Rreth Programit Mjetet e Anëtarit

Varianti 5.6 i programit Mjetet e Anëtarit është planifikuar të nxirret rreth gushtit 2026, duke sjellë përmirësime të dobishme dhe veçori krejtësisht të reja, të krijuara për ta bërë më të lehtë shërbimin, udhëheqjen dhe ruajtjen e lidhjeve.

• Administrim dhe gjurmim i standardizuar për Grupet e Kishës: Udhëheqësit e kunjeve (distrikteve) dhe lagjeve (degëve) mund t’i organizojnë dhe administrojnë më lehtë Grupet me miratimin e presidencës së zonës. Shihni te pjesa 37.7 te Manuali i Përgjithshëm për më shumë informacion rreth Grupeve.

• Miratimi i fotografive të anëtarëve: Peshkopatat dhe nëpunësit e lagjeve mund t’i shqyrtojnë dhe miratojnë fotografitë e anëtarëve direkt te programi, duke ndihmuar për ta mbajtur direktorinë të përditësuar dhe të saktë.

• Thirrjet e përshtatura: Peshkopatat dhe nëpunësit e lagjeve mund të krijojnë thirrje të përshtatura kur të jetë nevoja, duke e bërë më të lehtë pasqyrimin e nevojave dhe detyrave në rang vendi.

• Portali i Punonjësve të Tempullit: Punonjësit e tempullit mund ta hapin shpejt Portalin e Punonjësve të Tempullit direkt nga një kuadrat te programi.
• Lidhja me udhëheqësit vendorë kur një mik u prezantohet misionarëve: Kur anëtarët dorëzojnë një formular digjital për t’u prezantuar misionarëve një mik, ata gjithashtu mund të kërkojnë të vihen në kontakt me një udhëheqës vendor të Kishës në zonën ku jeton miku.

Këtu është një përshkrim i shpejtë i veçorive që janë aktualisht në dispozicion në programin Mjetet e Anëtarit.

