Ko e Hā e Fatongia ʻo e Pīsopé?
ʻOku tataki mo fakafekauʻaki ʻe he kau Pīsopé ʻa e ngaahi ngāue moʻui fakafalala pē kiate kitá ʻo fakafou ʻi he fakataha alēlea fakauōtí. Kae fakatefito ʻa e meʻa ʻoku nau faí ki he ngaahi meʻá ni:
- Akoʻi e kāingalotu ʻo e uōtí ʻa e ngaahi tefitoʻi moʻoni ʻo e moʻui fakafalala pē kiate kitá
- Tataki e ngaahi ngāue moʻui fakafalala pē kiate kitá ʻo fakafou ʻi he fakataha alēlea fakauōtí:
- Kumi pea ʻiloʻi e hingoa ʻo e kāingalotu kotoa pē ʻoku ʻikai ke nau lava ʻo feau e ngaahi fie maʻu fakatuʻasino mo fakalaumālie ʻo e moʻuí.
- Fakatonutonu e lipooti Moʻui Fakafalala Pē Kiate Kita ʻa e Mēmipa Lalahí he kuata kotoa pē ʻi he leader.ChurchofJesusChrist.org.
- ʻOatu ha poupou, kau tokoni pea tokoniʻi ʻa kinautolu ʻoku fie maʻu tokoní ʻo fakafou ʻi he kau taki ʻo e kōlomú mo e houalotú.
- Fakaafeʻi e niʻihi ʻoku fie maʻu tokoní ke nau fakakakato ʻa e kiʻi sivi fakafuofuaʻi ʻi he Ko Hoku Hala ki he Moʻui Fakafalala Pē Kiate Kitá pea kau atu ki ha kulupu moʻui fakafalala pē kiate kita; pea toutou muimuiʻi kinautolu.
- Ui ha kau mataotao fakauooti ʻi he moʻui fakafalala pē kiate kitá ke nau tokoni ki he ngaahi kulupú, ʻo ka fie maʻu.
- Fakahoko e ngaahi ʻinitaviu ke poupouʻi e nō PTFT (vakai, srs.ChurchofJesusChrist.org/loans).
- Vakaiʻi mo ngāue ki he ngaahi lipooti fakalakalaka ʻo e moʻui fakafalala pē kiate kita ʻa e ūotí pea mo e ngaahi lipooti nō PTFT. ʻOku ʻikai totonu ke kau e kau pīsopé ʻi hono tānaki e nō PTFT.
- Kumi ha tokoni makehe mei he kōmiti fakasiteiki ki he moʻui fakafalala pē kiate kitá ʻo ka fie maʻu.
ʻE Founga Fēfē Haʻaku Fakaʻaongaʻi ʻa e Hala ki he Moʻui Fakafalala Pē Kiate Kitá ʻi ha Fakataha Fakatāutaha?
Kimuʻa peá ke fakataha mo e tokotahá:
- Maʻu e ngaahi lisi ki he Ngaahi Faingamālie Fakalotofonua Lelei Taha maʻá e Pisinisi Īkí, Ngaahi Faingamālie Fakalotofonua Lelei Taha ki he Ngāué, Ngaahi ʻApi Ako mo e Ngaahi Polokalamá Fakalotofonua Lelei Tahá , Ngaahi Kautaha Nō Fakalotofonuá Lelei Tahá, Ngaahi Uepisaiti Kumi Ngāue Fakalotofonua Lelei Tahá ki homou feituʻú mei he pule ʻo e Ngaahi Tokoni ki he Moʻui Fakafalala Pē Kiate Kitá.
- Fetuʻutaki ki he kōmiti fakasiteiki moʻui fakafalala pē kiate kitá ke ʻiloʻi e ngaahi taimi mo e feituʻu fakatahaʻanga ʻa e ngaahi kulupú.
- Teuteuʻi ha ngaahi nāunau ʻa e fakatahá: ʻomi ha tatau ʻo e Ko Hoku Hala ki he Moʻui Fakafalala pē Kiate Kitá
Lolotonga e fakatahá:
- Talitali loto māfana ʻa e tokotahá. Feinga ke ʻilo e meʻa kuó ne fai ke feinga ke hoko ʻo moʻui fakafalala pē ʻiate iá?
- Hiki ʻa e hingoa kakato e tokotahá, mo e ʻaho fāʻeleʻí (ʻaho mo e māhiná, kae ʻikai ko e taʻú). Hili ʻa e fakatahá, ʻalu ki he srs.ChurchofJesusChrist.org/report ʻo muimui ʻi he ngaahi fakahinohinó ke lesisita ʻa e tokotaha ko iá.
- Te tau fakaʻaongaʻi e kiʻi tohi ʻoku ui Ko Hoku Hala ki he Moʻui Fakafalala Pē Kiate Kitá ke tokoniʻi koe ke ke laka atu ʻi ho hala ki he moʻui fakafalala pē kiate kitá.
- Muimui ki he ngaahi meʻa ʻi he kiʻi tohí.
