Dagiti Nasantuan a Kasuratan
Moises 7


Kapitulo 7

(Disiembre 1830)

Mangisuro ni Enoc, idauluanna dagiti tao, ken tignayenna dagiti bantay—Maipasdek ti Siudad ti Zion—Makita ni Enoc iti masakbayan ti yaay ti Anak ti Tao, ti isakripisiona a pannubbot, ken ti pannakapagungar dagiti Santo—Makitana iti masakbayan ti Pannakaisubli, ti Panagtitipon, ti Maikadua a Yaay, ken ti panagsubli ti Zion.

1 Ket napasamak nga intuloy ni Enoc ti bitlana, a kinunana: Adtoy, insuro ni amatayo nga Adan dagitoy a banag, ket adu ti namati ken nagbalin nga aannak ti Dios, ken adu ti saan a namati, ket napukawda kadagiti basolda, ket kumitkitada a napnuan bbuteng, a marigrigatan, iti nakaam-amak a kas-ang ti pungtot ti Dios a maibukbok kadakuada.

2 Ket manipud iti dayta a kanito rinugian ni Enoc ti nagipadto, a kinunana kadagiti tao, nga: Bayat ti panagdaliasatko, ket nagtakderak iti lugar a Mahuja, ket immararawak iti Apo, adda timek a naggapu iti langit, a nagkuna—Tumaliawka, ket mapanka iti bantay Simeon.

3 Ket napasamak a timmaliawak ken simmang-atak iti bantay; ket bayat ti panagtakderko iti bantay, nakitak ti panaglukat ti langit, ket nabungonak iti agloria;

4 Ket nakitak ti Apo; ket nagtakder iti sangok, ket kinasaonak, a kasla tao a makisarsarita iti sabali, a arupanrupa; ket kinunana kaniak: bKumitaka, ket ipakitak kenka ti lubong ti adu a kaputotan.

5 Ket napasamak a nakitak ti tanap ti Shum, ket addayta, ti naruay a tao nga agtaeng kadagiti tolda, nga isuda dagiti tao ti Shum.

6 Ket manen kinuna ti Apo kaniak: Kumitaka; ket kimmitaak iti amianan, ket nakitak dagiti tao ti Canaan, nga agindeg kadagiti tolda.

7 Ket kinuna ti Apo kaniak: Agipadtoka; ket nagipadtoak, a kinunak: Adtoy dagiti tao ti Canaan, a nagadu, a mapanto makibakal kadagiti tao ti Shum, ket papatayendanto ida tapno naan-anay ti pannakadadaelda; ket bingbingayento dagiti tao ti Canaan ti bagbagida iti daga, ket matikagto ti daga ken saan a maapitan, ket awanto ti sabali a tattao nga agindeg sadiay malaksid dagiti tao ti Canaan;

8 Ta adtoy, ilunodto ti Apo ti daga iti nalaus a pudot, ket agtalinaedto iti agnanayon ti pannakatikagna; ket adda akinangisit a dimteng kadagiti amin nga annak ti Canaan, a nakaallilawanda kadagiti amin a tao.

9 Ket napasamak a kinuna ti Apo kaniak: Kumitaka; ket kimmitaak, ket nakitak ti daga ti Sharon, ken ti daga ti Enoc, ken ti daga ti Omner, ken ti daga ti Heni, ken ti daga ti Sem, ken ti daga ti Haner, ken ti daga ti Hananniha, ken amin dagiti agindeg sadiay;

10 Ket kinuna ti Apo kaniak: Mapanka kadagitoy a tao, ket ibagam kadakuada—aAgbabawikayo, no saan umayak ket saplitek ida iti lunod, ket mataydanto.

11 Ket binilinnak a amamuniag iti nagan ti Ama, ken ti Anak, a napno iti bparabur ken kinapudno, ken ti cEspiritu Santo, a mangipaneknek iti Ama ken iti Anak.

