Ngaahi Fakahinohino ʻo e Lēsisita ki he Seminelí maʻá e Kau Ngāue Seminelí, Kau Taki Lakanga Fakataulaʻeikí, mo e Mātuʻa ʻa e Kau Ako Seminelí
Meʻa ʻOku Fiemaʻu Ke Ke ʻIló
- Ko e Aleapau ʻo e Lēsisita Seminelí ko ha fiemaʻu fakalao ia. ʻOku fiemaʻu ʻa e mātuʻá ke nau loto-taha ki ai ʻo tuʻo taha pē ʻi he lolotonga ʻa e taimi ʻoku kau ai ʻenau fānaú ki he seminelí.
- Ko e taimi ʻoku fakamoʻoni hingoa ai ʻa e mātuʻá pe tauhi fānaú ʻi he aleapaú, ʻoku nau fakangofua fakalao ʻa e Seminelí mo e ʻInisititiuti Fakalotú (S&I) ke nau muimuiʻi ʻa e fakalakalaka ʻa ʻenau fānaú ʻi he seminelí ʻo ngāue ʻaki ʻa e polokalama WISE.
- ʻE fakakakato foki ʻe he mātuʻa ʻoku ʻikai ke nau mēmipa ʻi he Siasí ʻa e lēsisitá mo e polokalama semineli fakalotofonuá ʻi he hili haʻanau faʻu ha ʻAkauni ʻi he Siasí ʻi heaccount.ChurchofJesusChrist.org.
- Ko e fānau ako ʻe lava ke nau kau ki he seminelí ko e toʻu tupu ia ʻoku ʻi he taʻu 14–18 ʻa ia te nau ʻi he foomu 3–6 (pe tatau mo ia). ʻOku ʻi ai ha fakaʻatā makehe maʻá e fānau ako ʻoku ʻi ai honau ngaahi faingataʻaʻia fakaesinó.
- ʻOku fakaafeʻi ʻe he lēsisita ki he seminelí ʻa e mātuʻá ke nau fili pe liliu e ngaahi meʻa ko ʻení:
- (Ngaahi) Taʻu fakaʻosi ako ʻa e fānau ʻoku kau ki he seminelí
- Feituʻu tuʻuʻanga ʻo e fale seminelí pe polokalama semineli ʻinitanetí ʻe fakahoko ai e ako semineli ʻa e fānaú
- Fakamatala fetuʻutaki ʻa e mātuʻá
- ʻOku lava ʻe he fānau ako seminelí ʻo liliu ʻenau fakamatala fetuʻutaki fakafoʻituituí ʻi he ʻinitanetí ʻi hemyseminary.ChurchofJesusChrist.org
- ʻI he taimi mo e feituʻu ʻe malava aí, ʻoku mau fakaafeʻi e ngaahi mātuʻá mo e tauhi fānaú ke nau fakaʻaongaʻi ʻa emyseminary.ChurchofJesusChrist.org ke lēsisita ʻenau fānaú ki he seminelí pea mo muimuiʻi ʻa e fakalakalaka ʻa e tokotaha akó ʻi he polokalamá.
Ngaahi Fakahinohino ki he Kau Ngāue Seminelí
Meʻa ʻOku Fiemaʻu Ke Ke Faí
- Feinga ke ʻilo lahia ange ʻa e uepisaiti mySeminary koeʻuhí ke lava ʻe he mātuʻá ʻo lēsisita ʻenau fānaú mo muimuiʻi ʻa e fakalakalaka ʻa e tokotaha akó ʻi he seminelí.
ʻOku ʻikai lava ʻe he ngaahi mātuʻa ʻoku ʻikai ke nau mēmipa ʻi he Siasí ʻo ngāue ʻaki ʻa e mySeminary ke fakakakato e lēsisitá maʻa ʻenau fānaú. ʻE kole ange ke nau fetuʻutaki ki he polokalama semineli fakalotofonuá, ʻa ia ʻe fakaʻaongaʻi ai ʻe he kau ngāue seminelí ʻa e WISE ke fakakakato ʻa e lēsisita ʻa e fānau ako ko ʻení.
- Tānaki e hū ki he ʻū lekōti maʻá ʻa e ngaahi mātuʻa ʻoku ʻikai ke nau mēmipá ʻi he meʻa lomi ki he “Guardian” ʻi he polokalama WISE.
- Fakapapauʻi ke fakaʻilongaʻi ʻa e aleapau tefito ʻi lalo ʻi he “Aleapau ʻa e Mātuʻá” ʻi he peesi ID ʻa e fānau ako takitaha ʻi he WISE.
- Fakatonutonu e fakamatala fetuʻutaki ki he mātuʻá pe tauhi fānaú.
