Kwoj Ruwainene n̄an Rūm̧m̧an Ded ro ilo Kajjojo Wiik
Karuwainene kom̧ n̄an Ruwainene n̄an Rūm̧m̧an Ded ro ilo Kajjojo Wiik—juon diwojtok eo kajjojo wiik ijin ilo Gospel Library app jeki n̄an rum̧m̧an ded ro jān rūm̧m̧an ded ro, barāinwōt ritōl ro an Kabun̄ in im ro retijem̧ļo̧k ilo kajjojo katak ekkar n̄an kōj rainin.
Kōttōbar eo Ad
Kōttōbar eo am ej n̄an jipan̄ kom̧ loi uwaak ko n̄an apan̄ ko ami im n̄an jipan̄ kōkajoorļo̧k kom̧ n̄an jelm̧ai. Jenaaj kōm̧m̧ani menin ilo ad deblo̧ke gospel eo an Jisōs Kraist ippān doon im etale ewi wāween an rūm̧m̧an ded ro ilo aolepān laļ in kajjieon̄ mour kake.
Kōn Kōm̧
Men eo kein kajuon jinoin tata: aolep jākjen in ekar im̧we jān kwe. Jej jelm̧ae kōn jokālet ko, apan̄ ko rekāāl, im juon tarlep in elōn̄ oktak ko ilo iien in ilo mour ko ad. Im jekōņaan tōl kom̧ ilo aolepān menin. Jekōnaan barāinwōt bwe kom̧ en jeļā bwe kōm ej loe kom̧ kōn lukkun wōn kom̧ ejjab kōn ped eo am, unin an jekjen in jab nae aetan Dūm̧m̧an Ded ro Ejeļo̧k Pāleer Kajjojo Wiik. Unin eo an ekar kōm̧m̧an n̄an aolep rūm̧m̧an ded ro, ro ejjeļo̧k pāleer ak rim̧are ro ak ro rekar m̧are im kiiō ejjeļo̧k bar pāleer, kōnke wāween eo kom̧ij jelet Kabun̄ in—im laļ in—emaron̄ ejjeļo̧k maron̄ jon̄e, mekarta jekjek eo kom̧ij pād ie kiiō ilo ro em̧m̧an dettāer.
Kōmij barāinwōt ļōmņak bwe unin kōnono ko jej jelm̧ai renaaj kōn itok limo eo n̄an aolep rūm̧m̧an ded ro, men̄e ro rej rūttoļo̧k jān 30 iiō dettāer. Kōm jeļā itok limo eo ami ilo unin kōnono kein im apan̄ kein jenaaj kōnono kaki āinwōt reban oktak baj kōnke kwoj iten kōm̧m̧an bar raan in kaļo̧k eo am̧. Jekjek ko jej jelmai rainin rejejjet n̄an kōj aolep im bwe an kilep n̄an adwōj aolep jerbal ippān doon jekdoon ewi jon̄an am̧ rūtto.
Jej kile bwe kom̧ wōj rej itok jān elōn̄ jekjek ko an mour roktak, jeļāļo̧kjeņ, jon̄an kōjeraam̧m̧an ko, m̧anit ko, im jekjek in mour ko. Kōn menin, jenaaj kobaik elōn̄ kain unin kōnono ko, im elōn̄ wōt iaan bwebwenato ko ad renaaj waļo̧k ilo elōn̄ļo̧k jān 20 kajin ko ilo Gospel Library eo—kōm kōņaan topar kom̧ aolep im maron̄ ekkar n̄an kom̧ aolep. Rūm̧m̧an ded ro jān aolepān laļ in rej bōktok tōmak eo aer im tōļan ko n̄an Kabun̄ in. Ilo elōn̄ jekjek ko, jejjab baj wōt ritōl ro an ilju im jekļaj, jej tōl Kabun̄ in rainin, ekoba jikin ko ko me Kabun̄ ekar ejaak ie ium̧win juon tōre eaitok. Im kajoor eo ad enaaj ererakļo̧k eļapļo̧k jān rainin wōt, kōnke jej barāinwōt ro jinen im jemān epepen ko tok juon.
Jemaron̄ Etal Wōt
Ekanooj booļ men ko jemaron̄ ba kōn aorōk eo im jibadbad eo an rūm̧m̧an ded ro, ak eļan̄n̄e jej etal wōt, enaaj āinwōt jej kōnkōm̧an (kōnke epepen in ad relukkuun jeļā). Ebwe n̄an ba, Anij ej aikuji kōj, jej aikuji Anij im Kabun̄ eo An, im jej barāinwōt aikuji doon. Ippān doon, “[jenaaj] kōm̧m̧an menin bwebwenato,” ilo an kar Būreejtōn Russell M. Nelson ba kōn rūm̧m̧an ded ro. “Enaaj kōmaron̄ eok n̄an tōpar kōttōbar ko reppen. …
“… A ‘kom̧ epepen em̧ōj kāālōte’ (1 Peter 2:9), kar kapit er jān Anij n̄an kōm̧m̧ane juon jerbal ekabwilōn̄lōn̄—n̄an jipan̄ kōpooj armej ro an laļ in n̄an Itok eo Kein Karuo an Irooj!”1
Men̄e oktak ko rej waļo̧k rainin im ko jejjab jeļā kaki jenej aikuj in jelmai ilju im jekļaj, em̧m̧an ded emaron̄ erom̧ juon iien em̧m̧an n̄an ad make kappukōt im eddōkļo̧k, pukōt jibadbad eo ad ijin ioon laļ in, im ekkatak kōn wāween ad dāpiji bwe gospel eo en pād ioļapļap in mour ko ad. Kōm̧ij m̧ōņōņō in pād ilo iaļ in ito itak in ippem im kōm̧ij kōjatdikdik bwe kwonaaj juon rilotok aolep iien!
Ia eo Komaron̄ Lo Kōm̧
Rūm̧m̧an Ded Kajjojo Wiik ej ped ilo Gospel Library um̧win Māākjiin ak Rūtto > Rūm̧m̧an Ded Ro. Komaron̄ loe jet iaan bwebwenato ko am ilo Liaona māākjiin eo, ilo Liaona Facebook peij eo, im ilo ChurchofJesusChrist.org peij eo jinoin.
Kōm Kōņaan Ron̄ Jān kwe
-
Ta unin kōnono ko me kwonaaj kōņaan loi am kōnnaan kaki?
-
Ta bwebwenato ko ewōr ippem im komaron̄ kwaļo̧ki?
-
Ta elmakot ko ewōr ippem n̄an kōm̧?
Kom̧ maron̄ jilkintok bwebwenato ko ami make, ļōmņak ko, im elmakot ko ami ilo liahona.ChurchofJesusChrist.org. Kōmij jab maron̄ kōttar in ron̄ jān kom̧!