A Dios a Uchul a Rokui el Klemerang.

A bebil er a taem, ng mo rrau a rengud el kirel a klengar er a kid malchub ng diak el dodengei a merael mei. Ng sebeched el sikii a rael moruchei el okiu a Betik er a Rengud el Demad er a Babeluades me a Ngelekel, Jesus Kristo, el tir a uchul a Klemerang.

A klemerang a klaumedengei er a tekoi el sel meral teletelel. El uai tiang, ng klemerang el tekoi el kmo a Dios a betik a Rengul er kau e sebechel nogdechii a klengar er kau. A Dios a medengelkid el talchad, e Ngii a ousbech er a Chedaol Reng el olengesu er kid el metebengii a klemerang.

A Demad er a Babeluades a mle odureklii a Ngelekel, Jesus Kristo, el molsisechakl er kid er a teletelel a deureng e metik er a belkul a klengar er a kid.

A Jesus a kot el ngar bab el olechotel a teletelel a klengar. A osischeklel a llomes lomekrael el sebechel ngoikid el bedul a budech. Ngidi el chad el soal oltirakl er a Jesus Kristo a sebechel nguu tiaikid el llomes; Ngii a yaksok el tirkei el rokui el osiik er ngii a mo metik er Ngii.

A Chedaol Reng, malchub eng Chedaol Chelid, a oderchelel a Demad er a Babeluades me a Jesus Kristo. Ng betok a rolel ea Chedaol Reng a sebechel ngosouid el ngoikid el mo kmeed er a Dios. A Chedaol Reng:

• Mengelim (mesa Johanes 14:16–17, 26; Moroni 8:26; Doctrine and Covenants 36:2).
• Olcholt e sioning a klemerang (mesa 2 Nephi 32:4–5; Alma 5:46–47; Doctrine and Covenants 8:2–3).
• Olecholt el kirel a Demad me a Ngelekel (mesa Johanes 15:26; 3 Nephi 11:32, 36).
• Mengedaol e mengikiid (mesa Alma 13:10–12; 3 Nephi 27:19–20; Moroni 6:4).

Moluluuch el mo er a Oubeltikelreng el Demam er a Babeluades

A Dios a betik a Rengul er a kid e soal rongesid. Ng yaksok el kmo sel doluluuch, Ngii a mo meskid a nger me a ulekrael.

A Jesus a ulesisechakl er a kid el meluluuch el ngar a Bibilia (Mateus 6:9–13) me a Babier er a Mormon (3 Nephi 18:19).

Bol Blak a Rengum Loltirakl

A Biblia a olsisechakl el kmo a “oumerang a kmal medengei a ikel tekoi el lolatk e mengiil, e ultebechel a uldesuel el kirel a ikel diak le moues” (Hebru 11:1). Sel blak a rengud, e kede melilt el mo oumerang el kmo a Demad er a Babeluades me a Jesus Kristo a mo olngeseu er a kid el metik a deurreng me a belkul a klengar er a kid.

Dongchii a Chedaol Reng

A Dios a ousbech er a Chedaol Reng el mengedcheduch er a kid el okiu a kakerous el teletael. Ngar a Biblia, eng blechoel mesaod er ngii el “chellellakl el kekerel ngor” (mesa 1 Kings 19:11–12), ngdi a bek el chad a mo melchesuar er a Chedaol Reng el kakerous a teletelel el mo er tir. A denguu er kau, ng sebechem el mo medengelii a Chedaol Reng el ua:

• Omelchesiu er a beltikelreng, deurreng, budech, me a ungil tekoi (Galatians 5:22-23).
• Omeketakl me a ulekrael er a klengar er a kau (Doctrine and Covenants 8:2–3).
• Uldasu el omngai me a momelchesiu er a rengum (1 Korinth 2:9–11).
• A llomes el mtechir a ilkolk (Alma 19:6).

Oltirakl a Okesiul a Osobel

A Jesus a mileskid a kot el ngarbab el okesiu el mer kid el rokui. Al soad el mo medengei a klemerang, e ng sebeched el oltirakl e meruul aikel Ngii a riruul.

Me tiang uangerang?

• Molcholt a beltikelreng me a bliochel el beltik el reng el mora rebebil me a Dios.
• Mesa el kmo aikal omoruul ng rullau el mo omelchesiu a ngerang.
• A utebengel aikal moruul a ngodechii a klengar er kau.