1 Եվ Ենովքի բոլոր օրերը չորս հարյուր և երեսուն տարի եղավ:

2 Եվ եղավ այնպես, որ ^աՄաթուսաղան՝ Ենովքի որդին, չէր վերցվել, որպեսզի Տիրոջ ուխտերը կատարվեն, որոնք նա կապել էր Ենովքի հետ. քանզի նա իրոք ուխտ էր արել Ենովքի հետ, որ Նոյը պիտի լիներ նրա երանքի պտղից:

3 Եվ եղավ այնպես, որ Մաթուսաղան մարգարեացավ, որ իր երանքից պիտի ծագեն երկրի բոլոր թագավորությունները (Նոյի միջոցով), և նա իրեն վերցրեց փառքը:

4 Եվ մի մեծ սով եղավ այդ հողում, և Տերն անիծեց երկիրը դառն անեծքով, և այնտեղի շատ բնակիչներ մահացան:

5 Եվ եղավ այնպես, որ Մաթուսաղան ապրեց հարյուր և ութսունյոթ տարի և ծնեց Ղամեքին.

6 Եվ Ղամեքին ծնելուց հետո Մաթուսաղան ապրեց յոթ հարյուր և ութսուն երկու տարի և որդիներ ու դուստրեր ծնեց.

7 Եվ Մաթուսաղայի բոլոր օրերը եղան ինն հարյուր և վաթսունինը տարի, և նա մահացավ:

8 Եվ Ղամեքն ապրեց հարյուր և ութսուներկու տարի և մի որդի ծնեց,

9 Եվ նա կոչեց նրա անունը ^աՆոյ՝ ասելով. Այս որդին կմխիթարի մեզ մեր գործերի մեջ և մեր ձեռքերի ծանր աշխատանքում, այն հողի պատճառով, որը Տերն ^բանիծել է:

10 Եվ Ղամեքն ապրեց, Նոյին ծնելուց հետո, հինգ հարյուր և իննսունհինգ տարի, և որդիներ ու դուստրեր ծնեց.

11 Եվ Ղամեքի բոլոր օրերը եղան յոթ հարյուր և յոթանասունյոթ տարի, և նա մահացավ:

12 Եվ Նոյը չորս հարյուր և հիսուն տարեկան էր, և ^ածնեց Հաբեթին. և քառասուներկու տարի անց նա ունեցավ ^բՍեմին՝ նրանից, ով Հաբեթի մայրն էր, և երբ նա հինգ հարյուր տարեկան էր, նա ծնեց ^գՔամին:

13 Եվ ^աՆոյն ու նրա որդիներն ^բականջ դրեցին Տիրոջը, և ուշք դարձրին, և նրանք կոչվեցին Աստծո ^գորդիներ:

14 Եվ երբ այս մարդիկ սկսեցին բազմանալ երկրի երեսին, և դուստրեր ծնվեցին նրանց, մարդկանց ^աորդիները տեսան, որ այդ դուստրերը գեղեցիկ էին, և կնության վերցրեցին նրանց, ինչպես որ կամեցան:

15 Եվ Տերն ասաց Նոյին. Քո որդիների դուստրերը ^ածախել են իրենց. քանզի ահա, իմ բարկությունը բռնկված է մարդկանց որդիների դեմ, քանի որ նրանք չեն կամենում ականջ դնել իմ ձայնին:

16 Եվ եղավ այնպես, որ Նոյը մարգարեացավ, և ուսուցանեց Աստծո բաները, ճիշտ ինչպես դրանք կային ի սկզբանե:

17 Եվ Տերն ասաց Նոյին. Իմ Հոգին միշտ չի ^աճգնի մարդու հետ, քանզի նա կիմանա, որ ամեն ^բմարմին պիտի մահանա. այնուամենայնիվ, նրա օրերը կլինեն հարյուր և քսան տարի. և եթե մարդիկ չապաշխարեն, ես ^գջրհեղեղներ կուղարկեմ նրանց վրա:

