Mga Donasyon kapag Mayroong System Outage
Patakaran at mga Alituntunin
“Ang mga kontribusyon ay dapat kumpirmahin at itala sa araw ng Linggo na natanggap ang mga ito. Isang miyembro ng bishopric at isang clerk, o dalawang miyembro ng bishopric ang magkasamang nagbubukas ng bawat sobre. Tinitiyak nila na ang pondong nasa loob ng sobre ay kapareho ng halagang nakasulat sa Tithing and Other Offerings form.” (Pangkalahatang Hanbuk: Paglilingkod sa Ang Simbahan ni Jesucristo ng mga Banal sa mga Huling Araw, 34.5.3, Gospel Library).
“Ang mga miyembro na responsable sa pondo ng Simbahan ay hindi dapat iwan ito sa meetinghouse nang magdamag o iwanan ito nang walang nakabantay anumang oras” (Pangkalahatang Hanbuk, 34.5.5).
HAKBANG 1
Kung hindi available ang LCR, itala ang ikapu at iba pang mga handog tulad ng sumusunod:
1. Buksan at tiyakin na ang halaga sa Tithing and Other Offerings form (donation slip) at ang halaga ng pera sa sobre ay magkapareho.
2. Pagsama-samahin ang lahat ng donation slip sa isang tabi at pagsama-samahin ang lahat ng pera sa isa pang tabi.
HAKBANG 2
Gumamit ng adding machine sa pagbalanse ng mga halaga na nasa donation slip. Dapat ay may kabuuang total ka sa lahat ng donation slip at total para sa bawat kategorya (Ikapu, Fast Offering, General Missionary, Ward Missionary, General Offerings, at para sa bawat na halagang tinutukoy sa Lokal). Pagsama-samahin ang total sa bawat kategorya. Ang kabuuang total at ang pinagsama-samang total sa lahat ng mga kategorya ay dapat na magkapareho.
HAKBANG 3
Bilangin ang pera at kumpletuhin ang deposit slip. Ang kabuuang halaga ng pera ay dapat katumbas ng kabuuan ng mga donation slip.
HAKBANG 4
I-file ang adding machine tape, isang kopya ng deposit slip, at ang mga donation slip sa isang lingguhang file. Ideposito ang pera sa bangko sa mismong araw na inihanda mo ang deposit slip.
HAKBANG 5
Kapag available na ulit ang LCR, ipasok sa LCR ang halaga sa mga donation slip bilang hiwalay na batch para sa bawat nawawalang linggo.
HAKBANG 6
I-file ang kopya ng ward sa Deposit Report at ang Tithing and Offerings Batch Report sa iisang file kasama ang adding machine tape na ginamit sa pag-monitor ng deposito noong hindi gumagana ang computer.
Mga Pamamaraan ng LCR
Kung hindi magagamit ang LCR dahil sa Internet o iba pang mga isyu, gawin ang sumusunod:
- Kontakin ang Global Services Department (GSD).
- Hanggang sa muling magamit ang LCR, manu-manong itala ang ikapu at iba pang mga handog. Gawin ang sumusunod:
- Kasama ang isang miyembro ng bishopric o stake presidency, buksan ang bawat sobre ng donasyon at tiyakin na sa Tithing and Other Offerings form, ang pinagsama-samang halaga sa bawat kategorya ay katumbas ng kabuuang halagang nakasulat sa form at na ang halaga ng aktwal na hawak na pera ay pareho sa kabuuang halagang nakalagay sa form.
- Pagsama-samahin ang lahat ng pera sa isang tabi at pagsama-samahin ang lahat ng Tithing and Other Offerings form sa isa pang tabi.
- Irekord ang balanse ng mga halaga sa mga form para sa bawat kategorya, at tiyaking maayos ang pagkaka-total ng mga ito.
- Bilangin ang mga pondo. Siguraduhing ang kabuuang halaga ng aktuwal na pondo ay kapareho ng kabuuan ng mga pondong nakasulat sa lahat ng mga form. Kumpletuhin ang deposit slip.
- Ideposito ang pera sa bangko sa mismong araw na inihanda mo ang deposit slip. Gumamit ng night depository kapag nagdedeposito sa araw ng Linggo.
- Maingat na i-file nang sama-sama ang manual accounting, isang kopya ng deposit slip, at ang mga Tithing and Other Offerings form.
- Kapag gumagana nang muli ang LCR, gawin ang sumusunod:
- Para sa nawawalang mga batch, ipasok sa LCR ang mga Tithing and Other Offerings form para sa bawat linggo bilang magkakahiwalay na batch. Dapat magkaroon ng hiwalay na mga batch para sa bawat depositong ginawa noong hindi gumagana ang LCR.
- Ilagay ang kopya ng ward ng Deposit Report at ang Tithing and Offerings Batch Report sa iisang file kasama ang manual accounting na ginamit sa pag-monitor ng deposito noong hindi pa gumagana ang LCR.