Tuʻutuʻuní mo e Ngaahi Tefitoʻi Moʻoní
ʻOku fakahoko ʻa e fakahaaʻi ʻo e vahehongofulú ʻe he pīsopé ʻo kamata ʻi he pe hili ʻa e ʻaho 1 ʻo Sepitemá pea fakaʻosi ki he ʻaho 15 ʻo Tīsema ʻo e taʻu takitaha. ʻOku fakapapauʻi ʻa e tuʻunga totongi vahehongofulu ʻo ha mēmipa ʻe he mēmipá pe ko e pīsopé ʻi he fakahaaʻi ʻo e vahehongofulú.
ʻOku poupouʻi ʻa e kāingalotú ke nau kau atu ki hono fakahaaʻi ʻo e vahehongofulú ke nau fakahā tonu ki he pīsopé. ʻOku ʻikai fiemaʻu ke totongi kotoa ʻe he tokotaha foakí ʻa e ngaahi foaki kotoa pē ki he taʻú kimuʻa pea toki fakahaaʻi. Ko e ngaahi foaki naʻe fakahoko hili hono fakahā ʻo e vahehongofulú kae kimuʻa pe ʻi he ʻaho 31 ʻo Tīsemá, kau ai ʻa e kāingalotu kuo nau hiki mai ki he uōtí hili ʻa e ʻaho 15 ʻo Tīsemá, ʻe fakakau ia ʻi he fakahā vahehongofulu fakataʻú pea mo e Fakamatala Tukuhau Fakaʻofisiale ki he taʻu ko iá.
ʻOku fai ʻe he pīsopé ʻa e tali maʻá e kau mēmipa kotoa pē ʻoku ʻikai fakahā honau tuʻunga vahehongofulú.
Ngaahi Fakaʻuhinga ki he Tuʻunga Totongi Vahehongofulú
- Tokotaha Totongi Vahehongofulu Kakató: Ko e kau foaki kotoa pē ko ʻenau vahehongofulú ko e “‘vahehongofulu ʻe taha ʻo e tupu kotoa pē ʻi he taʻu taki taha,’ ʻa ia ʻoku ʻuhinga ia ki he paʻanga hū maí” (First Presidency Letter, Mar. 19, 1970; vakai foki ki he Tokāteline mo e Ngaahi Fuakava 119:4).
- Ko e angamahení ʻoku tatau ʻa e tuʻunga totongi vahehongofulu ʻa e husepāniti mo ha uaifi ʻokú na foaki fakataha. ʻE lava pē ke kehekehe kapau ʻokú na foaki kehekehe.
- ʻOku totongi vahehongofulu kakato e kau papi ului ko ia ne papitaiso lolotonga ʻa e taʻú ʻa ia ne nau totongi vahehongofulu kakato talu mei honau papitaisó.
- Ko e kau faifekau taimi kakato ʻoku ui ke ngāue mei hoʻo uōtí, ʻoku nau kau ʻi he totongi vahehongofulu kakató. (Ka neongo ia, ʻoku totonu ke totongi vahehongofulu ʻa e kau faifekau taimi kakató mei heʻenau paʻanga hū mai fakataautaha makehe mei he paʻanga ʻoku nau maʻú.)
- ʻOku totongi vahehongofulu kakato ʻa e kāingalotu naʻe ʻikai haʻanau paʻanga hū mai lolotonga ʻa e taʻú. (ʻOku ʻikai lau ʻa e tokoni fakauelofea ʻa e Siasí ko ha paʻanga hū mai.)
- Mahalo ʻoku ʻi ai ha kāingalotu ʻe niʻihi ne nau totongi vahehongofulu fakahangatonu pē ki he ʻuluʻi ʻōfisi ʻo e Siasí pe ʻi ha uooti kimuʻa. ʻOku totonu ke fakahā ʻe he niʻihi ko ʻení ʻenau tuʻunga totongi vahehongofulú ʻi he uooti ʻi he feituʻu ʻoku nau nofo ai ʻi he taimi fakahaaʻi ʻo e vahehongofulú.
- Tokotaha Totongi Vahehongofulu ʻIkai Kakató: Ko kinautolu kotoa pē ne nau totongi vahehongofulu, ka ʻoku siʻisiʻi hifo ia ʻi he vahehongofulu kakató.
- Tokotaha ʻIkai Totongi Vahehongofulu: Kāingalotu ‘o e uōtí kuo teʻeki ai ke nau foaki vahehongofulu ʻi he lolotonga ʻo e taʻú.
Founga Ngāue ki he Ngaahi Tali ki he Tuʻunga Totongi Vahehongofulú
Founga Ngāue ʻi he Member Tools
Ke lekooti ha tali ki he vahehongofulú.
1. Mei he Peesi ʻUluakí, lomiʻi ʻi he puha Tali ki he Tuʻunga Totongi Vahehongofulú. Pe, mei he Menu, lomiʻi ʻi he Meʻa Fakapaʻangá pea lomiʻi leva ʻi he Tali ki he Tuʻunga Totongi Vahehongofulú.
2. ʻI he tab ʻIkai ha Talí, ki he mēmipa takitaha, lomiʻi ʻi he Kakato, Konga, pe ʻIkai, pea lomiʻi leva e tuʻunga Tali ʻe ʻE he Pīsopé pe ʻE he Mēmipá.