18 Եվ այդ օրերին ^ահսկաներ կային երկրի վրա, և նրանք փնտրում էին Նոյին, որ խլեն նրա կյանքը. սակայն, Տերը Նոյի հետ էր, և Տիրոջ ^բզորությունը նրա վրա էր:

19 Եվ Տերը ^ակարգեց ^բՆոյին ըստ իր ^գկարգի, և նրան պատվիրեց, որ նա առաջ գնա և ^դհռչակի իր Ավետարանը մարդկանց զավակներին, ճիշտ ինչպես տրվել էր Ենովքին:

20 Եվ եղավ այնպես, որ Նոյը կոչ արեց մարդկանց զավակներին, որ ^աապաշխարեն. բայց նրանք ուշք չդարձրեցին նրա խոսքերին.

21 Եվ նաև, նրան լսելուց հետո, նրանք եկան նրա առաջ՝ ասելով. Ահա, մենք Աստծո որդիք ենք. մի՞թե մենք մեզ չենք վերցրել մարդկանց դուստրերին: Մի՞թե մենք չենք ^աուտում և խմում, և ամուսնանում և կնության տալիս: Եվ մեր կանայք մեզ համար երեխաներ են բերում, և նրանք զորեղ մարդիկ են, որոնք նման են հին մարդկանց՝ մեծահամբավ մարդկանց: Եվ նրանք ականջ չդրեցին Նոյի խոսքերին:

22 Եվ Աստված տեսավ, որ մարդկանց ^աամբարշտությունը շատացել էր երկրի վրա. և ամեն մարդ բարձրացել էր իր սրտի ^բխորհուրդների երևակայության մեջ, որոնք միշտ չար էին:

23 Եվ եղավ այնպես, որ Նոյը շարունակեց մարդկանց ուղղված իր ^աքարոզը՝ ասելով. Ականջ դրեք և ուշք դարձրեք իմ խոսքերին.

24 ^աՀավատացեք և ապաշխարեք ձեր մեղքերից և ^բմկրտվեք Հիսուս Քրիստոսի՝ Աստծո Որդու անունով, ճիշտ ինչպես մեր հայրերը, և դուք կստանաք Սուրբ Հոգին, որ ձեզ բոլոր բաները ^գհայտնի դարձվեն. և եթե դուք դա չանեք, ջրհեղեղներ կգան ձեր վրա. այնուամենայնիվ, նրանք ականջ չդրեցին:

25 Եվ Նոյը զղջաց, և նրա սիրտը ցավեց, որ Տերը ստեղծել է մարդուն երկրի վրա, և դա վշտացրեց նրա սիրտը:

26 Եվ Տերն ասաց. Ես երկրի երեսից ^ակոչնչացնեմ մարդուն, որին ստեղծել եմ՝ և՛ մարդուն, և՛ կենդանիներին, և՛ սողուններին, և՛ երկնքի թռչուններին. քանզի Նոյը զղջում է, որ ես ստեղծեցի նրանց, և որ ես արարեցի նրանց. և նա կանչել է առ ինձ. քանզի նրանք փնտրել են նրա կյանքը:

27 Եվ այդպես, Նոյը ^աշնորհ գտավ Տիրոջ աչքում. քանզի Նոյն արդար մարդ էր, և ^բկատարյալ էր իր սերնդի մեջ. և նա ^գքայլում էր Աստծո հետ, ինչպես նաև նրա երեք որդիները՝ Սեմը, Քամը և Հաբեթը:

28 Երկիրն ^աապականվել էր Աստծո առաջ, և այն լցված էր բռնությամբ:

29 Եվ Աստված նայեց երկրի վրա, և ահա, այն ապականված էր, քանզի ամեն մարմին երկրի վրա իր ճանապարհն ապականել էր:

30 Եվ Աստված Նոյին ասաց. Ամեն մարմնի վերջը եկել է իմ առաջ, քանզի երկիրը լցվել է բռնությամբ, և ահա, ես ^ակոչնչացնեմ ամեն մարմին երկրի վրայից: