Tusitusiga Paia
Mose 6


Mataupu 6

(Novema–Tesema 1830)

Ua tausia e fanau a Atamu se tusi faamanatu—Ua talai atu e ana fanau amiotonu le salamo—Na faaali mai le Atua o Ia lava ia Enoka—Ua talai atu e Enoka le talalelei—Sa faaalia ia Atamu le fuafuaga o le faaolataga—Sa maua e Atamu le papatisoga ma le perisitua.

1 Ma sa faalogo aAtamu i le siufofoga o le Atua, ma sa valaau atu i ona atalii ia salamo.

2 Ma sa toe iloa e Atamu lana ava, ma sa fanauina e ia se atalii, ma sa ta’ua e Atamu lona igoa o aSetu. Ma sa viia e Atamu le suafa o le Atua; ona sa fai mai o ia: Ua tofia mai e le Atua ia te a’u se tasi atalii, i le tulaga o Apelu, o lē na fasiotia e Kaino.

3 Ma sa faaali mai e le Atua o ia lava ia Setu, ma sa lē fouvale o ia, ae sa tuuina atu e ia se ataulaga na talia, e pei o lona uso o Apelu. Ma sa fanau mai foi ia te ia se atalii, ma sa ta’ua e ia lona igoa o Enosa.

4 Ma ona amata lea ona avalaau atu o nei alii i le suafa o le Alii, ma sa faamanuiaina i latou e le Alii;

5 Ma sa tausia se atusi faamanatu, lea sa tusia ai i le gagana a Atamu, ona sa tuuina mai i le toatele na valaau atu i le Atua e tusitusi e ala i le agaga o emusumusuga;

6 Ma o i latou na aoaoina a latou fanau e faitau ma tusitusi, i se gagana na mamā ma lē eleelea.

7 O lenei o lea lava aPerisitua, lea sa i ai i le amataga, o le a i ai foi i le iuga o le lalolagi.

8 Ma o le valoaga lenei na fofogaina e Atamu, a’o uunaia o ia e le aAgaga Paia, ma sa tausia se egafa o le ifanau a le Atua. Ma o le otusi lenei o augatupulaga a Atamu, ua fai mai: I le aso na foafoa ai e le Atua le tagata, na faia ai e ia o ia i le faatusa o le Atua;

9 O le afaatusa o lona lava tino, o le tane ma le fafine, na foafoa ai e ia i elaua, ma faamanuia ia te i laua, ma ta’ua lo laua iigoa o Atamu, i le aso na foafoa ai i laua ma avea ai ma otagata ola i le laueleele o le utuuaao o le Atua.

10 Ma sa ola aAtamu i le selau tolugafulu o tausaga, ma fanaua se atalii i lona lava faatusa, i ona lava efoliga, ma ta’ua lona igoa o Setu.

11 Ma o aso o Atamu, ina ua uma ona fanaua e ia o Setu, e valu selau tausaga, ma sa fanaua e ia atalii ma afafine e toatele;

12 Ma o aso uma na ola ai Atamu e iva selau ma le tolusefulu tausaga, ma sa maliu o ia.

13 Sa ola Setu i le selau ma le lima o tausaga, ma fanaua Enosa, ma sa vavalo i ona aso uma, ma aoao i lona atalii o Enosa ala o le Atua; o le mea lea na vavalo ai foi Enosa.

14 Ma sa ola Setu, ina ua uma ona fanaua e ia Enosa, i tausaga e valu selau ma le fitu, ma fanaua ni atalii ma afafine e toatele.

15 Ma sa toatele le fanauga a tagata i le laueleele atoa. Ma i aso na sa i ai se apuleaga tele a Satani i totonu o tagata, ma sa sasao i o latou loto; ma mai le taimi lena ma le agai i luma na oo mai ai taua ma le faamasaatoto; ma sa sii atu le lima o le tagata faasaga i lona lava uso, e fasioti, ona o galuega efaalilolilo, i le sailiga o le pule.

