Tuʻutuʻuní mo e Tefitoʻi Moʻoní
Naʻe fokotuʻu ʻa e ʻinasi patisetí ke ne fakasiʻisiʻi ʻa e kavenga fakapaʻangá mo e taimi ʻoku fakamoleki ʻe he kāingalotú. Kapau ʻoku fie maʻu, ʻoku totonu ke holoki mo fakamaʻamaʻa ʻe he kau takí ʻa e ngaahi ʻekitivitií ke feʻunga pē mo e lahi ʻo e patisetí. Ko e lahi taha ʻo e ngaahi ʻekitivitií ʻoku totonu ke maʻamaʻa pē mo siʻisiʻi pe ʻikai ha fakamole ki ai. Ko e ngaahi fakamolé, kuo pau ke toki fakangofua ia ʻe he palesiteni fakasiteikí pe kau pīsopelikí kae toki fakahoko.ʻOku totonu ke ngāue ʻaki e patiseti fakasiteikí mo fakauōtí ki hono totongi kotoa e ngaahi ʻekitivitií, polokalamá, tohi lēsoní, mo e naunaú. ʻOku ʻikai totonu ke totongi ʻe he kāingalotú ha paʻanga ka nau toki kau. Pe te nau ʻomi ha koloa, naunau, pe totongi hū ki ha polokalama, pe fai ha fakamole ki ha fononga mamaʻo ʻiate kinautolu pē. ʻE lava pē ke fai ha ngaahi ʻekitivitī ʻa ia ʻoku feimeʻatokoni ai ha kāingalotu tokolahi kapau he ʻikai hoko ia ko ha fakakavenga ki he kāingalotú. (Tohi Tuʻutuʻuni 1, 14.7.2)
Founga Ngāue ʻi he Member Tools
Totongi Fakafoki
ʻE lava ke fakahū ʻa e ngaahi kole totongí ʻi he Member Tools ʻo tatau ai pē pe ʻoku fehokotaki ki he ʻinitanetí pe ʻikai. ʻI he taimi ʻoku fakahū ai taʻe ʻi ai ha fehokotakiʻangá, ʻe tauhi ʻa e fakamatalá ʻi he meʻangāue fakaʻilekitulōniká pea fakahū ʻi he taimi pē ʻoku maʻu ai ha fehokotakiʻanga. ʻE lava ke fili ʻe he kau takí ke hoko atu e kole totongí ʻaki hano fakaʻaongaʻi e fehokotakiʻanga ʻinitaneti ʻi heʻenau meʻangāue toʻotoʻó. Kapau ʻe fili ʻe he takí ke fakaʻaongaʻi ha fehokotakiʻanga ʻinitaneti he meʻangāue toʻotoʻó, ʻe lava ke ʻi ai ha ngaahi totongi ki ai.ʻE lava ʻe he kau taki ʻo e ngaahi houalotú ʻo fakahū mai ha ngaahi talitotongi ki ha fakamole ʻoku kaunga ki he siasí ʻaki ʻenau muimui ki he ngaahi sitepu ko ʻení:
- ʻI ha meʻangāue toʻotoʻo, fakaava ʻa e Member Tools.
- Hū ki loto ʻo fakaʻaongaʻi hoʻo ʻAkauni ʻi he Siasí.
- ʻAlu ki he menu Finance [Meʻa Fakapaʻanga].
- Lomiʻi ʻi he Payment Requests [Ngaahi Kole Totongi] mei he menu.
- Lomiʻi ʻi he Add Button (+) ke kamata ha kole foʻou.
- Lomiʻi ʻi he ‘Add Myself’ pe fili ʻa e Payee [Tokotaha ke Totongi Ki Aí] mei he lisí pea fakapapauʻi hoʻo filí.
- Fakahū ha Purpose [Taumuʻa] ki he fakamolé.
- Ke tānaki ha talitotongi:
- Lomiʻi ʻi he Add Button (+).
- Fili ha taha mei he konga Kulupu ʻi he lisi ʻoku ʻasí.
- Fakahū ʻa e Amount [Lahi ʻo e Fakamole] mei he tali totongí.
- Lomiʻi ʻi he Add Receipt [Tānaki e Talitotongí].
- Upload ha ʻata ʻo e talitotongí pe faitaaʻi e laʻi talitotongí ʻo fakaʻaongaʻi ʻa e meʻafaitā hoʻo meʻangāue fakaʻilekitulōniká.
- Vakaiʻi e fakatātaá.
- Lomiʻi ʻi he OK pe Retry.
- Vakaiʻi ʻa e fakamatala fekauʻaki mo e totongí. Tānaki atu ha fakamatala lahi ange ki he totongí pe talitotongí ʻi hano fie maʻu. Lomiʻi ʻi he Save.
- Lomiʻi ʻi he Submit.
Ngaahi Founga Ngāue ʻa e LCR
Totongi Fakafoki
ʻE lava ʻe he kau taki ʻo e ngaahi houalotú ʻo fakahū mai ha ngaahi talitotongi ki ha fakamole ʻoku kaunga ki he siasí ʻaki ʻenau muimui ki he ngaahi sitepu ko ʻení:
- ʻAlu ki he www.ChurchofJesusChrist.org, pea lomiʻi ʻi he fehokotakiʻanga My Account and Ward [Ko ʻEku ʻAkauní mo e Uōtí] .
- Hū leva ki loto ki he polokalamá ʻaki ʻa hoʻo ʻakauni ki he Siasí.
- Fili ʻa e Maʻuʻanga Tokoni ki he Takí mo e Kalaké ʻi he menu ke fili mei aí.
- Lomiʻi ʻi he Finance [Meʻa Fakapaʻangá].
- Lomiʻi ʻi he Budget [Patisetí].
- Lomiʻi ʻi he Payment Request [Kole ki ha Totongi].
- Lomiʻi ʻi he Payee [Tokotaha Totongi Ki Aí], pea fili ʻa e tokotaha totonú mei he lisí.
- Taipeʻi ʻa e Purpose [Taumuʻa] ʻo e fakamolé.
- Fai ha fili mei he lisi Category [Kulupu] ʻoku ʻasí.
- Taipeʻi ʻa e Amount [Lahi ʻo e Paʻangá] mei he tali totongí.
- Upload ha ʻata ʻo e tali totongí ki he konga Upload Receipts [Upload e Ngaahi Tali Totongí]. Kapau ʻokú ke fakaʻaongaʻi ha meʻangāue toʻotoʻo, te ke lava ʻo fakaʻaongaʻi hoʻo telefoní ke faitaaʻi ʻaki ʻa e laʻi talitotongí.
- Lomiʻi ʻi he Save.
Payment Request Tutorial