• Faqja Kryesore: Zgjidhni përvojën që parapëlqeni − Kuadrate ose Menu te Paneli Kryesor. Ndryshoni madhësinë, renditjen dhe ngjyrat e kuadrateve (si dhe shtojini ose hiqini ato) për ta bërë programin Mjetet e Anëtarit të përshtatur enkas për ju.
• Kërkoni: Gjejeni atë që ju nevojitet, për pak sekonda. Kërkoni sipas emrit, thirrjes së anëtarit ose emrit të kuadratit, shpejt dhe lehtë.
• Menuja: Shkoni shpejt aty ku jeni nisur. Përdoreni menunë për qasje të drejtpërdrejtë në vend që të rrëshqitni nëpër kuadrate.
• Profili: Mbajeni informacionin tuaj të përditësuar. Përditësojini hollësitë e kontaktit, rregullojini veçoritë e dukshmërisë, ngarkoni fotografi të vatrës familjare dhe shihini hollësitë e anëtarësisë dhe vatrës familjare, të gjitha në një vend.
• Veçoritë: Përshtateni programin sipas parapëlqimeve tuaja. Kaloni nga motivet e çelëta tek ato të errëta, vendosni mundësitë për shkarkimin e fotografive dhe ndihmojini udhëheqësit e mëparshëm të misioneve të mbajnë lidhjet me ju.
• Ndihmë: Qëndroni në dijeni. Shihni se çfarë pritet të vijë, çfarë ka të re, gjeni përgjigje për PBR‑të dhe jepni përshtypjet për të ndihmuar ta përmirësoni programin.
• Sinkronizoni: Mbajini gjërat të përditësuara. Aktivizojeni sinkronizimin automatik ose sinkronizojeni manualisht sa herë të dëshironi.
• Veprimet dhe Mesazhet: Qëndroni të informuar. Shihni zërat për veprim që kërkojnë vëmendje dhe lexoni mesazhet nga zyrat qendrore të Kishës dhe zyrat zonale.
• Direktoria: Lidhuni shpejt me anëtarët. Hyni në informacionin e kontaktit dhe te fotografitë e anëtarëve në lagjen ose degën tuaj dhe në kunjin ose distriktin tuaj, përfshirë ata të cilëve u jepni shërbesë.
• Administrojini Dokumentet: Thjeshtojeni punën administrative. Peshkopët, presidentët e degëve dhe nëpunësit mund t’i krijojnë dhe transferojnë dokumentet dhe t’i regjistrojnë ordinancat me lehtësi.
• Organizatat: Shihni me një vështrim të shpejtë organizatat e lagjes ose degës dhe kunjit ose distriktit. Shihni thirrjet dhe anëtarët sipas organizatës dhe udhëheqësit mund t’i regjistrojnë dhe përditësojnë shpejt thirrjet.
• Kalendari: Planifikoni dhe shpërndani ngjarjet. Shihni kalendarët e lagjes ose degës dhe kunjit ose distriktit, administroni dukshmërinë dhe bëjini publike veprimtaritë në mënyrë që miqtë e Kishës të mund t’i shohin dhe të konfirmojnë pjesëmarrjen.
• Listat e Anëtarëve: Punoni së bashku më lehtë. Krijoni lista të përshtatura të anëtarëve në lagjen dhe kunjin tuaj për komunikim më të lehtë.
• Shtëpitë e mbledhjeve: Gjejini shpejt informacionet për shtëpitë e mbledhjeve. Gjeni vendndodhjet, adresat, oraret e mbledhjeve të sakramentit dhe mundësinë për t’i dërguar një mesazh peshkopit ose presidentit të degës.
• Dhënia e Shërbesës: Jepni shërbesë me siguri te vetja. Shihini caktimet e dysheve dhe burimet, dhe udhëheqësit mund t’i regjistrojini intervistat shpejt.
• Financa: Thjeshtojini detyrat e financave. Dorëzoni kërkesa për pagesë, dhuroni nëpërmjet internetit, shqyrtojini dhe miratojini shpenzimet, si dhe peshkopët dhe presidentët e degëve mund t’i regjistrojnë deklarimet e së dhjetës, të gjitha në një vend.
• Misionari/ja: Qëndroni të lidhur. Hyni në informacionin e kontaktit të misionarëve që po shërbejnë në lagjen tuaj ose prej saj dhe prezantojini ata me miq.
• Tempulli dhe Historia Familjare: Adhuroni në shtëpinë e Zotit. Shihni rekomandimin tuaj të tempullit dhe tempujt që janë pranë, kontrolloni oraret e ordinancave, dorëzoni emra për listën e lutjeve, gjeni emra të familjes duke përdorur veçorinë Ordinancat Gati dhe vini kujtues për mbarimin e vlefshmërisë së rekomandimit të tempullit. Edhe udhëheqësit mund të lëshojnë dhe aktivizojnë rekomandime.
• Raportet: Udhëhiqni me mprehtësi. Udhëheqësit e lagjeve dhe kunjeve mund t’i shohin dhe përditësojnë raportet e anëtarësisë, përfshirë konfirmimin e trajnimeve të kërkuara për udhëheqësit dhe mësuesit e fëmijëve ose rinisë. Mësuesit gjithashtu mund të gjurmojnë frekuentimin nëpër klasa dhe të shohin përmbledhjen e pjesëmarrjes.

Që nga paraqitja e tij në vitin 2010, programi Mjetet e Anëtarit është zhvilluar nga një direktori digjitale e anëtarëve të lagjes ose degës dhe kunjit ose distriktit, në një mjet të fuqishëm me mundësi shtesë për t’i përkrahur si anëtarët edhe udhëheqësit në mbarë Kishën.

Ndërsa vazhdojmë të shtojmë veçori të dobishme, programi përfundimisht do të riemërtohet Mjetet e Anëtarit dhe Udhëheqësit. Veçoritë e reja që po shtohen, janë rezultat i punës së gjerë kërkimore që po kryen Kisha me anëtarët kudo në botë.

Teksa bëjmë përparime gjatë viteve të ardhshme, do të vazhdojmë ta përditësojmë këtë artikull që të mund të mësoni rreth veçorive të ardhshme përpara se të nxirren dhe të përgatiteni për to.

Programi Mjetet e Anëtarit i ndihmon anëtarët dhe udhëheqësit të japin shërbesë dhe të udhëheqin sipas mënyrës së Shpëtimtarit. Lidhuni me anëtarët e lagjes dhe të kunjit, shihini kalendarët e ngjarjeve, përcaktoni vendndodhjen e shtëpive të mbledhjeve dhe tempujve të Kishës, kini qasje te mjetet dhe raportet e posaçme për thirrjen tuaj dhe të tjera.