iVolanikalou
Mosese 7


Wase 7

(Tiseba 1830)

Sa veivakatavulici, liutaki ira na tamata, ka tosoya na veiulunivanua ko Inoki—Sa tauyavu na koro ko Saioni—Sa raica rawa ko Inoki ni na lako mai na Luve ni Tamata, na Nona isoro ni veivakaduavatataki, kei na nodra tucake tale na Yalododonu—Sa raica rawa talega ko koya na Veivakalesui mai, na Veivakasoqoni vata, na iKarua ni Lako Mai, kei na vakalesui mai kei Saioni.

1 Ka sa yaco ni sa tomana ko Inoki na nona vosa, ka kaya: Raica, sa dau vakavuvulitaka na veika oqo na noda qase ko Atama, ia sa lewe vuqa era sa vakabauta ka yaco me aluve ni Kalou, ka vuqa era sa sega ni vakabauta, ka ra sa rusa ena nodra ivalavala ca, raica era sa waraka tu ena brere, ena rarawa, na waqawaqa ni cudru ni Kalou ena sovaraki vei ira.

2 Ia mai na gauna ko ya ka lako yani sa tekivu me parofisai ko Inoki, ka kaya vei ira na tamata, ka vaka: Ni’u a lako tiko mai, au a mai cegu ena vanua ko Muja, ka masu vua na Turaga, a sa rogo mai lomalagi e dua na domo ka kaya—Mo vuki, ka lako ki na ulunivanua ko Simioni.

3 Ka sa yaco niu sa vuki ka lako ki na ulunivanua; ia ni’u sa tu ena ulunivanua, au raica ni sa tadola na lomalagi, kau sa vakasulumi ena alagilagi;

4 Kau sa raica na Turaga; ni sa tu e mataqu, ka keirau sa veivosaki, me vaka ga na nodrau veivosaki e rua na tamata, e amatana votu; ka sa kaya vei au: bRaica, Au na vakaraitaka vei iko na vuravura ena loma ni vica na itabatamata.

5 Ka sa yaco niu sa rai yani ki na buca ko Sumi, ka raici ira e dua na iwiliwili ni tamata levu ka ra sa vakaitikotiko ena valelaca, sai ira na kai Sumi.

6 Sa kaya tale vei au na Turaga: Mo rai yani; au sa rai cake ki na vualiku, ka raici ira na kai Kenani, era sa tiko ena vale laca.

7 Ka sa kaya vei au na Turaga: Mo parofisai; kau sa parofisai, ka kaya: Raica era na lako na kai Kenani, ni ra sa lewe vuqa sara, me vala kei ira na kai Sumi, io era na vakamatei ira ka vakarusai ira sara; ia era na qai wasewasea ka tawana na nodra qele ko ira na kai Kenani, ia ena dravuisiga sara na qele ka sega ni vua, raica ena sega tale na tamata ena tiko kina, ko ira ga na kai Kenani;

8 Ia raica, ena cudruva na Turaga na vanua ena katakata levu, ka na tete yani me sega ni mudu na dravuisiga; a sa vuki na kuli ni yagodra na kai Kenani kecega me aloaloa, ka ra sa beci ira ko ira kecega na tamata.

9 Ka sa yaco ni sa kaya vei au na Turaga: Raica; kau sa rai yani, ka raica na vanua ko Seroni, kei na vanua ko Inoki, kei na vanua ko Omana, kei na vanua ko Eni, kei na vanua ko Semi, kei na vanua ko Aina, kei na vanua ko Ananaia, kei ira kecega na lewena;

10 A sa kaya vei au na Turaga: Mo lako vei ira na tamata oqo, ka kaya vei ira—Dou aveivutuni, de’u na lako yani ka yaviti ira ena noqu cudru, ka ra na mate.

11 Ka sa solia vei au e dua na ivakaro ni sa dodonu meu aveipapitaisotaki ena yaca ni Tamada kei na Luvena, o koya sa sinai ena bloloma soli wale kei na dina, kei koya tale ga na cYalo Tabu, o koya sa tukuni Tamada kei na Luvena.

12 Ka sa yaco ni sa tomana tikoga ko Inoki na nona vakauqeti ira tiko na tamata kecega me ra veivutuni, ka sega ga vei ira na kai Kenani.

