Ol niu fom blong Indipenden Laef Plan mo Gaed blong Bisop i go long Indipenden Laef Plan i tekem ples blong ol fom blong Ol Nid mo Ol Risos Sevei mo Ol Nid mo Ol Risos Sevei Saplae Ol niu fom oli mekem blong helpem ol bisop mo ol branj presiden blong oli save givim gud seves long olgeta we oli kasem help long saed blong welfea we i save lidim olgeta i go long rod blong oli save dipen long olgeta wan
Gaed blong Bisop i go long Indipenden Laef Plan. Ol Bisop mo branj presiden oli yusum fom ia blong planem mo folemap welfea asisten mo blong folemap ol memba long indipenden laef plan blong olgeta wan.
Indipenden Laef Plan. Ol memba oli yusum fom ia blog olgeta wan o wetem help blong wan menta. Fom ia i helpem ol memba blong kasem ol nid blong olgeta, inkam, mo ol ekspenses; luk save ol risos we i stap; luk save ol seves we oli save givim bak long help we oli bin kasem; mo developem plan blong olgeta wan blong oli save dipen long olgeta wan.
Ol memba we oli stap long nid; ol givhan brata o sista blong olgeta, ol narafala memba blong Jos o ol lida, o bisop, oli luk save olgeta se oli stap long nid. Bae olgeta yet i askem help blong bisop olgeta wan.
Bisop bae i mit wetem memba we i stap long nid, blong tokbaot wanem ol jalenj hem i stap fesem. Bae bisop i invaetem wan lida o menta blong helpem memba ia i komplitim Indipenden Laef Plan. Fom ia. Bae bisop i lukluk long plan ia, blong i save olsem wanem nao hem i save provaedem welfea asisten ia. Bae bisop o wan lida we oli asaenem blong oli folemap wetem memba ol narafala nid, tingting mo wea ples oli stap long hem long plan we oli bin mekem.
