ព្រះគម្ពីរមរមន និងព្រះគម្ពីរប៊ីបគឺជាព្រះបន្ទូលនៃព្រះ

នៅក្នុងព្រះគម្ពីរសញ្ញាថ្មី សាវកប៉ុលបានបង្រៀនថា « គ្រប់ការទាំងអស់នឹងបានសម្រេច ដោយនូវមាត់ស្មរបន្ទាល់ពីរ ឬបីនាក់ » ( កូរិនថូស ទី២ ១៣:១ ) ។ សមាជិកនៃសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយស្រឡាញ់ព្រះគម្ពីរប៊ីប ដែលជាសាក្សីមួយក្នុងចំណោមសាក្សីទាំងនោះ និងព្រះគម្ពីរមរមនដែលជាសាក្សីមួយទៀតនៃព្រះយេស៊ូវគ្រីស្ទ ។

ដូចជាព្រះគម្ពីរប៊ីបដែរ ព្រះគម្ពីរមរមនគឺជាកំណត់ត្រាដ៏បំផុសគំនិតដ៏ទេវភាព ដែលចងក្រងដោយព្យាការីពីបុរាណ ។ វាកត់ត្រាព្រះបន្ទូលរបស់ព្រះទៅកាន់បុត្រាបុត្រីរបស់ទ្រង់នៅទ្វីបអាមេរិក ។ អ្នកអាចទទួលបានការបំផុសគំនិត ការយល់ដឹង និងការណែនាំច្បាស់លាស់ តាមរយៈការអានព្រះគម្ពីរទាំងពីរនេះជាមួយគ្នា ។

សាសនាចក្ររបស់ព្រះគ្រីស្ទមានវត្តមាននៅទ្វីបអាមេរិក

ព្រះគម្ពីរមរមន ចាប់ផ្តើមជាមួយនឹងដំណើររឿងរបស់ព្យាការីម្នាក់ឈ្មោះ លីហៃ ដែលព្រះបានព្រមានលោកនៅប្រហែលឆ្នាំ ៦០០ មុន គ.ស. ថាក្រុងយេរូសាឡិមនឹងត្រូវបំផ្លាញ ។ លីហៃ និងភរិយារបស់លោក គឺសារ៉ាយ ដែលបានដឹកនាំដោយព្រះវិញ្ញាណនៃព្រះ បាននាំគ្រួសាររបស់ពួកគេឆ្លងកាត់មហាសមុទ្រ ដែលជាកន្លែងដែលនៅទីបំផុតកូនចៅរបស់ពួកគេបានក្លាយជាប្រជាជាតិពីរ ដែលគេស្គាល់ថាជាសាសន៍នីហ្វៃ និងសាសន៍លេមិន ។ ដំណើររឿងរបស់ពួកគេអំពីសេចក្តីជំនឿលើព្រះ និងការរៀបចំខ្លួនសម្រាប់ការយាងមករបស់ព្រះយេស៊ូវគ្រីស្ទ ផ្តល់នូវគំរូដ៏បំផុសគំនិត ដើម្បីធ្វើតាម ខណៈដំណើររឿងផ្សេងទៀតនៅក្នុងព្រះគម្ពីរមរមនបញ្ជាក់អំពីសេចក្តីមេត្តាករុណារបស់ព្រះចំពោះបុត្រាបុត្រីរបស់ទ្រង់ទាំងអស់ ឬព្រមានប្រឆាំងនឹងអំពើបាប ។

ព្រឹត្តិការណ៍កំពូលនៃព្រះគម្ពីរមរមន គឺការយាងមករបស់ព្រះយេស៊ូវទៅជួបពួកអ្នកដើរតាមទ្រង់នៅទ្វីបអាមេរិកបន្ទាប់ពីការសុគត និងការមានព្រះជន្មរស់ឡើងវិញរបស់ទ្រង់ ។ ការយាងមកនេះបានបំពេញតាមការបង្រៀនរបស់ទ្រង់នៅក្រុងយេរូសាឡិម ៖

បន្ទាប់ពីព្រះយេស៊ូវបានបង្រៀនគោលលទ្ធិរបស់ទ្រង់ ហើយបានបង្កើតសាសនាចក្ររបស់ទ្រង់នៅទ្វីបអាមេរិកហើយ នោះប្រជាជននៅទីនោះបានរស់នៅដោយសេចក្ដីសុខសាន្ដ និងសេចក្តីសុចរិតអស់ជាច្រើនជំនាន់ ។

នៅទីបំផុត ប្រជាជនបានធ្លាក់ចុះទៅក្នុងសង្រ្គាម និងអំពើទុច្ចរិត ហើយពួកសាសន៍នីហ្វៃត្រូវបានបំផ្លាញចោល ។ សាសន៍នីហ្វៃម្នាក់ដែលនៅរស់ក្នុងចំណោមពួកសាសន៍នីហ្វៃចុងក្រោយបង្អស់គឺ មរមន បានចងក្រងកំណត់ត្រារបស់ពួកគេចូលទៅកំណត់ត្រាដែលត្រូវបានគេស្គាល់នៅក្នុងសម័យទំនើបថាជាព្រះគម្ពីរមរមន ៖ សក្ខីបទមួយទៀតអំពីព្រះយេស៊ូវគ្រីស្ទ ។