13 Ia sa cecere sara na avakabauta nei Inoki ka sa liutaki ira kina na tamata ni Kalou, a ra sa lako mai na nodra meca me valuti ira; ia sa vosataka na vosa ni Turaga, ka sa sakure na vuravura, ka ra dro na bveiulunivanua, io me vaka na nona ivakaro; ka ra vagolei tani na cuciwai ni wai; a sa rorogo na kodro ni laioni ena lekutu; ka ra sa rere vakalevu na veimatanitu, sa dkaukauwa sara na vosa nei Inoki, ka sa kaukauwa talega vakalevu na vosa sa solia vua na Kalou.

14 A sa vude cake e dua na vanua mamaca mai na wasaliwa titobu, raica era sa rere vakalevu sara na nodra meca na tamata ni Kalou; a ra sa dro yani ka la’ki tu vakayawa mai, era sa qai lako ki na vanua e vude cake mai na wasaliwa titobu.

15 A ra sa la’ki tu vakayawa tale ga mai ko ira na atuwawa ni vanua; ka ra sa cudruvi sara ko ira kecega na tamata era sa vorata na Kalou;

16 Ia mai na gauna ko ya ka lako yani sa yaco na veivaluvaluti kei na vakadave dra ena kedra maliwa; ia sa lako sobu mai na Turaga ka mai tiko vata kei ira na nona tamata, ka ra sa tiko ena ivalavala dodonu.

17 Sa yaco ena veimatanitu kecega me ra arerevaka na Turaga, sa cecere sara na lagilagi ni Turaga, sa tiko vei ira na nona tamata. A sa bvakalougatataka na vanua na Turaga, ka ra sa vakalougatataki ko ira ena dela ni ulunivanua, kei na veivanua cecere, ka ra sa vuavuai vinaka.

18 A sa vakatokai ira na nona tamata na Turaga ko aSaioni, ni ra sa byalovata ka duavata ena nodra vakasama, ka ra kitaka na ivalavala dodonu; a sa sega vei ira sa dravudravua.

19 Ka sa tomana ko Inoki na nona vunau ena buladodonu vei ira na tamata ni Kalou. Ka sa yaco ena nona veisiga, ni sa tara e dua na koro levu ka vakayacana me Koro Tabu; io ko Saioni.

20 Ka sa yaco ni sa veivosaki vata kei na Kalou ko Inoki; ka kaya vua na Turaga ko koya: Ena tudei tikoga ka sega ni mudu ko aSaioni. A sa kaya vei Inoki na Turaga: Sa vakalougatataki ko Saioni; ia au sa cudruvi ira na vo ni tamata kecega.

21 Ka sa yaco ni sa vakaraitaki ira kece na lewei vuravura vei Inoki na Turaga; ka sa rai yani ka raici, Saioni, ni sa toso na gauna, sa akau cake ki lomalagi. Ka sa kaya na Turaga vei Inoki: Raica oqo na noqu itikotiko sega ni mudu.

22 A sa raici ira tale ga na vo ni tamata ko Inoki, ko ira na kawa i Atama; ia era sa veicurumaki kece sara na kawa i Atama, ka sega wale ga ko ira na kawa i Keni, ni ra sa tamata aloaloa ko ira na kawa i Keni, ka ra sega ni vakaitikotiko vata kei ira.

23 Ia ni sa kau oti ko Saioni ki alomalagi, sa brai ko Inoki, ka raica, ni sa tu e matana na veimatanitu ckecega e vuravura;

24 Ka sa rairai mai e dua na itabatamata ki na dua tale na itabatamata; sa akau cake ko Inoki, io ki na lomaserei Tamada, kei na Luve ni Tamata; ka raica, na kaukauwa i Setani sa tu e delai vuravura taucoko.

25 Ka sa raici ira na agilosi ni ra sa siro sobu mai lomalagi; ka rogoca e dua na domo levu sa kaya: Ena ca, e na ca vei ira na lewei vuravura.

26 Ka sa raici Setani; sa taura voli e dua na asinucodo vakaitamera e ligana, sa latia na delai vuravura taucoko ena bbutobuto; ka sa rai cake ka dredre, era sa reki na nona cagilosi.

27 Sa raica ko Inoki ni ra siro sobu mai lomalagi na aagilosi, ka ra kauta voli na nodra bivakadinadina ni Tamana kei na Luvena; ka sa lutuki ira e lewe vuqa na Yalo Tabu, ka kauti ira ki Saioni na kaukauwa vakalomalagi.

28 Ka sa yaco ni sa raici ira na vo ni tamata e vuravura na Kalou mai lomalagi, ka tagicaki ira; a sa tukuna na ka oqo ko Inoki, ka kaya: A cava sa tagi kina ko lomalagi, ka drodro na wai ni matana me vaka na uca ena veiulunivanua?

