Paggamit sa Mga Himan sa Pagtuon

Ang function sa anotasyon nga toolbar diha sa Online nga Librarya sa Ebanghelyo maoy usa ka himan nga motabang nimo nga makaangkon og labing maayo nga kasinatian sa pagtuon sa imong kasulatan ug sa ebanghelyo. Ang toolbar magtugot nimo sa pag-highlight og tektso, paghimo og mubo nga mga sulat, paghimo og mga cross-link, ug pagkopya ug pagpakigbahin sa sulod nga imong gibasa.

Timan-i: Ang mga function sa anotasyon nga toolbar maakses lamang kon naka-sign in.

Ang anotasyon nga toolbar naglangkob sa mosunod nga mga function sa han-ay sama sa makita:

• Marka () — magtugot nimo sa pag-highlight o paglinya sa gipili nga teksto.
• Estilo () — ang icon nga Marka mausab ngadto sa icon nga Estilo sa higayon nga mapili na ang teksto ug himoon ang pag-highlight o pagmarka. Estilo magtugot nimo sa pag-usab sa kolor o pag-atiman sa imong pag-highlight o pagmarka.
• Pahinumdom () — moabli sa note editor aron makadugang ka og mubo nga sulat ngadto sa napili nga sulod.
• Tag () — moabli sa feature sa tag. Mahimo kang mogamit og mga tag sa pag-label sa sulod nga may kalabotan sa mga hilisgotan nga importante nimo. Pwede nimong i-browse ang naka-tag nga sulod diha sa seksiyon sa Mubo nga mga Sulat sa website.
• Idugang ngadto sa() — moabli sa idugang ngadto sa notebook nga panel. Mahimo kang mogamit og mga notebook sa pagtipig sa mubo nga mga sulat, pagpundok sa mga kapanguhaan nga may kalabotan sa unsay imong gitun-an karon, o sa pag-andam og leksiyon o pakigpulong. Pwede nimong makita ug madumala ang mga notebook diha sa seksiyon sa Mubo nga mga Sulat sa website.
• Link () — moabli sa link nga panel. Ang link usa ka personal nga cross-reference o konektado nga kasulatan nga mahimo nimong gamiton sa pagkonektar og sulod sa tibuok librarya.
• Tangtanga () — mo-delete sa gipili nga highlight. Kon ma-delete na ang gi-highlight, dili na kini mabalik.
• Kopyahon () — mokopya sa gipili nga teksto ngadto sa clipboard aron pwede kining i-paste diha sa mubo nga sulat o sa laing aplikasyon.
• Ipakigbahin () — nagtugot nimo sa pagpakigbahin sa pahina o sa gipili nga teksto pinaagi sa social media, email, o sa link.

Timan-i: Kinahanglan ka nga mo-sign in aron makagamit sa anotasyon nga toolbar.

Sunda kining mga lakang sa pag-highlight o pagmarka og teksto:

1. Diha sa sulod nga imong gibasa, pilia ang teksto nga gusto nimong i-highlight pinaagi sa pag-drag sa imong mouse diha sa teksto (gamit ang desktop computer) o pagpislit og dugay sa imong tudlo ngadto sa teksto (gamit ang mobile device). Pwede nimong ipahiuyon ang pagpili gamit ang sinugdanan ug kataposan nga mga punto.
2. Gikan sa anotasyon nga toolbar, iklik ang Marka () nga buton aron ma-highlight ang gipili nga teksto.

Kon ang tudling ma-highlight na, pwede nimong ipahiuyon ang hitsura niini gamit ang mosunod nga mga lakang:

1. Pilia ang highlight nga gusto nimong i-edit.
2. Pilia ang Estilo () nga buton aron matan-aw ang magamit nga mga opsiyon sa kolor ug sa estilo.
3. Pilia ang ganahan nimo nga estilo o kolor. Ang imong pag-usab awtomatik nga ma-save.

Timan-i: Ang pagtangtang og highlight dili na mabalik.

Sa pagtangtang og highlight, buhat ang mosunod:

1. Pilia ang gi-highlight nga teksto nga gusto nimong tangtangon.
2. Kon duna kay daghang gi-highlight, usa ka menu ang mopakita sa tuo nga mangutana nimo sa pagpili hain sa gi-highlight ang gusto nimong i-edit.
3. Gamit ang anotasyon nga toolbar, iklik ang Tangtanga () nga buton.
4. Hangyoon dayon ka sa pagkompirmar sa imong aksiyon. Kon gusto kang mopadayon, iklik ang I-delete; kon dili, iklik ang Ikanselar. Palihog timan-i, ang pag-delete og naka-highlight o nakamarka dili na mabalik.

Timan-i: Kinahanglan ka nga mo-sign in aron makagamit sa anotasyon nga toolbar.

Sa paghimo og mubo nga sulat, i-highlight ang seksiyon o pulong ug iklik ang Mubo nga Sulat () nga icon. Usa ka kahon ang mopakita sa tuo nga bahin sa screen, diin pwede kang maghimo og mubo nga sulat. Ang imong mubo nga sulat awtomatik nga ma-save human sa pipila ka segundo. Iklik ang X sa paggawas sa kahon. Usa ka gamay, asul nga sticky note ang mopakita tupad sa teksto nga imong gipili.

Ang paghimo og mubo nga mga sulat sa pagrekord sa imong mga hunahuna mahimong mapuslanon nga tabang sa pagtuon. Sundo kini nga mga lakang sa paghimo ug pagdumala sa mubo nga mga sulat:

1. Pilia ang teksto nga gusto nimong ikonektar ang mubo nga sulat.
2. Pilia ang Mubo nga Sulat () nga buton
3. I-type ang imong mubo nga sulat diha sa mubo nga mga sulat nga panel nga maabli. Kini mahimong maglakip og usa ka ulohan ug bisan unsang teksto nga gusto nimong iapil. Mahimo usab kang mopili sa pag-asayn og notebook o i-tag ang imong mubo nga sulat sa samang higayon. Ang imong mubo nga sulat awtomatik nga ma-save matag pipila ka segundo.

Timan-i: Ang pagtangtang og mubo nga sulat dili na mausab.

Aron matangtang o ma-delete ang mubo nga sulat, buhata ang mosunod:

1. Pilia ang asul nga icon sa mubo nga sulat sa tuo sa naka-highlight nga teksto.
2. Usa ka panel ang mopakita. Pilia ang tulo ka tuldok () aron maabli ang dropdown nga menu.
3. Pilia ang I-delete gikan sa magamit nga mga opsiyon.
4. Hangyoon dayon ka sa pagkompirmar sa imong aksiyon. Kon gusto kang mopadayon, iklik ang I-delete; kon dili, iklik ang Ikanselar. Palihog timan-i, ang pag-delete og mubo nga sulat dili na mabalik.

Aron ma-edit ang anaa na nga mubo nga sulat, buhata ang mosunod:

1. Pilia ang asul nga icon sa mubo nga sulat sa tuo sa naka-highlight nga teksto.
2. Usa ka panel ang mopakita. Pilia ang tulo ka tuldok () aron maabli ang dropdown nga menu.
3. Pilia ang I-edit gikan sa magamit nga mga opsiyon.
4. Makahimo na ka karon sa pag-edit ug pagdugang sa imong mubo nga sulat.