កំណត់ត្រាបុរាណមួយដែលបានបកប្រែនៅក្នុងជំនាន់របស់យើង

ព្រះបានជ្រើសរើស យ៉ូសែប ស្ម៊ីធ ឲ្យធ្វើជាព្យាការី ដើម្បីស្ដារសាសនាចក្ររបស់ទ្រង់ឡើងវិញនៅជំនាន់យើង ហើយរៀបចំផ្លូវសម្រាប់យ៉ូសែប ឲ្យរកឃើញកំណត់ត្រាបុរាណដែលបានចងក្រងដោយមរមន ហើយបកប្រែគម្ពីរនេះតាមរយៈវិវរណៈដ៏ទេវភាព ។ ចាប់តាំងពីពេលនោះមក ព្រះគម្ពីរមរមនបានបំផុសគំនិតមនុស្សរាប់លាននាក់នៅជុំវិញពិភពលោកឲ្យផ្លាស់ប្តូរកាន់តែប្រសើរឡើង ហើយក្លាយជាអ្នកដើរតាមព្រះយេស៊ូវគ្រីស្ទដ៏ស្មោះត្រង់ ។ វាក៏អាចបំផុសគំនិតអ្នកផងដែរ ។

ព្រះគម្ពីរប៊ីបដ៏បរិសុទ្ធគឺជាគម្ពីរដ៏ពិសិដ្ឋនៃព្រះគម្ពីរដែលព្រះបានប្រទានដល់យើង—ដល់បុត្រាបុត្រីរបស់ទ្រង់—សម្រាប់ជាប្រយោជន៍ដល់យើង ។ ការបង្រៀនរបស់វាអាចផ្តល់ឲ្យអ្នកនូវប្រភពនៃកម្លាំង ការបំផុសគំនិត និងការដឹកនាំ ។

នៅក្នុងព្រះគម្ពីរសញ្ញាចាស់ អ្នកអាច ៖

• រៀនសូត្របន្ថែមទៀតអំពីព្រះ និងគោលបំណងនៃជីវិត ដោយអានអំពីការបង្កបង្កើតផែនដី និងការយាងមករបស់ព្រះអង្គសង្គ្រោះ ដែលបានបើកសម្តែងដល់ព្យាការីពីបុរាណដូចជាអេសាយ ។
• ស្វែងរកគំរូដ៏មានអានុភាពនៃសេចក្តីជំនឿដូចជាម្ចាស់ក្សត្រីអេសធើរ ។
• ទាញយកការលួងលោមពីកំណាព្យដ៏ពិរោះនៃទំនុកតម្កើង និងសុភាសិត ។

នៅក្នុងព្រះគម្ពីរសញ្ញាថ្មី អ្នកអាច ៖

• រៀនសូត្របន្ថែមទៀតអំពីព្រះអង្គសង្គ្រោះរបស់អ្នក គឺព្រះយេស៊ូវគ្រីស្ទ នៅពេលអ្នករៀនអំពីការងារបម្រើរបស់ទ្រង់ក្នុងព្រះជន្មរមែងស្លាប់ ។ អ្នកនឹងអានអំពីព្រះជន្មរបស់ទ្រង់ អព្ភូតហេតុ និងគំរូដ៏ល្អឥតខ្ចោះ ។
• ស្វែងរកផ្លូវ តាមរយៈការបង្រៀនរបស់ព្រះយេស៊ូវ ទៅកាន់ជីវិតដ៏កាន់តែមានន័យ មានភាពសុខសាន្ត និងសេចក្តីសង្គ្រោះដ៏អស់កល្បជានិច្ចវិញ ។
• សំខាន់បំផុត រៀនអំពីពលិកម្មរបស់ព្រះយេស៊ូវសម្រាប់អ្នក និងការមានព្រះជន្មរស់ឡើងវិញរបស់ទ្រង់ ។ ដោយសារទ្រង់ អ្នកអាចរីកចម្រើនដើម្បីឈានទៅរកសក្ដានុពលដ៏ទេវភាពរបស់អ្នកក្នុងនាមជាបុត្រាបុត្រីរបស់ព្រះ ហើយរៀបចំខ្លួនដើម្បីរស់នៅជាមួយព្រះ និងមនុស្សជាទីស្រឡាញ់របស់អ្នកជារៀងរហូត ។
  

ព្រះគម្ពីរមរមន និងព្រះគម្ពីរប៊ីបថ្លែងទីបន្ទាល់អំពីព្រះយេស៊ូវគ្រីស្ទ ហើយបង្រៀនអំពីផែនការរបស់ព្រះសម្រាប់សុភមង្គលរបស់យើង ។ គម្ពីរនេះមិនជំនួសគម្ពីរណាផ្សេងទេ ប៉ុន្តែពួកវាបំពេញការបង្រៀនឲ្យគ្នាទៅវិញទៅមក ស្រដៀងនឹងរបៀបដែលគម្ពីរនៃព្រះគម្ពីរសញ្ញាថ្មី ម៉ាថាយ ម៉ាកុស លូកា និងយ៉ូហាន ផ្ដល់នូវទស្សនៈផ្សេងគ្នាដើម្បីបង្កើតជារូបភាពពេញលេញនៃគោលលទ្ធិ ឬដំណើររឿងដូចគ្នាដែរ ។

តាមរយៈការសិក្សាអំពីព្រះគម្ពីរមរមន និងព្រះគម្ពីរប៊ីបជាមួយគ្នា នោះអ្នកអាចយល់កាន់តែច្បាស់អំពីព្រះ និងទំនាក់ទំនងរបស់អ្នកជាមួយទ្រង់ ។ ដើម្បីចាប់ផ្តើម អ្នកអាចឃើញអ្វីដែលព្រះគម្ពីរទាំងពីរនិយាយអំពីប្រធានបទទាំងនេះ ៖