29 A sa kaya ko Inoki vua na Turaga: Raica ko ni sa savasava sara ka ko ni sa tu mai na gauna tawamudu ki na gauna tawamudu kecega, ia ko ni sa atagi ena vuku ni cava?

30 Ia kevaka sa rawa vua na tamata me kila na veika sa buli kina na vuravura, io, e vica vata na milioni na avuravura vakaoqo, ena sega ga ni kila rawa na levu ni veika ko ni sa bbulia; ia na nomuni ilati sa tatevu tu ga; ia ko ni sa tikoga e keri, ka sa tiko talega e keri na lomaseremuni; ia ko ni sa lewa dodonu talega; ko ni sa dau loloma ka yalovinaka tikoga ka sega ni mudu.

31 Ia ko ni sa kauti Saioni ki na lomaseremuni, mai vei ira kecega na veika ko ni sa bulia, mai na gauna tawamudu ki na gauna tawamudu kecega; ka sa sega tale ia na avakacegu ga, na blewa dodonu, kei na cdina sa lewe ni nomuni itikotiko vakaturaga; ia ena liu e matamuni na loloma uasivi ka sega ni vakaiyalayala; ko ni sa tagi ena vuku ni cava?

32 A sa kaya vei Inoki na Turaga: Raici ira oqo na wekamu; sai ira na cakacaka ni aligaqu, kau sa solia vei ira na nodra bkila ka, ena siga au sa buli ira kina; ia ena Were ko Iteni au sa solia kina vua na tamata na nona cgalala ni digidigi;

33 Ia vei ira na wekamu au sa kaya kina, ka solia talega na ivakaro, ni dodonu me ra aveilomalomani, ia sa dodonu me ra digitaki au, na Tamadra; ia raica, era sa sega ni veilomani, ka ra sa cati ira na wekadra dina;

34 Ia na awaqawaqa ni noqu cudru ena tau vei ira; ia ena noqu cudru katakata au na tala yani kina vei ira na bwaluvu, ni sa tau vei ira na noqu cudru waqawaqa.

35 Raica, koi Au na Kalou; na aTamata Yalosavasava na yacaqu; na Tamata Dauvakasala na yacaqu; ka byacaqu talega ko Tawacava kei Tawamudu.

36 O koya, sa rawa vei au meu dodoka yani na ligaqu ka qalukuma na ibulibuli kece au sa cakava; ia na amataqu sa rawa me curubasikata talega, ia sa sega na bivalavala ca me levu cake ena kedra maliwa na ibulibuli ni ligaqu kece sara me vaka na nodra na wekamu.

37 Ia raica, na nodra ivalavala ca ena saumi ki na uludra na tamadra; io ena tamadra ko Setani, ka na nodra ivakarusa na yaluma; ia ena tagicaki ira ko lomalagi; io ko ira kecega na cakacaka ni ligaqu; me kakua beka ni tagi ko lomalagi, ni sa raica na nodra rarawa ko ira oqo?

38 Ia raica, ko ira kecega ko sa raica tu oqo era na rusa ena waluvu; ka raica, au na sogolati ira; au sa vakarautaka tu e dua na avaleniveivesu me baleti ira.

39 Raica sa mai vakamamasu e mataqu ena vukudra ko akoya au sa digitaka. O koya, sa vakararawataki kina ena vuku ni nodra ivalavala ca; kevaka walega era na veivutuni me yacova na siga ena lesu mai kina vei au na noqu bDigitaki, ia me yacova na siga ko ya era na kune crarawa tu ga.

40 O koya, ena tagi kina ko lomalagi ena vuku ni ka oqo, io, kei ira vata kaya na ibulibuli kecega ni ligaqu.

41 Ka sa yaco ni sa vosa vei Inoki na Turaga, ka tukuna vei Inoki na nodra cakacaka kece na luve ni tamata; ia sa kila kina, ka raica tu ko Inoki na nodra caka ca, kei na nodra yaluma, ia sa tagi ka dodoka yani na ligana, sa vuvuce ka loma levu na ayalona me vaka na gauna tawamudu; sa gagano na lomana, ka sautaninini na veigauna tawamudu kecega.

42 Sa raici aNoa tale ga, kei na nona bmatavuvale ko Inoki; ni sa dodonu me ra vakabulai talega ena veivakabulai vakayago na nodra kawa kece sara na luvei Noa;

43 Ia sa raica ko Inoki ni sa taya tiko e dua na awaqa ko Noa; ka sa taleitaka na Turaga, a sa taura e ligana; ia ko ira na vo ni tamata dau caka ca, sa lako mai na waluvu ka tilomi ira.

