Ang budget allowance nga programa nagtugot sa kinatibuk-ang mga pundo sa Simbahan nga gastohon alang sa mga kalihokan ug mga programa sa mga stake ug mga ward. Dili na kinahanglan nga modawat og mga kontribusyon para sa badyet gikan sa mga miyembro. Ang matinud-anong pagbayad sa ikapulo ang naghimong posible nga adunay badyet allowance.
Ang mga pundo sa badyet sa stake ug sa ward kinahanglang gamiton sa pagbayad sa tanang kalihokan, mga programa, mga manwal, ug mga suplay. Ang mga miyembro kinahanglang dili mobayad aron makaapil. Dili usab sila mosangkap og mga materyal, mga suplay, abang o bayranan sa pagsalmot, o transportasyon sa layo nga distansya sa ilang kaugalingong gasto. Ang mga kalihokan diin ang mga miyembro ang magdala og pagkaon mahimong himoon kon dili kini makahatag og kabug-at sa mga miyembro.
Ang posibling mga eksepsiyon sa palisiya ngadto sa pundo mahimong buhaton alang sa tinuig nga mga kamping o susamang mga kalihokan, opsiyonal nga mga kalihokan, ug panagsa nga mga kalihokan sa young single adult.
Kon ang badyet sa ward walay igong pundo nga ikagasto sa mosunod nga mga kalihokan, ang mga lider mahimong mohangyo sa mga partisipante nga mobayad og tipik o sa tanan niini:
Kon ang mga pundo gikan sa mga partisipante dili igo, ang bishop mahimong motugot og usa ka grupo nga fundraising nga kalihokan matag tuig nga nahiuyon sa mga lagda sa Simbahan.
Kinahanglan nga ang galastuhan o biyahe sa tinuig nga kamping o susamang kalihokan dili mahal kaayo. Ni ang kakulang sa personal nga pundo makapugong sa miyembro sa pag-apil.
Sa samang paagi, kon ang dakong multistake nga mga kalihokan gipahigayon, ang mga young single adult sa panagsang higayon mahimong hangyoon sa pagbayad mismo sa pipila ka bayranan. Hinoon, ang mga lider kinahanglang moseguro nga ang tanang young single adult makaapil nga dili makagasto og dili makataronganon nga personal nga mga gastohan.
Sa pagtino sa kantidad sa mga pundo nga igahin ngadto sa stake ug mga ward, ang Simbahan mogahin og mga pundo ngadto sa stake sa sunod nga quarter base sa gidak-on sa attendance sa miaging quarter. Pananglitan, ang alokasyon sa unang quarter sa 2020 gibase sa gireport nga attendance sa Quarterly Report sa ikatulong quarter sa 2019. Ang Budget and Appropriations Committee moggahin og mga pundo sa badyet base sa attendance sa mosunod nga mga kategoriya:
Ang mga presidente sa stake ug mga bishop moseguro nga ang mga pundo sa budget allowance maalamong nagasto. Ang mga pundo gamiton sa pagpanalangin sa mga tawo ug alang sa pagpadayon sa mga katuyoan sa ebanghelyo. Ang mga lider moseguro usab nga ang tanang mga galastohan dili molapas sa unsay gitugot. Ang kalamposan sa badyet allowance sa yunit nagdepende sa mga paningkamot sa lokal nga mga lider sa pagkapari sa pagmonitor ug pagkontrolar sa panalapi ug mga gasto sa Simbahan.
Ang wala kinahanglana nga mga pundo sa badyet allowance kinahanglang dili gastohon. Ang wala kinahanglana nga mga pundo sa ward ibalik ngadto sa stake. Ang wala kinahanglana nga mga pundo sa stake ibalik ngadto sa Buhatan sa Area. ***Isip eksepsiyon, ang mga stake ug mga ward mahimong mopabilin sa ubang mga pundo nga wala magasto kon gikinahanglan kini sa piho nga mga kalihokan nga giplano alang sa sunod tuig, sama sa komperensiya sa kabatan-onan [youth conference]. Apan, ang dakong bahin sa badyet sa stake o ward dili ipabilin gikan nianang tuiga hangtod sa sunod tuig aron ibayad sa gasto sa mga pagbiyahe. Dili usab mahimo nga ang mga pundo gikan sa “Lokal” nga kategoriya gamiton nga suplemento sa “Badyet” nga kategoriya.