16 O aso uma o Setu e iva selau ma le sefululua tausaga, ma sa maliu o ia.

17 Ma sa ola Enosa i tausaga e ivasefulu, ma fanaua aKainano. Ma o Enosa ma e na totoe o le nuu o le Atua na o ese mai i le laueleele, lea sa ta’ua o Sulona, ma nonofo i se laueleele o le folafolaga, lea sa ta’ua e ia i le igoa o lona lava atalii, o lē na faaigoa e ia o Kainano.

18 Ma sa ola Enosa, ina ua uma ona fanaua e ia Kainano, i tausaga e valu selau ma le sefululima, ma fanaua ni atalii ma afafine e toatele. Ma o aso uma o Enosa, e iva selau ma le lima tausaga, ma sa maliu o ia.

19 Ma sa ola Kainano i tausaga e fitusefulu, ma fanaua Maalaelu; ma sa ola Kainano ina ua uma ona fanaua e ia Maalaelu, i tausaga e valu selau fagafulu, ma fanaua atalii ma afafine. Ma o aso uma o Kainano e iva selau ma le sefulu tausaga, ma sa maliu o ia.

20 Ma sa ola Maalaelu i tausaga e onosefulu ma le lima, ma fanaua Iareto; ma sa ola Maalaelu, ina ua uma ona fanaua e ia Iareto, i tausaga e valu selau ma le tolusefulu, ma fanaua atalii ma afafine. Ma o aso uma o Maalaelu e valu selau ma le ivasefulu-lima tausaga, ma sa maliu o ia.

21 Ma sa ola Iareto i tausaga e selau onosefulu-lua, ma fanaua aEnoka; ma sa ola Iareto, ina ua uma ona fanaua e ia Enoka, i tausaga e valu selau, ma fanaua atalii ma afafine. Ma sa aoao e Iareto ia Enoka i ala uma o le Atua.

22 Ma o le gafa lenei o atalii o Atamu, o lē o le aatalii o le Atua, o lē na fetautalatalaai ma le Atua lava ia.

23 Ma sa o ni atagata talai o le amiotonu i latou, ma sa tautatala ma evavalo atu, ma valaau atu i tagata uma, i soo se mea lava, ia isalamo; ma sa aoao atu le ofaatuatua i le fanauga a tagata.

24 Ma sa oo ina o aso uma o Iareto e iva selau ma le onosefulu-lua tausaga, ma sa maliu o ia.

25 Ma sa ola Enoka i tausaga e onosefulu-lima, ma fanaua ai aMetusela.

26 Ma sa oo ina malaga atu Enoka i le laueleele, i totonu o le nuu; ma a’o malaga atu o ia, sa afio ifo le Agaga o le Atua mai le lagi, ma afio i ona luga.

27 Ma sa faalogoina e ia se leo mai le lagi, ua fetalai mai: Enoka, lo’u atalii e, vavalo atu i lenei nuu, ma fai atu ia te i latou—Ia salamo, ona ua faapea ona fetalai mai o le Alii: Ua Ou aita i lenei nuu, ma ua sasao a’e lo’u ita tele e faasaga ia te i latou; ona ua faasolo ina malo o latou loto, ma ua feū o latou etaliga e faalogo, ma ua ilē mafai ona vaai mamao o latou mata;

28 Ma i le tele o nei augatupulaga, talu mai lava le aso na Ou foafoaina ai i latou, ua latou ao sese ai, ma teena a’u, ma latou saili ai a latou lava taupulepulega i le pouliuli; ma ua latou fuafuaina le fasioti tagata i a latou lava mea inosia, ma ua latou lē tausia poloaiga, ia sa Ou tuu atu i lo latou tamā, o Atamu.

29 O le mea lea, ua latou molimau pepelo ai i latou lava, ma, ua latou aumai i luga o i latou lava, ia latou atautoga le oti; ma ua Ou saunia se eseoli mo i latou, pe afai latou te lē salamo;

30 Ma o se tulafono lenei, mai lo’u lava gutu, sa Ou auina atu i le amataga o le lalolagi, mai lona faavaega, ma o fofoga o a’u auauna, ou tamā, na Ou poloaiina ai, e pei lava ona o le a auina atu i le lalolagi, seia oo atu i ona tuluiga.