12 Ket napasamak nga intuloy ni Enoc ti nangawag kadagiti amin a tao, malaksid kadagiti tao ti Canaan, nga agbabawi;

13 Ket napigsa ti apammati ni Enoc isu nga indauluanna dagiti tao ti Dios, ket dimteng dagiti kabusorda a makibakal kadakuada; ket nagsao iti balikas ti Apo, ket nagarigenggen ti daga, ken nagkusukos dagiti bbantay, a kas maibatay iti bilinna; ket nagbaliw ti turong ti agus ti danum dagiti ckarayan; ken nangngeg ti ungor dagiti leon iti labes ti langalang; ket nalaus ti buteng amin dagiti pagilian, dnakabilbileg ti balikas ni Enoc, ken naindaklan unay ti bileg ti pagsasao nga inted kenkuana ti Dios.

14 Adda pay limtuad a daga manipud iti tukot ti baybay, ket nalaus ti buteng dagiti kabusor dagiti tao ti Dios, isu a nagtatarayda ken immadayoda ken napanda iti daga a limtuad iti tukot ti baybay.

15 Ken kasta met dagiti ahigante iti daga, kimmayakayda; ket naisaknap ti lunod kadagiti amin a tao a nakibakal a maisuppiat iti Dios;

16 Ket manipud iti dayta a kanito addan gubgubat ken panagsayasay ti dara kadakuada; ngem immay ti Apo ket nakipagnaed kadagiti taona, ket nagindegda iti kinalinteg.

17 Nagsaknap iti amin a pagilian ti apanagbuteng iti Apo, nadayag unay ti gloria ti Apo, a naiturong kadagiti taona. Ket bbinendisionan ti Apo ti daga, ket nabendisionanda kadagiti bantay, ken kadagiti nangato a lugar, ken rimmang-ayda.

18 Ket ninaganan ti Apo dagiti taona iti aZion, gapu ta bsangsangkamaysa ti puso ken panunotda, ken nagtaengda iti kinalinteg; ket awan ti nakurapay kadakuada.

19 Ket intuloy ni Enoc nga inkasaba ti kinalinteg kadagiti tao ti Dios. Ket napasamak iti panawenna, a nangbangon iti siudad a naawagan iti Siudad ti Kinasanto, nga isu ti Zion.

20 Ket napasamak a nakisao ni Enoc iti Apo; ket kinunana iti Apo: Awan duadua nga agtalinaed ti aZion a natalged iti agnanayon. Ngem kinuna ti Apo ken ni Enoc: Binendisionakon ti Zion, ngem inlunodko dagiti nabati a tao.

21 Ket napasamak nga impakita ti Apo ken ni Enoc dagiti amin nga agindeg iti daga; ket nakitana, ket naimutektekanna, ti Zion, iti apagkanito, anaitayab iti langit. Ket kinuna ti Apo ken ni Enoc: Adtoy agtaengak iti agnanayon.

22 Ket nakita met ni Enoc dagiti nabati a tao nga isuda dagiti annak ni Adan; ket naglalaok amin a bukel ni Adan malaksid dagiti bukel ni Cain, ta anangisit dagiti bukel ni Cain, ket awan ti lugarda kadakuada.

23 Ket kalpasan dayta naitayab ti Zion iti alangit, bnakita ni Enoc, ket naimutektekanna, a simmurot camin kenkuana dagiti pagilian iti daga;

24 Ket timmaud dagiti kaputotan kadagiti kaputotan; ket naipangato ni Enoc ken anaitag-ay, agingga iti sidong ti Ama, ken ti Anak ti Tao; ket adtoy, adda ti bileg ni Satanas iti intero a daga.

25 Ket nakitana dagiti anghel a bumabbaba iti langit; ket nakangngeg iti napigsa a timek a nagkuna: Ay-ay, ay-ayto dagiti agindeg iti daga.

26 Ket nakitana ni Satanas, ket adda dakkel a akawar iti imana, ket dinalungdonganna ti intero a daga iti bsipnget; ket kimmita iti ngato ken nagkatawa, ket nagrag-o dagiti canghel ni Satanas.

27 Ket nakita ni Enoc dagiti aanghel a bumabbaba iti langit, a bmangipampaneknek iti Ama ken Anak; ket bimmaba ti Espiritu Santo kadagiti adu, ket nakamakam ida ti bileg ti langit a naipan iti Zion.

28 Ket napasamak a kimmita ti Dios ti langit kadagiti nabati a tao, ket nagsangit; ket pinaneknekan ni Enoc daytoy, a kinunana: Kasano a nagsangit ti langit, ket insibogna ti luana a kas tudo kadagiti bantay?

