6:4).

Sali kwa Baba yako wa Mbinguni

Mungu anatupenda na anataka kusikia kutoka kwetu. Yeye anaahidi kwamba tunaposali, Yeye atatupatia majibu na mwongozo.

Yesu alitufundisha jinsi ya kusali katika Biblia (Mathayo 6:9–13) na Kitabu cha Mormoni (3 Nefi 18:19).

Kuwa mwaminifu

Biblia inafundisha kwamba “imani ni kuwa na hakika ya mambo yatarajiwayo, ni bayana ya mambo yasiyoonekana.” (Waebrania11:1). Tukiwa waaminifu, tunachagua kuamini kwamba Baba wa Mbinguni na Yesu Kristo watatusaidia kupata furaha na maana katika maisha yetu.

Kumtambua Roho Mtakatifu

Mungu anawasiliana nasi kupitia Roho Mtakatifu katika njia tofauti. Katika Biblia, mara nyingi inaelezewa kama “sauti ndogo tulivu” (ona 1 Wafalme 19:11–12), lakini kila mtu atamsikia Roho Mtakatifu katika njia yake mwenyewe. Kwako wewe, Roho Mtakatifu anaweza kusikika kama:

• Hisia za upendo, shangwe, amani, na wema (Wagalatia 5:22-23).
• Uwazi na mwongozo kwa ajili ya maisha yako (Mafundisho na Maagano 8:2–3).
• Mawazo akilini mwako na hisia katika moyo wako (1 Wakorintho 2:9–11).
• Giza likibadilishwa kuwa nuru (Alma 19:6).

Fuata mfano wa Mwokozi

Yesu alionesha mfano mkuu kwetu sote. Kama tunataka kujua kile kilicho cha kweli, tunaweza kufuata mfano Wake na kufanya kile Yeye alichofanya.

Hii inafananaje?

• Onesha upendo na hisani kwa wengine na kwa Mungu.
• Chunguza jinsi matendo hayo yanavyokufanya uhisi.
• Tafakari jinsi matendo hayo yanavyobadilisha maisha yako.