44 Ia ni sa raica na ka oqo ko Inoki, sa rarawa vakalevu na yalona, a sa tagicaki ira na wekana, ka sa kaya ki lomalagi: Au sa abese ni vakacegui; ia sa kaya na Turaga ki vei Inoki: Me tacake na yalomu, ka mo marau; ka raica.

45 Ka sa yaco ni sa rai yani ko Inoki; ia mai vei Noa, sa raica ko koya na veimatavuvale kecega e vuravura; sa kaci vua na Turaga, ka kaya: Ena yaco ena gauna cava na nona siga na Turaga? Ena gauna cava ena qai dave kina na nodra dra na Yalododonu, me ra na avakatabui kina ka rawata na bula tawamudu ko ira era sa tagi.

46 Ka sa kaya na Turaga: Ena yaco ena aituvuka ni gauna, ena siga ni caka ca kei na veisausaumi.

47 Ia raica, sa raica ko Inoki na siga sa lako mai kina na Luve ni Tamata; io, ena yagona sa reki kina na yalona, ka kaya: Sa laveti cake ko koya sa Buladodonu, ia na Lami sa avakamatei ena tauyavutaki kei vuravura; ia ena vakabauta ga au sa tiko kina ena lomaserei Tamaqu, ia raica, sa tiko talega vata kei au ko bSaioni.

48 Ka sa yaco ni sa raici avuravura ko Inoki; a sa rogoca e dua na domo mai na lomai vuravura, sa kaya: Ulei! Ulei koi au na tinadra na tamata; Au sa rarawa ka sa mosi vei au na nodra itovo ca na luvequ. E naica au na qai bvakacegu kina, ka vakasavasavataki mai na veika cdukadukali sa yaco vei au? Io ni naica beka ena qai vakatabui au kina ko koya sa Buli au, me’u rawata na vakacegu, ka me yaco ga vei au na itovo savasava?

49 Ia ni sa rogoca ko Inoki na tagi nei vuravura, sa tagi, ka masu vua na Turaga, ka kaya: Oi kemuni na Turaga, ko ni na sega li ni lomani vuravura mada? Ko ni na sega li ni vakalougatataka na kawa i Noa?

50 Ka sa yaco ni sa tomana tikoga na nona tagi vua na Turaga ko Inoki, ka kaya: Au sa masuti kemuni, oi kemuni na Turaga ena yacana na nomuni Le Duabau ga ko Jisu Karisito, mo ni lomani Noa kei ira na nona kawa, me kakua tale ni luvuci ko vuravura.

51 A sa sega ni vosota rawa na Turaga; sa cakava e dua na veiyalayalati kei Inoki, raica sa yalataka vua ena bubului ni na sega tale vakadua ni ia na awaluvu; ia ena qai tukuna yani vei ira na kawa i Noa.

52 Io sa tukuni yani na nona lewa sega ni veisau, ni ra na bula tiko ga na aivovo ni nona kawa ena veimatanitu kecega, ena gauna kecega sa tu kina ko vuravura.

53 A sa kaya vakaoqo na Turaga: Raica sa kalougata ko koya, ni na tubu mai na nona kawa na Mesaia; raica sa kaya vakaoqo ko koya—Koi au na aMesaia na bTui kei Saioni, na cUluvatu ni Lomalagi, sa rabailevu me vaka na gauna tawamudu; ia ko koya yadua sa curu ena matamata ka dmuri au tiko ga ena sega sara ni lako sese; raica sa kalougata ko ira sa vakaoqori, ni ra na lagata tiko na esere ni marau ka tawamudu.

54 Ka sa yaco ni sa masu vua na Turaga ko Inoki, ka kaya: Sa na vakacegu li ko vuravura ni sa lako vakayago mai kina na Luve ni Tamata? Au kerei kemuni, mo ni vakatakila vei au na ka oqo.

55 Ka sa kaya vei Inoki na Turaga: Raica, A sa rai yani ko koya ka raica na aLuve ni Tamata ni sa laveti cake ki na bkauveilatai, me vaka na ivalavala vakatamata.

56 A sa rogoca e dua na domo levu; ka sa lati ko lomalagi; raica era sa lolosi na ibulibuli kecega ni Kalou, ka sa avutugu ko vuravura; sa kavida na veivatu; era sa btucake mai na yalododonu ka cvakaisalataki ena isala ni lagilagi; a ra sa tu ena ligana dimatau na Luve ni Tamata;

57 Ia era sa lako mai na ayalo kecega era a tu ena bvale ni veivesu, era sa mai tu ena liga imatau ni Kalou; ia ko ira na kena vo era sa maroroi tu ena sinucodo ni butobuto me yacova ni ra sa lewai ena siga sa levu ko ya.

