ស្វាគមន៍មកកាន់ យុវមជ្ឈិមវ័យប្រចាំសប្ដាហ៍
ស្វាគមន៍មកកាន់យុវមជ្ឈិមវ័យប្រចាំសប្ដាហ៍—ជាការបោះពុម្ពផ្សាយប្រចាំសប្ដាហ៍នៅក្នុងកម្មវិធីបណ្ណាល័យដំណឹងល្អដែលសរសេរសម្រាប់ពួកយុវមជ្ឈិមវ័យដោយពួកយុវមជ្ឈិមវ័យ ក៏ដូចជាថ្នាក់ដឹកនាំសាសនាចក្រ និងអ្នកជំនាញផ្សេងទៀតស្ដីពី ប្រធានបទដែលទាក់ទងជាមួយនឹងយើងសម្រាប់ពេលសព្វថ្ងៃនេះ ។
គោលដៅរបស់យើង
គោលដៅរបស់យើងគឺដើម្បីជួយអ្នកឲ្យរកឃើញចម្លើយចំពោះឧបសគ្គទាំងឡាយរបស់អ្នក ហើយទទួលបានកម្លាំងដើម្បីប្រឈមមុខនឹងវា ។ យើងនឹងធ្វើកិច្ចការនេះដោយស្វែងយល់ពីដំណឹងល្អរបស់ព្រះយេស៊ូវគ្រីស្ទរួមគ្នា ហើយពិនិត្យមើលពីរបៀបដែលពួកយុវមជ្ឈិមវ័យនៅជុំវិញពិភពលោកកំពុងខិតខំរស់នៅតាមដំណឹងល្អនោះ ។
អំពីយើង
ចំណុចទីមួយ ៖ វគ្គទាំងមូលនេះទទួលបាននូវការបំផុសគំនិតមកពីអ្នក ។ យើងបានប្រឈមមុខនឹងការសម្រេចចិត្ត ឧបសគ្គ និងការផ្លាស់ប្ដូរយ៉ាងច្រើនអំឡុងគ្រាថ្មីៗនេះនៅក្នុងជីវិតរបស់យើង ។ ហើយយើងចង់ដឹកនាំអ្នកឲ្យឆ្លងផុតដោយជោគជ័យ ។ យើងក៏ចង់ឲ្យអ្នកដឹងដែរថា យើងមើលឃើញថា អ្នកជានរណា ជាជាងមើលលើស្ថានភាពអាពាហ៍ពិពាហ៍របស់អ្នក នេះជាមូលហេតុដែលផ្នែកនេះមិនត្រូវបានគេហៅថា យុវមជ្ឈិមវ័យប្រចាំសប្ដាហ៍នោះ ។ មាតិកានេះត្រូវបានធ្វើឡើងសម្រាប់ពួកយុវមជ្ឈិមវ័យទាំងអស់ ទាំងអ្នកនៅលីវ ឬអ្នករៀបការរួច ឬអ្នកនៅលីវម្ដងទៀត ដោយសារឥទ្ធិពលរបស់អ្នកមកលើសាសនាចក្រ—និងពិភពលោកនេះ—ដែលពុំអាចវាស់វែងបានឡើយ ទោះជាអ្នកកំពុងស្ថិតនៅក្នុងដំណាក់កាលណាមួយនៅក្នុងភាពជាយុវមជ្ឈិមវ័យនាពេលបច្ចុប្បន្ននេះក៏ដោយ ។
យើងក៏គិតផងដែរថា ប្រធានបទដែលយើងលើកឡើងនឹងទាក់ទាញដល់ពួកយុវមជ្ឈិមវ័យ សូម្បីតែអ្នកដែលមានអាយុលើសពី៣០ ឆ្នាំផងដែរ ។ យើងដឹងពីចំណាប់អារម្មណ៍របស់អ្នកនៅក្នុងប្រធានបទ និងឧបសគ្គទាំងឡាយដែលយើងនឹងលើកឡើង ទំនងជាពុំផ្លាស់ប្ដូរដោយគ្រាន់តែអ្នកមានថ្ងៃកំណើតមួយទៀតនោះឡើយ ។ បញ្ហាដែលយើងជួបប្រទះសព្វថ្ងៃគឺទាក់ទងជាមួយនឹងយើងគ្រប់ៗគ្នាភាគច្រើន ហើយវាច្រើនល្មមគ្រប់គ្រាន់ដើម្បីឲ្យយើងអាចឆ្លងវារួចរួមគ្នា មិនថាយើងមានវ័យប៉ុណ្ណានោះឡើយ ។