Ang badyet allowance sa lokal nga yunit wala maglakip sa mga gasto sa pagtukod sa building, pagmentinar, mga telepono, mga utility, mga computer, o biyahe sa lider sa pagkapari. Kini nga mga gasto bayaran sa kinatibuk-ang mga pundo sa Simbahan sumala sa kasamtangang mga lagda.
Samtang ang pagdumala sa pundo sa badyet usa ka tinuig nga proseso, ang pundo sagad ipadala matag tulo ka bulan tungod kay ang proseso magdepende sa Quarterly Report nga isumiter sa matag ward.
Ang mga stake modumala sa pag-apod-apod sa badyet ngadto sa matag ward pinaagi sa pag-assign og mga porsyento sa pag-apud-apod sa badyet ngadto sa matag aytem sa badyet (sama sa % sa sakrament miting, % sa YM, % sa YW, ug uban pa). Niini nga mga instruksyon, isipon nato kini nga mga tinubdan isip mga tinubdan sa alokasyon sa badyet.
Ang gisugyot nga mga porsyento mahimo na karon nga ribyuhon ug i-save o usbon, kon gikinahanglan. Kon madawat ra, i-klik ang I-save aron ipadala ang mga porsyento ngadto sa punoang buhatan sa Simbahan aron magamit sa umaabot nga mga alokasyon sa badyet. Ang kinaulahiang gisumiter nga mga porsyento ipabilin sa rekord alang sa umaabot nga pagpang-apod-apod sa badyet hangtod ma-update kini sa yunit o sa punoang buhatan sa Simbahan. Ang tanang mga update sa kausaban sa porsyento kinahanglang isumiter sa kataposan sa bulan sa dili pa ang quarterly nga alokasyon sa badyet. Pananglitan, isumiter ang mga update sa kausaban sa porsyento inigka-Marso sa dili pa ang ikaduhang quarter sa alokasyon sa badyet nga mahitabo sa Abril. Usa ka bulan sa dili pa ang matag naiskedyul nga quarterly nga alokasyon sa badyet, ang mga stake makadawat og pasiuna nga pahibalo bahin sa badyet aron ribyohon. Ang mga porsyento nga makita diha sa pasiuna nga pahibalo maoy gamiton gawas kon i-update kini sama sa gipasabot diha sa pahibalo. Sa pagbutang sa mga porsyento sa ward alang sa matag tinubdan sa alokasyon sa badyet, himoa ang mosunod:
LAKANG 1
Ang programa sa badyet allowance nagtugot sa kinatibuk-ang mga pundo sa Simbahan sa pagbayad sa mga kalihokan sa mga stake ug mga ward.
LAKANG 2
Ang mga badyet sa stake ug ward gamiton alang sa pagbayad sa tanang kalihokan, mga programa, mga manwal, ug mga suplay.
LAKANG 3
Ang mga miyembro dili kinahanglang mobayad aron makaapil o mohatag og mga materyal, mga suplay, abang o mga bayranan sa pagsalmot, o transportasyon sa layo nga biyahe sa ilang kaugalingong gasto.
LAKANG 4
Ang mga pundo sa badyet igahin sigun sa attendance:
LAKANG 5
Ang mga presidente sa stake ug mga bishop moseguro nga ang mga pundo sa budget allowance maalamong nagasto. Ang mga pundo gamiton sa pagpanalangin sa mga tawo ug alang sa pagpadayon sa mga katuyoan sa ebanghelyo.
LAKANG 6
Ang posibling mga eksepsiyon sa palisiya ngadto sa pundo mahimong buhaton alang sa tinuig nga mga kamping o susamang mga kalihokan, opsiyonal nga mga kalihokan, ug panagsa nga mga kalihokan sa young single adult.