29 Ket kinuna ni Enoc iti Apo: Kasano a amakapagsangitkayo, idinto a nasantuankayo, ken manipud iti agnanayon agingga iti agnanayon?

30 Ket mabalin kadi a bilangen ti tao dagiti tinukel ti daga, wen, linaklaksa ti adaga a kas iti daytoy, saan nga isu ti punganay ti bilang dagiti bparsuam; ket naisaknap pay dagiti bilegmo; ngem addaka latta sadiay, ken adda ti sidongmo sadiay; ken nainkalinteganka; manangngaasi ken naasika iti agnanayon;

31 Ket innalam ti Zion iti sidongmo, manipud kadagiti amin a parsuam, manipud iti kinaagnanayon agingga iti kinaagnanayon; ket awan malaksid ti akappia, blinteg, ken ckinapudno ti linaon ti tronom; ket agubbog ti kaasi iti rupam nga awan patinggana; kasano ngarud a makasangitka?

32 Kinuna ti Apo ken ni Enoc: Adtoy dagitoy kabsatmo; aramid ida dagiti aimak, ket inikkak ida iti bsirib, iti aldaw a panangparsuak kadakuada; ken iti Minuyongan ti Eden, inikkak ti tao iti ckinawaya nga agpili;

33 Ket kinunak kadagiti kabsatmo, ken kasta met a binilinko ida, a nasken nga aagpipinnategda, ken nasken a piliendak, nga Amada; ngem adtoy, awan ti panangipategda, ken kagurada ti bukodda a dara;

34 Ket indissuorko kadakuada ti aapuy ti pungtotko; ket iti kabara ti gurak blayusek ida, ta ti nakaro a pungtotko naaronan kadakuada.

35 Adtoy, siak ti Dios; aTao ti Kinasanto ti naganko; Tao a Mamagbaga ti naganko; ken Awan Inggana ken Agnanayon ti bnaganko, pay.

36 Gapuna, maunnatko dagiti imak ket maiggamak amin a pinarsuak; ken madangran met ida ti amatak, ket kadagiti amin nga aramid dagiti imak awan ti nakarkaro ti bkinadangkesna ngem kadagiti kabsatmo.

37 Ngem adtoy, maipatawto ti basbasolda iti ulo dagiti ammada; ninto Satanas ti amada, ket nakaay-ay-ayto ti pagbanaganda; ket sangitanto ida ti sibubukel a langit, a kas kadagiti amin nga aramid ti imak; gapuna saan kadi nga agsangit ti langit, a makakita iti panagsagabanto dagitoy?

38 Ngem adtoy, dagitoy makitkita maungawdanto kadagiti layus, ken adtoy, ipupukkonto ida; adda apagbaludan nga insaganak a para kadakuada.

39 Ket adayta pinilik immararaw iti imatangko. Gapuna, sagabaenna ti basbasolda; no la ketdi agbabawida iti aldaw a panagsubli kaniak ti bPinilik, ken agingga iti dayta nga aldaw a cpanagrigrigatda;

40 Gapuna, iti daytoy agsangit ti langit, wen, amin dagiti aramid dagiti imak.

41 Ket napasamak a nagsao ti Apo ken ni Enoc, ket imbagana ken ni Enoc dagiti aramid dagiti annak ti tattao; gapuna naammuan ni Enoc, ket inamirisna ti kinadangkesda, ken ti kinaay-ay-ayda, ket nagsangit ken inunnatna dagiti takiagna, ket dimmakkel ti apusona a kas iti kinaagnanayon; ket simga dagiti lalaemna; ken nagarigenggen ti amin a kinaagnanayon.

42 Ket nakita met ni Enoc ni aNoe, ken ti bkaamaanna; a ti an-annabo dagiti amin nga annak ni Noe nasken a maisalakan iti naindagaan a pannakaisalakan;

43 Gapuna nakita ni Enoc a nangbangon ni Noe iti abarko; ken napaisem ti Apo iti daytoy, ket iniggamanna iti bukodna nga ima; ngem kadagiti nabati dagiti nadangkes immay ti layus a nangalun-on kadakuada.