58 A sa tagi tale ko Inoki ka vosa vua na Turaga, ka kaya: Ena qai vakacegu ni naica ko vuravura?

59 A sa raica ko Inoki ni sa lako cake na Luve ni Tamata vua na Tamana; a sa masu vua na Turaga, ka kaya: Ko ni na sega li ni lesu tale mai ki vuravura? Me vaka ni sai kemuni na Kalou, ka’u kilai kemuni, ia ko ni sa bubului vei au, ka vakaroti au me’u dauvakatakekere ena yacana na nomuni Le Duabau ga; ko ni sa buli au, ka solia vei au na dodonu ki na nomuni itikotiko vakaturaga, e sega ni baleta na noqu cakacaka, ia ena vuku ga ni nomuni loloma soli wale; ia na veika oqo au sa tarogi kemuni kina, ko ni na lesu tale mai ki vuravura.

60 A sa kaya vei Inoki na Turaga: Me vaka au sa bula, au na lako vakaidina mai ena aveisiga mai muri, io na siga ni caka ca kei na veisausaumi, io au na lako mai me’u vakayacora na ka au a bubuluitaka vei iko ena vukudra na kawa i Noa;

61 Ia ena yaco na siga me na qai avakacegu kina ko vuravura, ia ni bera na siga ko ya ena bvakabutobutotaki mada ko lomalagi, ka ubi vuravura tale ga e dua na cilati butobuto; ia ena sakure na lomalagi, ka vakakina na vuravura; ka na yaco ena kedra maliwa na luve ni tamata na veivakararawataki levu, ia au na dtaqomaki ira ga era sa noqu;

62 Kau na tala sobu mai lomalagi na ka adodonu; ka tala yani mai bvuravura na cdina, me dvakadinadinataki koya na noqu Le Duabau ga; na nona etucake tale mai na mate; io, ka vakakina na nodra tucake tale na tamata kecega; io au na cakava me lako siviti vuravura na cakacaka dodonu kei na dina me vaka sa lako siviti vuravura na waluvu, me ra fvakasoqoni mai kina na noqu digitaki mai na yasai vuravura e va, ki na Koro Tabu ka’u sa vakarautaka, me ra vakadreta na ivau ni tolodra ko ira na noqu tamata, ka waraka na noqu lako mai; ni na tu kina na noqu valecavu, ka na vakatokai ko Saioni, e dua na gJerusalemi Vou.

63 A sa kaya vei Inoki na Turaga: Ia ko ni na sota mai kea kei ira na lewe ni nomuni akoro, io eda na kidavaki ira ki loma sereda, era na raici keda; ka da na mokoti ira, ka ra mokoti keda, eda na regu;

64 Ia ena tiko kina na noqu itikotiko, io na Saioni, ka’u sa qisia mai na veika kecega ka’u a bulia; ia ena kune avakacegu ko vuravura me dua na budolu na yabaki.

65 Ka sa yaco ni sa raica tale ga ko Inoki ni sa alako mai na Luve ni Tamata, ena veisiga mai muri, me mai tu e vuravura ena ivalavala dodonu ena dua na udolu na yabaki;

66 Ia ni sa bera na gauna ko ya sa raica mada ko koya na veika rarawa ena yaco vei ira sa ivalavala ca; a sa raica tale ga ni sa voravora sara na wasawasa, ia na yalodra na tamata sa asega ni tiko dei, era sa waraka tu ena yalo rere na nona bcudru na Kalou Kaukauwa, ka na tau vei ira sa ivalavala ca.

67 A sa vakaraitaka vei Inoki na Turaga na veika kecega, me yacova na ivakataotioti kei vuravura; a sa raica na siga kei na auwa era sa vakabulai kina ko ira sa yalododonu; a sa vuabale na nona amarau;

68 Ia na yabaki kecega sa tu kina ko aSaioni, ena gauna nei Inoki, sa tolu na drau onosagavulu kalima.

69 Ia ko Inoki kei ira kecega na nona tamata era sa atiko vata kei na Kalou, ka sa tiko ena maliwa kei Saioni; ia sa yaco ni sa yali ko Saioni, ni sa tokia na Kalou ki na nona iserau; ia mai na gauna ko ya sa tukuni kina vakaoqo, sa kau tani ko Saioni.