31 Ma ina ua faalogo Enoka i nei upu, sa ifo o ia lava i le eleele, i luma o le Alii, ma tautala atu i luma o le Alii, ua fai atu: Aisea ua amanaia ai a’u i lau silafaga, ma o a’u ua na’o se tama, ma ua inoino mai tagata uma ia te a’u; ona e agese la’u tautala; o lea, aisea ua avea ai a’u ma au auauna?

32 Ma sa fetalai mai le Alii ia Enoka: Alu atu ma fai e pei ona Ou poloaiina ai oe, ma e leai se tagata o le a atia oe. Tatala lou agutu, ma o le a faatumuina, ma o le a Ou tuu atu ia te oe upu e te tautala ai, aua ua i o’u lima tagata uma, ma o le a Ou faia e tusa ai ma le lelei ia te a’u.

33 Fai atu i lenei nuu: Ia outou afilifili i le aso nei, e auauna atu i le Alii le Atua o lē na faia outou.

34 Faauta ua i ou luga lo’u Agaga, o le mea lea o au upu uma o le a Ou ta’utonuina; ma o le a sosola amauga ai ou luma, ma o le a liliu evaitafe mai i o latou alātafe; ma o le a mau oe ia te a’u, ma a’u ia te oe; o lea, isavali faatasi ma a’u.

35 Ma sa fetalai mai le Alii ia Enoka, ma fai mai ia te ia: Ia nini ou mata i le palapala, ma fufulu lea, ma o le a mafai ona e vaai. Ma sa faapea ona faia e ia.

36 Ma sa vaai o ia i aagaga na foafoaina e le Atua; ma sa vaai foi o ia i mea sa lē vaaia e mata efaalenatura; ma mai i le taimi lena ma le agai i luma na oo mai ai le tala faalauaitele i le laueleele: Ua faatuina a’e e le Alii se itagatavāai i lona nuu.

37 Ma sa oo ina alu atu Enoka i le laueleele, i totonu o le nuu, ua tu i luga o maupuepue ma mea maualuluga, ma alaga atu ma le leo tele, ua molimau atu e faasaga ia latou galuega; ma sa atausuai tagata uma ona o ia.

38 Ma sa latou o mai e faalogologo ia te ia, i luga o mea maualuluga, ua fai atu i e e tausi-faleie: Ia outou nonofo iinei ma vaavaai faleie, a’o matou o i ’o e vaavaai i le tagatavāai, ona ua vavalo o ia, ma ua i ai se mea uiga ese i le laueleele; ua sau se tagata valevale i totonu o i tatou.

39 Ma sa oo ina ua latou faalogo atu ia te ia, sa leai se tagata na faaoo atu lima ia te ia; ona sa oo mai le mata’u ia i latou uma o e na faalogo atu ia te ia; aua sa savavali o ia faatasi ma le Atua.

40 Ma sa sau se tagata ia te ia, o lona igoa o Maaisa, ma fai mai ia te ia: Ta’u manino mai ia i matou po o ai oe, ma le mea e te sau ai?

41 Ma sa fai atu o ia ia te i latou: Na ou aluese mai le laueleele o Kainano, o le laueleele o o’u tamā, o se laueleele o le amiotonu e oo mai i le aso nei. Ma sa aoaoina a’u e lo’u tamā i ala uma o le Atua.

42 Ma sa oo ina a’o ou malaga mai le laueleele o Kainano, i tafatafa o le sami i sasae, sa ou vaaia se faaaliga vaaia; ma faauta, sa ou vaai i le lagi, ma sa fetalai mai le Alii ia te au, ma tuu mai ia te au se poloaiga; o le mea lea, ona o le pogai lenei, ia tausia le poloaiga, ua ou tautala atu ai nei upu.