44 Ket iti pannakakita ni Enoc iti daytoy, nakarikna iti saem iti kaungganna, ket sinangitanna dagiti kabsatna, ket kinunana iti langit: Diak akayat ti malinglingay; ngem kinuna ti Apo ken ni Enoc: Liwliwaem dayta pusom, ket agragsakka; ket kumitaka.

45 Ket napasamak a kimmita ni Enoc; ket manipud ken ni Noe, nakitana dagiti amin a kaamaan iti daga; ket immararaw iti Apo, a kinunana: Kaanonto nga umay ti aldaw ti Apo? Kaanonto nga agsayasay ti dara dagiti Nalinteg, tapno amapasanto amin dagiti malmalday ket maaddaanda iti agnanayon a biag?

46 Ket kinuna ti Apo: Itinto akangitingitan ti panawen, kadagiti aldaw ti kinadangkes ken panagibales.

47 Ket adtoy, nakita ni Enoc ti aldaw a yaay ti Anak ti Tao, a kas iti lasag; ket nagrag-o ti kaungganna, a kinunana: Naitag-ay ti Nalinteg, ket napapatay ti aKordero manipud iti pamuon ti lubong; ket babaen ti pammati addaak iti sidong ti Ama, ket kitaem, adda kaniak ti bZion.

48 Ket napasamak a kimmita ni Enoc iti adaga; ket nangngegna ti timek a naggapu iti tukot daytoy, a nagkuna; Ay-ay, ay-ayak pay, ti ina dagiti tao; nagsagabaak, maldaangak, gapu iti kinadangkes dagiti annakko. Kaanonto nga baginanaak, ken maugasan ti crugit a naimansa kaniak? Kaanonto nga pasantuennak ti Nangparsua kaniak, tapno aginanaak, ket agparang iti rupak ti kinalinteg ti panawen?

49 Ket idi nangngeg ni Enoc ti panagleddaang ti daga, nagsangit, ket immararaw iti Apo, a kinunana: O Apo, awan kadin ti asim iti daga? Dimo kadi bendisionan dagiti annak ni Noe?

50 Ket napasamak nga intuloy ni Enoc ti immararaw iti Apo, a kinunana: Dawatek kenka, O Apo, iti nagan ti Bugbugtongmo, nga isu ni Jesucristo, nga itdem koma ti kaasim ken ni Noe ken dagiti bukelna, a saanto koman a malayus pay ti daga.

51 Ket saan a napaidam ti Apo, ket nakitulag ken ni Enoc, ket nagkari kenkuana nga addaan a sapata, a pengdanna dagiti alayus; nga awaganna dagiti annak ni Noe;

52 Ket nangipaulog iti di mabalbaliwan a paulog, a dagiti anabati kadagiti bukelna kanayonto a masarakan kadagiti pagilian, bayat ti kaadda ti daga;

53 Ket kinuna ti Apo: Nagasat dagiti agtaud kadagiti bukel ti Mesias; ta kinunana—Siak ti aMesias, ti bAri ti Zion, ti cBato ti Langit, a nasaknap a kas iti kinaagnanayon; asino man nga umasideg iti ruangan ken dumuli kaniak saanto a pulos a matnag; gapuna, nagasat dagiti kinasaok, ta umaydanto nga addaan kadagiti ekanta iti agnanayon a rag-o.

54 Ket napasamak nga immararaw ni Enoc iti Apo, a kinunana: Inton umay ti Anak ti Tao iti lasag, aginananto kadin ti daga? Ikararagko kenka, nga ipakitam kaniak dagitoy a banag.

55 Ket kinuna ti Apo ken ni Enoc: Kumitaka, ket kimmita ken nakitana ti aAnak ti Tao a naitag-ay iti bkrus, iti wagas dagiti tao;

56 Ket nakangngeg iti napigsa a timek; ket nabalengbengan ti langit; ket limdaang amin dagiti parsua ti Dios; ket anagungor ti daga; ket nagkusukos dagiti bato; ket bbimmangon dagiti santo, ken cnakoronaan iti dmakanawan ti Anak ti Tao, kadagiti korona ti gloria;

57 Ket kas iti kaadu ti aespiritu iti bpagbaludan ti immay, ket nagtakderda iti makanawan ti Dios; ket naisagana dagiti nabati iti kadena ti sipnget agingga iti panangukom iti naindaklan nga aldaw.

