Mga Donasyon sa Miaging Tuig
Palisiya ug mga Baroganan
Usahay, dunay mga donasyon ug mga batch nga magkabaylo sa katapusan sa tuig sa pagbuhis sa kwarta [fiscal tax year]. Kinahanglang madumala kini og maayo sumala sa palisiya sa Simbahan, ingon man usab sa pamalaod sa pagbuhis.
Aron maapil og kwenta ang donasyon nianang tuiga, kinahanglang anaa kini sa sakop sa bishopric o, kon i-mail, mapetsahan kini og Disyembre 31 o wala pay Disyembre 31. Kay kon dili, ang donasyon ibutang sa batch sa Enero 1 o human sa Enero 1 ug kwentahon nga donasyon sa bag-o nga tuig.
LAKANG 1
Usahay, ang mga donor mohimo og mga donasyon sa hinapos sa Disyembre sa tuyo aron malakip sa mga donasyon nianang tuiga. Aron maapil og kwenta ang donasyon nianang tuiga, kinahanglang maanaa kini sa sakop sa bishopric o gipetsahan kini og Disyembre 31.
LAKANG 2
Alang sa mga donasyon nga tukmang nadawat o gipetsahan og Disyembre 31 o wala pay Disyembre 31 nga alang unta sa miaging tuig, buhata ang mosunod:
1. Kontaka ang Global Service Center (GSC) gamit ang mosunod nga impormasyon aron mahimo ang pag-adjust:
- Numero sa yunit
- Petsa sa batch
- Husto nga petsa sa donasyon
- Ngalan sa donor
- Kantidad sa donasyon
- Mga kategoriya sa donasyon
2. I-file ang mga dokumento sa batch sa donasyon uban sa mga rekord sa pinansyal sa miaging tuig.
Mga Pamaagi
Ang mga donasyon nga tukmang nadawat (pisikal o gipetsahan sa o wala pay Disyembre 31 sa usa ka partikular nga tuig) kinahanglang idugang ngadto sa bag-ong batch sa donasyon nga gipetsahan alang nianang tuiga. Sa pagbuhat niini inigka-Enero sa sunod tuig:
- Seguroa nga imong gisirado ang pinansiyal sa miaging tuig. Ayaw ilangan ang pagsirado sa pinansiyal nianang tuiga o sulayan sa pag-adjust ang petsa sa sistema ngadto sa miaging tuig.
- Paghimo og bag-ong batch sa donasyon ilabi na sa tanang donasyon sa miaging tuig.
- Butangi og petsa ang bag-ong batch sa donasyon og Disyembre 31 sa miaging tuig.
- Ibutang ang mga donasyon sama sa naandan.
- I-file ang mga dokumento sa batch sa donasyon uban sa mga rekord sa pinansyal sa miaging tuig.
- Seguroa nga imong gitipigan ang bisan unsang nagsuporta nga ebidensya, sama sa mga sobre nga dunay petsa sa miaging tuig, ug i-file kini uban sa dokumento sa batch.
Mga Donasyon nga Sayop ang Tuig
Kon naghimo ka og donasyon sa batch sa Enero 1 o human sa Enero 1 nga alang unta sa miaging tuig, buhata ang mosunod:
- Kontaka ang Global Service Center (GSC) uban sa mosunod nga impormasyon aron mahimo ang pag-adjust:
- Numero sa yunit
- Petsa sa batch
- Husto nga petsa sa donasyon
- Ngalan sa donor
- Kantidad sa donasyon
- Mga kategoriya sa donasyon
Pahinumdom: Kon dunay tibuok nga batch nga nabutang sa Enero 1 o human sa Enero 1 nga alang unta sa miaging tuig, buhata ang mosunod:
- Isumiter pag-usab ang batch pinaagi sa LCR nga dunay husto nga petsa sa donasyon.
- Kontaka ang Global Service Center (GSC) uban sa mosunod nga impormasyon.
- Numero sa yunit
- Petsa sa orihinal nga batch
- Petsa sa gikorehian nga batch
- Kantidad sa batch
- I-file ang mga dokumento sa batch uban sa mga rekord sa pinansyal sa miaging tuig.