43 Ma sa faaauau e Enoka lana lauga, ua faapea atu: O le Alii o lē na fetalai mai ia te au, o lea lava o le Atua o le lagi, ma o ia o lo’u Atua, ma lo outou Atua, ma o outou o o’u uso, ma aisea ua outou ataupulepule ai ia te outou lava, ma faafitia le Atua o le lagi?

44 O le lagi na faia e ia; o le alalolagi o lona etuuaao; ma o lona faavae o lana lava. Faauta, o ia na faataotoina, na ia aumai i ona luga se ’au o tagata e toatele.

45 Ma ua oo mai le oti i luga o o tatou tamā; ae ui i lea, ua tatou iloa i latou, ma lē mafai ona faafitia, ma e oo lava i lē ua muamua i tagata uma ua tatou iloa, o Atamu lava.

46 Ona ua tatou tusia i totonu o i tatou se tusi afaamanatu, e tusa ma le ata na tuu mai e le tamatamaiaao o le Atua; ma sa tuuina mai i la tatou lava gagana.

47 Ma a’o fetalai atu e Enoka afioga a le Atua, sa gatete tagata, ma lē mafai ona tutulai i ona luma.

48 Ma sa fai atu o ia ia te i latou: Ona sa apa’ū Atamu, ua tatou i ai; ma o lona pa’ū ua oo mai ai le eoti; ma ua oo mai ai ia i tatou le pagatia ma le malaia.

49 Faauta ua sau Satani i totonu o le fanauga a tagata, ma afaaosooso i latou e ifo atu ia te ia; ma ua avea ai tagata ua efaaletino, ifaalelagona, ma faaletiapolo, ma ua otapunia ese mai luma o le Atua.

50 Peitai sa faailoa mai e le Atua i o tatou tamā e ao i tagata uma ona salamo.

51 Ma sa fetalai mai o ia i lo tatou tamā o Atamu i lona lava siufofoga, ua faapea mai: O A’u o le Atua; o A’u na faia le lalolagi, ma atagata ea o lei i ai i latou i la le tino.

52 Ma sa fetalai mai foi o ia ia te ia: Afai e te liliu mai ia te a’u, ma faalogo mai i lo’u leo, ma talitonu, ma salamo i au soligatulafono uma, ma apapatiso, i le vai lava, i le suafa o lo’u Atalii Pele e Toatasi, o lē ua tumu i le ealofa tunoa ma le upumoni, o iIesu Keriso lea, le osuafa lava lea e tasi o le a tuuina atu i lalo o le lagi, o le a oo mai ai le ufaaolataga i le fanauga a tagata, o le a e maua le meaalofa o le Agaga Paia, ma ole mai i mea uma i lona suafa, ma o soo se mea e te ole mai ai, o le a tuuina atu ia te oe.

53 Ma sa fai atu lo tatou tamā o Atamu i le Alii, ua faapea atu: Aisea e tatau ai i tagata ona salamo ma papatiso i le vai? Ma sa fetalai mai le Alii ia Atamu: Faauta ua Ou afaamagaloina oe i lau solitulafono i le Faatoaga o Etena.

54 O lea na oo mai ai le tala i totonu o le lautele o le nuu, e faapea ua atogiola le eAlo o le Atua mo le uluai sala, lea e lē mafai ai ona tali o agasala a matua i luga o ulu o ifanau, ona ua mamā i latou mai le faavaega o le lalolagi.

55 Ma sa fetalai mai le Alii ia Atamu, e faapea: Talu ai ona ua fananau mai au fanau i le agasala, e faapea lava pe a amata ona latou ola a’e, ona tuputupu o le aagasala i o latou loto, ma latou te tofo i le eoona, ina ia latou iloa ai ona faataua le lelei.

56 Ma ua tuu atu ia te i latou ia iloa le lelei mai le leaga; o le mea lea o i latou o ni apule ia i latou lava, ma ua Ou tuu ia te oe se isi tulafono ma poloaiga.