ʻOku angamaheni ʻaki pē hono fakahokohoko ʻa e lisi ʻo e mēmipá ʻo fakatatau ki he ngaahi fāmilí. ʻOku ʻi ai ha ngaahi founga ke fakaʻasi ai e lisi ʻo e mēmipá ʻi he fakahokohoko fakaʻalafapetí. Ke vakai ki ha fakamatala lahi ange fekauʻaki mo e mēmipá, lomiʻi ʻi he hingoa ʻo e mēmipá.
- Maʻá e mēmipa kotoa pē ne ʻikai lava atu ke fai ha tali ki he tuʻunga ʻo e totongi vahehongofulú, lomiʻi ʻi he Kakato, Konga, pe ʻIkaipea lomiʻi leva ʻa e Tali ʻe he Pīsopé.
- ʻI he kakato ʻa e tuʻunga talí mo e “tali ʻe,” ʻe hiki leva e hingoa ʻo e mēmipá ki he konga Kuo Talí.
- Hili e ʻaho 1 ʻo Sānualí, ʻi he kakato kotoa ʻa e ngaahi talí, ʻe ʻasi mai leva ha pōpoaki “Kakato ʻa e Ngaahi Talí.” Hili hono fakakakato ʻo e ngaahi talí, ʻoku ʻotomētiki pē hono seivi ha ngaahi liliu ʻi he kahaʻú.
ʻOku lava ke mamata ʻa e palesiteni fakasiteikí ki he tuʻunga ʻoku ʻi ai e tali ki he tuʻunga ʻo e totongi vahehongofulú ʻi he uooti takitaha.
Founga Ngāue ʻa e LCR
Ke lekooti e tali ki he vahehongofulú:
- ʻAlu ki he Maʻuʻanga Tokoni ki he Takí mo e Kalaké, lomiʻi ʻi he Meʻa Fakapaʻangá pea lomiʻi leva ʻi he Fakahaaʻi ʻo e Vahehongofulú.
ʻI he meʻalomi “Fakahaaʻi ʻo e Vahehongofulú”, lomiʻi ʻa e Kakató, Kongá, pe ʻIkaí, pea lomiʻi leva ʻi he Fakahaaʻi ʻe he Pīsopé pe Fakahaaʻi ʻe he Mēmipá.
- ʻOku angamaheni ʻaki pē hono fakahokohoko ʻa e lisi ʻo e mēmipá ʻo fakatatau ki he ngaahi fāmilí. ʻOku ʻatā pē ke fakaʻasi ʻa e lisi ʻo e mēmipá ʻi he fakahokohoko fakaʻalafapetí pea fakaʻasi mo e lahi ʻo e foakí. ʻI hono lomiʻi ha hingoa ʻo ha mēmipa ʻe ʻasi mai ai ʻene FLM pea (kapau ko e tangata) ko ha tokotaha maʻu Lakanga Taulaʻeiki Faka-Melekisēteki ia pe ʻikai. ʻI hono lomiʻi ʻa e Fakamatala ʻo e Tokotahá te ke ʻalu leva ai ki he lekooti ʻo e mēmipa ko iá, ʻa ia ʻe ʻasi mai ai ʻa e fakamatala fakaikiiki ʻo ʻene ngaahi foakí.
- Maʻá e mēmipa kotoa pē ne ʻikai lava atu ki he fakahaaʻi ʻo e vahehongofulú, lomiʻi ʻi he Kakato, Konga, pe ʻIkaí, pea lomiʻi leva ʻa e Tali ʻe he Pīsopé.
- ʻI he kakato ʻa e tuʻunga fakahāʻí mo e “tokotaha naʻá ne fakahāʻí,” ʻe ʻasi ha foʻi fakaʻilonga tonu ʻi he ʻotu Kuo Lavá.
- ʻI he kakato ʻa e tuʻunga ki hono fakahāʻí pea mo e konga “fakahaaʻi ʻe he,” ʻe ʻasi leva ha kiʻi fakaʻilonga tonu ʻi he kōlomu Kuo Lavá. Hili ʻa e ʻaho 1 ʻo Sānualí, ʻi he kakato kotoa ʻa e ngaahi talí, ʻe ʻasi leva ha pōpoaki “Kakato ʻa e Ngaahi Talí” pea ʻe ʻatā leva ʻa e fakamatalá ki he palesiteni fakasiteikí. Hili hono fakakakato ʻo e ngaahi talí, ʻoku ʻotomētiki pē hono seivi ha ngaahi liliu ʻi he kahaʻú.
- ʻE ʻi ai ha fakamanatu ʻi he Dashboard kapau ʻoku ʻikai kakato ʻa e ngaahi fakahaaʻi totongi vahehongofulú ke tokoni ki he kau takí ke aofangatuku ʻa e tuʻunga fakahaaʻi totongi vahehongofulu ʻa e uootí. Ke paaki ha tatau maʻá e pīsopé ke fakaʻaongaʻi lolotonga ʻa e tali ki he tuʻunga ʻo e totongi vahehongofulú, lomiʻi ʻi he Paaki.