Ko Hono Fakaʻaongaʻi ʻo e ʻAotita Akoakó ke Ako ki he Polokalama ʻAotitá

ʻAlu ki he audit.lds.org ke lava ʻo hū ki he polokalama ʻaotitá. Hū ki he polokalamá ʻo fakaʻaongaʻi hoʻo hingoa ngāue ʻi he ʻAkauni LDS mo e lea fufuú.ʻI he fakamatala ko ʻení, ʻoku toe ʻuhinga e foʻi lea siteikí ki he ngaahi vahefonuá. ʻOku toe ʻuhinga foki e foʻi lea uōtíki he koló.

Vakai Fakalūkufuá

ʻOku hoko ʻa e ʻaotita akoakó ko ha founga lelei ke ke maheni ai mo e ngaahi fehuʻi fakaʻaotitá pea mo e founga fakahoko ʻo e ʻaotitá. Ko e keheke pē ʻeni ʻi he ʻaotita akoakó pea mo e ʻaotita angamehení:

• ʻOku ʻasi mata lalahi ʻa e foʻi lea ko e ‘Aotita Akoako ʻi ha banner lanu kulokula ‘i ʻolunga ‘i he window ʻo e ‘aotitá.
• ‘Oku ’ikai ke ‘asi e hingoa ‘iuniti ʻo e Siasí.
• Koeʻuhí ko ha ngaahi ʻuhinga maluʻi fakataautaha, ʻe pula ha fakaikiiki ki ha niʻihi ʻo e ngaahi fehūʻaki fakapaʻangá.
• ʻOku ʻikai seivi ʻa hoʻo ngāué.

Fakahoko ʻo ha ʻAotita Akoako

ʻE lava ʻe he kau ngāue kotoa pē ʻi he polokalamá ʻo fakahoko e ʻaotita akoakó. Vakai ki he Hū ki he Polokalama ʻAotitá ki he lisi ʻo e kau ngāue ʻi he polokalamá kuo fakamafaiʻí.Ke kamata e ʻaotita akoakó, lomiʻi ʻi he Fakahoko e ʻAotita Akoakó. (ʻOku ʻi he lea faka-Pilitāniá ʻa e screenshots ko ʻení, ka ko e fokotuʻutuʻu tatau pē ʻi he ngaahi lea fakafonua kotoa.)

Lomiʻi ʻi he Uooti pe Kolo pe Siteiki pe Vahefonua, ʻo fakatatau mo e faʻahinga ʻo e ʻiuniti ʻi he Siasí ʻoku ke fie akoako aí.Kapau ʻokú ke fie akoako fakahoko ha ʻaotita ki ha uooti pe siteiki pau, lomiʻi ʻi he toti ʻe tolú (ʻaikoni ki he menu) ʻi he laine tatau mo hono hinogá, pea lomiʻi ʻi he Fakahoko e ʻAotita Fakaangaanga.

Founga ke Fakatokangaʻi ha ʻAotita Akoako

Lolotonga hoʻo fakahoko ʻa e ʻaotita akoakó, ʻoku ʻasi mata lalahi ʻa e foʻi lea ko e ‘Aotita Akoako ʻi ha banner lanu kulokula ‘i ʻolunga ‘i he window ʻo e ‘aotitá.

Tuku ʻo ha Akoako Fakahoko ha ʻAotita

Ke fakaʻosi hono fakahoko ha ‘aotita akoako, lomiʻi ʻi he Fakaʻosi e ʻAotita Akoakó. ʻE ngata ai hoʻo ngāue ne faí, pea he ʻikai leva ke seivi e ngaahi ʻaotita akoako ne fakahuú. He ʻikai lava ke seivi ʻa e fakamatala ʻo e ʻaotitá akoako ko ha ʻaotita moʻoni.