58 Ket nagsangit manen ni Enoc ket immararaw iti Apo, a kinunana: Kaanonto nga aginana ti daga?

59 Ket nakita ni Enoc ti Anak ti Tao nga immuli iti Ama; ket inawaganna ti Apo, a kinunana: Dikanto kadin umay iti daga? Ta agingga a sika ti Dios, ket ammok a sika, ket nagkarika kaniak, ket binilinnak a nasken a dumawatak iti nagan ti Bugbugtongmo; inaramidnak, ken inikkannak iti karbengan iti tronom, ket saan nga iti bagik, ngem babaen ti bukodmo a parabur; gapuna, damagek kenka no saankanton nga umay iti daga.

60 Ket kinuna ti Apo ken ni Enoc: Kas iti panagbiagko, kasta met ti yaaykonto iti aud-udina nga aldaw, kadagiti aldaw ti kinadangkes ken panagibales, tapno matungpal ti sapata nga inaramidko kadakayo maipanggep kadagiti annak ni Noe;

61 Ket dumtengto ti aldaw nga aaginana ti daga, ngem sakbay dayta nga aldaw bsumipngetto dagiti langit ket abbonganto ti cbelo ti sipnget ti daga; ket agarigenggento dagiti langit, ken kasta met ti daga; ket adunto a panagrigat ti sagrapen dagiti annak ti tattao, ngem dtaginayonekto dagiti taok;

62 Ket pababaekto ti akinalinteg manipud iti langit; ket ibaonkonto ti bkinapudno iti cdaga, a dmangpaneknek iti Bugbugtongko; ti epanagungarna manipud kadagiti natay; wen, ken kasta met ti panagungar dagiti amin a tao; ket ti kinalinteg ken kinapudno ti ibilinkonto nga agsaknap iti daga a kas iti layus, a fmangummong kadagiti piliek manipud iti uppat a suli ti daga, iti lugar nga isaganak, ti Nasantuan a Siudad, a pakapapigsaan dagiti taok kadagiti lomoda, ken mangur-uray iti panawen a yaayko; ta sadiayto ti tabernakulok, ket maawaganto iti Zion, ti gBaro a Jerusalem.

63 Ket kinuna ti Apo ken ni Enoc: Ket sadiayto ti pagsasarakanyo kadagiti amin a asiudadmo, ket awatentayonto ida iti sidongtayo, ket makitadatayonto; ket agsadagtayonto iti tengngedda, ket agsadagdanto met kadagiti tengngedtayo, ket agiinnagektayonto;

64 Ket sadiayto ti pagindegak, ket isunto ti Zion, nga aggapunto kadagiti amin a pinarsuak; ket iti uneg ti asangaribu a tawen baginananto ti daga.

65 Ket napasamak a nakita ni Enoc ti aldaw a ayaay ti Anak ti Tao, iti ud-udina nga aldaw, nga agindeg iti daga iti kinalinteg iti uneg ti sangaribu a tawen;

66 Ngem sakbay dayta nga aldaw nakakita iti nakaro a panagrigat kadagiti nadangkes; ken nakitana met ti baybay, a nariribuk, ket apapaayen ida ti puspuso dagiti tao, a sibubuteng a mangpaspasungad iti bpanangukom ti Mannakabalin a Dios, a nasken nga umay kadagiti nadangkes.

67 Ket impakita ti Apo ken ni Enoc dagiti amin a banag, uray pay ti kanibusanan ti lubong; ket nakitana ti aldaw dagiti nalinteg, ti oras ti pannakasubbotda, ket inawatda ti naan-anay a arag-o;

68 Ken amin dagiti aldaw ti aZion, kadagiti aldaw ni Enoc, agdagup iti tallo-gasut-ken-innem-a-pulo-ket-lima a tawen.

69 Ket nagna ni Enoc ken amin dagiti taona a akaduada ti Dios, ket nagindeg iti tengnga ti Zion; ket napasamak a saan a Zion, ta inawat ti Dios iti sidongna; ket manipud idin nagtultuloy ti pagsasao a, Pimmanaw ti Zion.