57 O le mea lea ia aoao atu i lau fanau, e ao i tagata uma, i soo se mea lava, ona asalamo, po o o le a leai se ala e mafai ai ona latou mautofi i le malo o le Atua, ona e leai se mea elē mamā e mafai ona mau iina, pe imau i ona luma; ona, i le gagana a Atamu, o le oTagata Paia o lona suafa lea, ma o le suafa o lana Toatasi na Fanaua o le uAtalii o le Tagata, o Iesu Keriso lava, o se fFaamasino amiotonu, o lē o le a afio mai i le vaeluaga o taimi.

58 O lea Ou te tuu atu ia te oe se poloaiga, ia aoao saoloto atu ia mea i lau afanau, ua fai atu:

59 Ona o le solitulafono ua oo mai ai le pa’ū, o le pa’ū lea ua aumaia le oti, ma talu ai ona sa outou fananau mai i le lalolagi i le vai, ma le toto, ma le aagaga, lea na Ou faia, ma faapea ona avea ai o le eefuefu o se tagata ola, e faapea lava ona tatau ona itoe fanauina o outou i le malo o le lagi, i le ovai, ma i le Agaga, ma faamamaina i le toto, o le toto lava lea o la’u Toatasi na Fanaua; ina ia mafai ona faapaiaina outou mai agasala uma, ma uolioli i fafioga o le ola faavavau i le lalolagi lenei, ma le ola faavavau i le lalolagi a sau, o le gmamalu ola pea lava;

60 Ona o le avai tou te tausia ai le poloaiga; o le Agaga e eta’uamiotonu ai outou, ma o le itoto e ofaapaiaina ai outou;

61 O lea ua tuuina atu ai e mau ia te outou; o le mau o le lagi; o le aFesoasoani; o mea filemu o le mamalu ola pea; o le upumoni o mea uma; o lē e faavaveina mea uma, lea na te faaolaina mea uma; o lē na te silafia mea uma, ma ua i ai le mana uma tau i le atamai, alofa mutimutivale, upumoni, fai mea tonu, ma le faamasinotonu.

62 Ma o lenei, faauta, Ou te fai atu ia te oe: O le afuafuaga o le faaolataga lenei mo tagata uma, e ala i le toto o la’u eToatasi na Fanaua, o lē o le a afio mai i le vaeluaga o taimi.

63 Ma faauta, e i ai se faatusa o mea uma, ma ua foafoaina mea uma ma faia e amolimau ia te a’u, o mea faaletino, atoa ma mea faaleagaga; o mea o i le lagi i luga, ma mea o i luga o le lalolagi, ma mea o i totonu o le lalolagi, ma mea o i lalo o le lalolagi, i luga atoa ma lalo: ua molimau mea uma ia te a’u.

64 Ma sa oo ina ua uma ona fetalai mai o le Alii ia Atamu, lo tatou tamā, sa tagi atu Atamu i le Alii, ma sa segia ese o ia e le aAgaga o le Alii, ma sa aveina ifo o ia i lalo i totonu o le vai, ma sa faataatia i lalo o le evai, ma sa aveina a’e o ia i fafo mai le vai.

65 Ma sa faapea ona papatisoina o ia, ma sa afio ifo le Agaga o le Atua i luga o ia, ma sa faapea ona afanauina o ia i le Agaga, ma faaolaolaina i etotonu o lona tagata.

66 Ma sa faalogoina e ia se leo mai le lagi, ua fetalai mai: Ua apapatisoina oe i le afi, ma le Agaga Paia. O le emau lenei a le Tamā, ma le Alo, mai le taimi nei ma le aga’i i luma ma le faavavau;

67 Ma o oe o se tasi o le afaatulagaga a ia o lē ua aunoa ma se amataga o aso po o se gataaga o tausaga, mai le vavau atoa e oo i le faavavau atoa.

68 Faauta, ua atasi oe ia te a’u, o se atalii o le Atua; ma ua faapea ona mafai ona avea tagata uma ma o’u eatalii. Amene.