Ngaahi Fakahinohino Maʻá e Kau Taki Lakanga Fakataulaʻeikí
Meʻa ʻOku Fiemaʻu Ke Ke Faí
Feinga ke ʻilo lahia ange ʻa e uepisaiti mySeminary koeʻuhí ke lava ʻe he mātuʻá ʻo lēsisita ʻenau fānaú mo muimuiʻi ʻa e fakalakalaka ʻa e tokotaha akó ʻi he seminelí.
ʻOku totonu ke ngāue ʻaki ʻe he kau takí ʻa e myseminary.ChurchofJesusChrist.org ke muimuiʻi ʻa e fakalakalaka honau toʻu tupú ʻi he seminelí.
ʻI he ngaahi polokalama maʻá e Hemisefia Fakatokelaú, ʻoku kamata ʻi he ʻaho 1 ʻo Sānualí ʻa e hoko e mySeminary ko ha meʻangāue ke lēsisita ai ki he taʻu fakaako hono hokó. Hangē ko ʻení, ʻi he ʻaho 1 ʻo Sānuali 2023, ʻe kamata ke ʻasi ʻi he mySeminary ʻa kinautolu kuo lēsisita pe teʻeki lēsisita ki he taʻu 2023–24. ʻI he ngaahi polokalama maʻá e Hemisefia Fakatongá, ʻoku hoko ʻa e mySeminary ko ha meʻangāue ki he lēsisitá ʻi he ʻaho 1 ʻo Siulaí ki he tohi māhina fakataʻu pe taʻu fakaako hono hokó.
He ʻikai lava ke fakangofua ʻe he kau takí ʻa e Aleapau ʻo e Lēsisita Seminelí. ʻOku tuku ʻataʻatá pē ʻeni ki he mātuʻá pe tauhi fānaú pē.
ʻOku poupouʻi ʻa e kau takí ke nau fakaʻilongaʻi ʻa e taʻu ʻosi mei he ako māʻolungá mo e feituʻu faiʻanga seminelí pe polokalama ʻinitanetí ki he tamasiʻi pe taʻahine ako takitaha. ʻOku lava foki ke fakaʻilongaʻi ʻe he kau takí ʻa e fānau ako ʻoku nau fuʻu kei taʻu siʻí, fuʻu motuʻa honau taʻú, pe ko kinautolu he ʻikai ke nau kau ki he seminelí ʻi he taʻu ka hokó koeʻuhí ko ha faʻahinga ʻuhinga pē.
Ngaahi Fakahinohino maʻá e Mātuʻa ʻo e Fānau Ako Seminelí
Meʻa ʻOku Fiemaʻu Ke Ke Faí
- Fakapapauʻi ʻoku ʻi ai haʻo ʻAkauni ʻi he Siasí. Ke faʻu haʻo ʻakauni, ʻalu ki heaccount.ChurchofJesusChrist.org.
- Fakaʻaongaʻi e hingoa ngāue mo e lea fufū ko ia ʻi he ʻAkauni ʻi he Siasí ke hū ki hemySeminary.ChurchofJesusChrist.org.
- Ko hoʻo hū pē ki he uepisaití, te ke sio ai ki he toʻu tupu ʻoku nau taʻu 13–18 ʻoku lisi ʻi he tafaʻaki toʻohema ʻo e pēsí ʻi lalo ʻi he “Ko Hoku Fāmilí.” Kapau ko ha taki lakanga fakataulaʻeiki foki koe ʻi he siteikí pe uōtí (kau ai e kau supavaisa semineli ʻi ha ngaahi ʻēlia ʻe niʻihi), ʻe lisi atu ʻa e siteiki pe uooti ʻokú ke lolotonga ngāue ai ʻi hoʻo uiuiʻí ʻi lalo ʻi he “Ko Hoku Siteikí” pe “Ko Hoku Uōtí,” ʻo fakahangatonu hifo pē ʻi lalo ʻi he “Ko Hoku Fāmilí.”
Ngaahi Mātuʻa ʻOku ʻIkai Mēmipa ʻi he Siasí ʻOku Nau Fuofua Lēsisita ʻEnau Fānaú
- Maʻu ha ʻAkauni ʻi he Siasí ʻi he account.ChurchofJesusChrist.org.
- Fetuʻutaki ki hoʻo polokalama semineli fakalotofonuá ke fakakakato ʻa e lēsisita ki he seminelí. Teuteu ke ʻoange ho hingoa ngāué ki he ʻAkauni ʻi he Siasí. He ʻikai ke nau fiemau hoʻo lea fufuú.
- Ko e konga ʻo e lēsisitá, ʻe fiemaʻu ke ke loto fiemālie ki he ngaahi fiemaʻu ʻo e Aleapau Lēsisita ʻo e Seminelí. ʻE lava ke maʻu heni ha tatau ʻo e Aleapau ʻo e Lēsisita ki he Seminelí: [Registration Form]
- Hili hono lēsisita hoʻo fānaú, te ke lava ʻo muimuiʻi ʻene fakalakalaká ʻi he mySeminary.ChurchofJesusChrist.org.
