ទម្រង់បែបបទផែនការភាពខ្លួនទីពឹងខ្លួន និងមគ្គុទេសន៍របស់ប៊ីស្សពអំពីផែនការភាពខ្លួនទីពឹងខ្លួនថ្មី ដាក់ឲ្យប្រើប្រាស់ជំនួសទម្រង់បែបបទវិភាគតម្រូវការ និងធនធាន និងសេចក្ដីបន្ថែមអំពីការវិភាគតម្រូវការ និងធនធានដែលកំពុងប្រើបច្ចុប្បន្ននេះ ។ ទម្រង់បែបបទថ្មី ត្រូវបានរៀបចំឡើងដើម្បីជួយដល់ប៊ីស្សព និងប្រធានសាខាឲ្យបម្រើដល់អ្នកទាំងឡាយដែលទទួលជំនួយសុខុមាលភាពបានកាន់តែមានប្រសិទ្ធភាព ហើយដឹកនាំពួកគេនៅតាមផ្លូវទៅកាន់ភាពខ្លួនទីពឹងខ្លួន ។
មគ្គុទេសន៍របស់ប៊ីស្សពដើម្បីផែនការភាពខ្លួនទីពឹងខ្លួន ។ ប៊ីស្សព និងប្រធានសាខាប្រើប្រាស់ទម្រង់បែបបទនេះដើម្បីដាក់ផែនការ និងតាមដានទៅលើជំនួយសុខុមាលភាព និងដើម្បីធ្វើការតាមដានទៅលើផែនការភាពខ្លួនទីពឹងខ្លួនរបស់សមាជិកផ្ទាល់ ។
ផែនការភាពខ្លួនទីពឹងខ្លួន ។ សមាជិកប្រើប្រាស់ទម្រង់បែបបទនេះដោយខ្លួនឯង ឬដោយមានជំនួយមកពីអ្នកណែនាំ ។ ទម្រង់បែបបទនេះជួយសមាជិកធ្វើការវាយតម្លៃអំពីតម្រូវការ ចំណូល និងចំណាយរបស់ពួកគេ ហើយប្រាប់ពីធនធានដែលមាន ប្រាប់អំពីការបម្រើដែលពួកគេអាចផ្ដល់ឲ្យត្រឡប់មកវិញចំពោះជំនួយដែលពួកគេបានទទួល និងបង្កើតផែនការផ្ទាល់ខ្លួនរបស់ពួកគេសម្រាប់ការប្រែក្លាយជាមនុស្សកាន់តែមានភាពខ្លួនទីពឹងខ្លួន ។
ជាញឹកញាប់ បងប្អូនប្រុសស្រីដែលផ្ដល់ការងារបម្រើដល់សមាជិកសាសនាចក្រដទៃទៀត ឬថ្នាក់ដឹកនាំ ឬប៊ីស្សពជាអ្នកប្រាប់អំពីសមាជិកដែលខ្វះខាត ។ ពួកគេថែមទាំងស្វែងរកជំនួយរបស់ប៊ីស្សពដោយផ្ទាល់ ។
ប៊ីស្សពជួបនឹងសមាជិកដែលខ្វះខាតដើម្បីពិភាក្សាអំពីឧបសគ្គអ្វីខ្លះដែលពួកគាត់កំពុងជួបប្រទះ ។ បន្ទាប់មក ប៊ីស្សព អាចអញ្ជើញថ្នាក់ដឹកនាំម្នាក់ ឬអ្នកណែនាំដទៃទៀតឲ្យជួយសមាជិកបំពេញទម្រង់បែបបទភាពខ្លួនទីពឹងខ្លួន ។ ប៊ីស្សពអាចយល់បានកាន់តែច្រើនអំពីរបៀបផ្ដល់ជំនួយសុខុមាលភាពមានប្រសិទ្ធភាព តាមរយៈការមើលទៅលើផែនការនេះ ។ ប៊ីស្សព ឬអ្នកដឹកនាំដែលបានចាត់តាំង ធ្វើការតាមដានជាទៀងទាត់ជាមួយនឹងសមាជិកដើម្បីពិភាក្សាអំពីតម្រូវការបន្ថែម កង្វល់ និងការរីកចម្រើននៅក្នុងផែនការ ។