យើងដឹងថា អ្នកទាំងអស់គ្នាមានស្ថានភាពជីវិត ប្រវត្តិការអប់រំ កម្រិតសេដ្ឋកិច្ច វប្បធម៌ និងកាលៈទេសៈខុសៗគ្នា ។ ដូច្នេះយើងនឹងលើកឡើងនូវប្រធានបទខុសៗគ្នា ហើយដំណើររឿងរបស់យើងនឹងមានច្រើនជាង ២០ ភាសានៅក្នុងបណ្ណាល័យដំណឹងល្អ—យើងចង់ឲ្យអ្នកទាំងអស់គ្នាបានទទួល ហើយឲ្យវាមានទំនាក់ទំនងនឹងអ្នករាល់គ្នា ។ ពួកយុវមជ្ឈិមវ័យជុំវិញពិភពលោកកំពុងនាំយកសេចក្ដីជំនឿ និងទេពកោសល្យរបស់ពួកគេមកកាន់សាសនាចក្រ ។ នៅទីកន្លែងជាច្រើន យើងពុំមែនគ្រាន់តែជាថ្នាក់ដឹកនាំនាពេលអនាគតប៉ុណ្ណោះទេ យើងកំពុងដឹកនាំសាសនាចក្រនាពេលសព្វថ្ងៃនេះ រួមទាំងតំបន់ដែលសាសនាចក្រត្រូវបានស្ថាបនាឡើងយូរមកហើយផងដែរ ។ ហើយឥទ្ធិពលរបស់យើងនឹងពង្រីកលើសពីថ្ងៃនេះទៅទៀត ដោយសារយើងក៏ជាឪពុកម្ដាយនៃពួកជំនាន់ក្រោយផងដែរ ។
យើងអាចបន្ត
មានរឿងច្រើនទៀតដែលយើងអាចនិយាយអំពីតម្លៃ និងសក្ដានុពលនៃពួកយុវមជ្ឈិមវ័យ ប៉ុន្តែប្រសិនបើយើងនិយាយថាយើងបន្តទៅមុខ វាហាក់ដូចជាយើងកំពុងមានអំនួតពេក ( ដោយសារជំនាន់របស់យើងគឺជាជំនាន់មួយដ៏ល្អ ) ។ វាគ្រប់គ្រាន់ដើម្បីនិយាយថា ព្រះត្រូវការយើង ហើយយើងត្រូវការព្រះ និងសាសនាចក្ររបស់ទ្រង់ ហើយយើងក៏ត្រូវការគ្នាទៅវិញទៅមកផងដែរ ។ ដូចជាប្រធានរ័សុល អិម ណិលសុន បានលើកឡើងពីពួកយុវមជ្ឈិមវ័យថា « [ យើង ] នឹងបង្កើតប្រវត្តិសាស្ត្រ » រួមគ្នា ។ « ហើយទ្រង់នឹងធ្វើឲ្យអ្នកសម្រេចបាននូវកិច្ចការលំបាកទាំងនោះ ។…
« …អ្នក ‹ គឺជាពូជជម្រើស › ( ពេត្រុសទី ១ ២:៩ ) ដែលត្រូវបានតែងតាំងដោយព្រះឲ្យធ្វើកិច្ចការដ៏អស្ចារ្យ—ដើម្បីជួយរៀបចំមនុស្សលើលោកនេះ សម្រាប់ការយាងមកជាលើកទីពីររបស់ព្រះអម្ចាស់ ! »១
ថ្វីបើបច្ចុប្បន្នមានការផ្លាស់ប្តូរ ហើយអនាគតកាលមិនច្បាស់លាស់ក្តី យុវវ័យពេលនេះអាចជាពេលដ៏អស្ចារ្យដើម្បីស្វែងយល់ពីខ្លួនឯង និងការរីកចម្រើន ការស្វែងយល់គោលបំណងរបស់យើងនៅលើផែនដីនេះ និងការរៀនគោរពតាមដំណឹងល្អ ដែលជាចំណុចសំខាន់នៅក្នុងជីវិតរបស់យើង ។ យើងរីករាយនៅលើវិថីនេះជាមួយអ្នក ហើយសង្ឃឹមថាអ្នកនឹងចូលមើលជាទៀងទាត់ !
អាចរកយើងឃើញនៅ
យុវមជ្ឈិមវ័យប្រចាំសប្ដាហ៍ដែលមាននៅក្នុងបណ្ណាល័យដំណឹងល្អ នៅក្រោមទស្សនាវដ្ដី ឬមជ្ឈិមវ័យ > យុវមជ្ឈិមវ័យ ។ អ្នកក៏អាចស្វែងរកដំណើររឿងរបស់យើងមួយចំនួននៅក្នុង ទស្សនាវដ្តីលីអាហូណានិងលីអាហូណានៅលើគេហទព័រFacebookនិងនៅលើគេហទំព័រ ChurchofJesusChrist.org ។
ពួកយើងចង់ឮពីអ្នក ។
-
តើអ្នកចង់ដឹងអំពីប្រធានបទអ្វី ?
-
តើអ្នកចង់ចែចាយអំពីសាច់រឿងអ្វី ?
-
តើអ្នកមានយោបល់អ្វីខ្លះសម្រាប់យើង ?
អ្នកអាចផ្ញើរឿងផ្ទាល់ខ្លួន យោបល់ និងមតិកែលម្អរបស់អ្នកតាមគេហទំព័រ liahona.ChurchofJesusChrist.org ។ យើងមានចិត្តអន្ទះសាចង់ទទួលដំណឹងពីអ្នក !