Mātuʻa ʻo e Fānau Ako Kotoa Pē ʻe Foomu Tolu
Kapau ʻe taʻu 14 pea ʻi he foomu tolú (pe tatau mo ia) ʻa hoʻo fānaú lolotonga e taʻu fakaako ka hoko maí, kātaki ʻo hū ki he mySeminary.ChurchofJesusChrist.org ke:
- Fakahā hoʻo tali loto fiemālie ʻa e Aleapau ʻo e Lēsisita Seminelí.
- ʻE lava ke fakahā e tali loto fiemālie ʻa e Aleapau ʻo e Lēsisita ʻi he mySeminary.ChurchofJesusChrist.org, pe paaki, fakakakato, pea toe fakafoki ki he polokalama semineli fakalotofonuá. [Registration Form]
- ʻOmi ʻa e taʻu e fakaʻosi ako ai hoʻo tamá.
- Fili ʻa e feituʻu faiʻanga seminelí pe polokalama semineli ʻinitanetí ʻa ia ʻe kau ai ʻa hoʻo tamá.
- Liliu hoʻo fakamatala ki he fetuʻutakí.
- FAKAMATALA KI HE SEMINELI LOLOTONGA ʻA E TAIMI AKÓ:
ʻI he feituʻu ʻoku fakahoko ai ʻa e seminelí lolotonga ʻa e taimi akó, ʻoku ʻikai hoko ʻa e lēsisita ki he seminelí ke ʻotomētiki ai ha kau hoʻo tamá ki ha kalasi seminelí. ʻE fiemaʻu ke ke fakapapauʻi ʻoku ʻoatu ʻe he taimi-tēpile ako fakalotofonua hoʻo tamá ha taimi tukuange pea kuo lēsisita hoʻo tamá ki ai ʻi he taimi-tēpile ʻo e akó. Kātaki ʻo vakaiʻi foki hoʻo polokalama semineli fakalotofonuá ki ha ngaahi fili ki he houa pongipongí pe ʻinitanetí. - Fetuʻutaki ki hoʻo polokalama semineli fakalotofonuá kapau ʻoku ʻi ai haʻo ngaahi fehuʻi.
Mātuʻa ʻa e Fānau Ako kei Hoko Atu ʻi he Seminelí ʻOku Nofo ʻi he Ngaahi ʻĒlia ʻOku Semineli Lolotonga e Taimi Akó
Kapau ʻe kei hoko atu hoʻo fānaú ko ha tokotaha ako semineli ʻi he taʻu fakaako ka hoko maí, kātaki ʻo hū ki he myseminary.ChurchofJesusChrist.org ke:
- Fakapapauʻi ʻoku tonu ʻa e taʻu fakaʻosi ako ʻa hoʻo tokotaha akó mei he ako māʻolungá.
- Fili ʻa e feituʻu faiʻanga seminelí pe polokalama semineli ʻinitanetí ʻa ia ʻe kau ai ʻa hoʻo tamá.
- Fakatonutonu hoʻo fakamatala ki he fetuʻutakí.
- FAKAMATALA KI HE SEMINELI LOLOTONGA ʻA E TAIMI AKÓ:
ʻI he feituʻu ʻoku fakahoko ai ʻa e seminelí lolotonga ʻa e taimi akó, ʻoku ʻikai hoko ʻa e lēsisita ki he seminelí ke ʻotomētiki ai ha kau hoʻo tamá ki ha kalasi seminelí. ʻE fiemaʻu ke ke fakapapauʻi ʻoku ʻoatu ʻe he taimi-tēpile ako fakalotofonua hoʻo tamá ha taimi tukuange pea kuo lēsisita hoʻo tamá ki ai ʻi he taimi-tēpile ʻo e akó. Kātaki ʻo vakaiʻi foki hoʻo polokalama semineli fakalotofonuá ki ha ngaahi fili ki he houa pongipongí pe ʻinitanetí. - Fetuʻutaki ki hoʻo polokalama semineli fakalotofonuá kapau ʻoku ʻi ai haʻo ngaahi fehuʻi.
Mātuʻa ʻo e Fānau Ako kei Hoko Atu ʻi he Seminelí ʻOku Nofo ʻi he Ngaahi ʻĒlia ʻOku Polokalama Semineli Fakasiteikí (Houa Pongipongí, Ako ʻi ʻApí, mo e ʻInitanetí)
- Fakapapauʻi ʻoku tonu ʻa e taʻu fakaʻosi ako ʻa hoʻo tamá mei he ako māʻolungá.
- Fili ʻa e feituʻu faiʻanga seminelí pe polokalama semineli ʻinitanetí ʻa ia ʻe kau ai ʻa hoʻo tamá.
- Fakatonutonu hoʻo fakamatala ki he fetuʻutakí.