Mosese 6
    Footnotes

    Wase 6

    (Noveba–Tiseba 1830)

    Era sa maroroya e dua na ivola ni vakananumi ko ira na kawa i Atama—Era sa vunautaka na veivutuni ko ira na nona kawa yalododonu—Sa vakatakilai Koya na Kalou vei Inoki—Sa vunautaka na kosipeli ko Inoki—Sa vakatakilai vei Atama na sala me na bula kina na tamata—Sa papitaisotaki ka soli vua na ilesilesi vakabete.

    1 Ia sa muria na domo ni Kalou ko aAtama ka vakaroti ira na luvena me ra veivutuni.

    2 A rau sa veiyacovi tale ko Atama kei na watina, a sa vakasucuma e dua na gonetagane, ka sa vakayacani koya ko aSeci. A sa vakalagilagia na yaca ni Kalou ko Atama; ni sa kaya: Raica sa solia vei au na Kalou e dua na kawa me isosomi kei Epeli, ka a vakamatea ko Keni.

    3 A sa vakatakilai koya vei Seci na Kalou, ka sa sega ni talaidredre kina ko koya, ia sa cabora na aisoro sa vakadonui, me vaka na tuakana ko Epeli. A sa sucu talega e dua na luvena tagane, ka vakatoka me yacana ko Inosi.

    4 A sa tekivu me ratou amasuta na Turaga ko iratou oqo, ka sa vakalougatataki iratou kina na Turaga;

    5 A sa maroroi e dua na aivola ni vakananumi, ia sa volai kina ena vosa i Atama, ni sa soli vei ira kecega era sa kerea vua na Kalou me ra volavola ena yalo ni bveivakauqeti;

    6 Ia era sa vakavulici na nodra kawa mai vei ira me ra kila na wilivola kei na volavola, a sa savasava ka sega ni vakacacani na nodra vosa.

    7 Ia na aMatabete vata ga oqo, ka a tu mai na ivakatekivu, ena tu talega ena ivakataotioti kei vuravura.

    8 Ia sa parofisaitaka na ka oqo ko Atama, ni sa vakauqeti koya kina na aYalo Tabu, ka sa maroroi kina e dua na bitukutuku ni nodra kawa na cluve ni Kalou. Sai koya oqo na divola ni veitabatamata nei Atama, ka kaya: Ena siga sa bulia kina na tamata na Kalou, sa buli koya me ucuya na Kalou.

    9 A sa buli arau na tagane kei na yalewa me ratou bveiucui kaya, ka vakalougatataki rau, ka vakatoka na cyacadrau ko Atama, ena siga sa buli rau kina, ka sa yaco me rau dtamata bula ena vuravura oqo, na eitutu ni yavana na Kalou.

    10 Ia sa bula ko aAtama ka dua na drau tolusagavulu na yabaki, ka sa qai sucu e dua na luvena tagane ka rau sa veiucui kaya, sa vaka na kena birairai, a sa vakayacana ko Seci.

    11 Ia na gauna sa bula tiko kina ko Atama, ni sa sucu oti ko Seci, e walunadrau na yabaki, a sa sucu tale e vuqa na luvena tagane kei na luvena yalewa;

    12 Ia na gauna taucoko ni nona bula ko Atama, e ciwa na drau tolusagavulu na yabaki, sa qai mate.

    13 A sa bula ko Seci ka dua na drau kalima na yabaki, sa qai sucu na luvena ko Inosi, ia sa parofisai ko Seci ena nona bula taucoko, ka sa vakatavulici Inosi na luvena ena sala ni Kalou; o koya sa parofisai talega kina ko Inosi.

    14 Ia ni sa sucu ko Inosi, sa bula tiko ko Seci ka walu na drau kavitu na yabaki, a sa sucu e vuqa tale na luvena tagane kei na yalewa.

    15 A ra sa lewe vuqa sara na tamata ena vanua. Ia ena gauna ko ya sa akaukauwa sara kina na cakacaka nei Setani ena kedra maliwa na tamata, ka sa lewa tale ga na yalodra; a sa tekivu mai na gauna ko ya na ivalu kei na vakadave dra; a ra sa veicacati vakaira ka veivakamatei ena binaki butobuto, me ra rawa ka kina.

    16 Ia na yabaki kecega sa bula kina ko Seci, sa ciwa na drau tinikarua na yabaki, sa qai mate.

    17 A sa bula ko Inosi ka yabaki ciwasagavulu sa qai sucu na luvena ko aKeinana. A sa lako tani mai na vanua ko Suloni ko Inosi kei ira na vo ni tamata ni Kalou, ka ra laki vakaitikotiko ena dua na vanua yalataki; a sa vakatoka ko koya na vanua ko Keinana, me vaka na yacai na luvena.

    18 Ia ni sa sucu ko Keinana, sa bula tiko ko Inosi ka yabaki walu na drau tinikalima, a sucu tale e vuqa na luvena tagane kei na yalewa. Ia na yabaki kecega sa bula kina ko Inosi, sa ciwa na drau kalima na yabaki, sa qai mate.

    19 A sa bula ko Keinana ka yabaki vitusagavulu, sa qai sucu na luvena ko Meelelieli; ia ni sa sucu ko Meelelieli, sa bula tiko ko Keinana ka yabaki walu na drau vasagavulu, a sa sucu tale eso na luvena tagane kei na yalewa. Ia na yabaki kecega sa bula kina ko Keinana, sa ciwa na drau katini na yabaki, sa qai mate.

    20 A sa bula ko Meelelieli ka yabaki onosagavulu kalima, sa qai sucu ko Jereti; ia ni sa sucu ko Jereti, sa bula tiko ko Meelelieli ka yabaki walu na drau katolusagavulu, a sa sucu e so tale na luvena tagane kei na yalewa. Ia na yabaki kecega sa bula kina ko Meelelieli sa walu na drau ciwasagavulu kalima na yabaki, sa qai mate.

    21 A sa bula ko Jereti ka yabaki dua na drau onosagavulu karua, sa qai sucu ko aInoki; ia ni sa sucu ko Inoki, sa bula tiko ko Jereti ka yabaki walu na drau, a sa sucu eso tale na luvena tagane kei na yalewa. A sa vakavulici Inoki ko Jereti ena ivakavuvuli kece ni Kalou.

    22 Sai koya oqo na itukutuku ni nodra kawa na luvei Atama, o koya na aluve ni Kalou, ka rau sa veivosaki sara ga vata kei na Kalou.

    23 Ka ra sa dau avunautaka na ivalavala dodonu, era sa vosa ka bparofisai, ka vakarota na tamata kecega, ena veivanua kecega, me ra cveivutuni, ka sa vakavulici vei ira na luve ni tamata na dvakabauta.

    24 Ka sa yaco ni yabaki kecega sa bula kina ko Jereti, sa ciwa na drau onosagavulu karua na yabaki, sa qai mate.

    25 A sa bula ko Inoki ka yabaki onosagavulu kalima sa qai sucu ko aMecusela na luvena.

    26 Ka sa yaco ni sa dau veilakoyaki voli ena veivanua ko Inoki, ena kedra maliwa na tamata; ia ni sa veilakoyaki voli, sa lako sobu mai lomalagi na Yalo ni Kalou, ka mai tiko vua.

    27 A sa rogoca e dua na domo mai lomalagi, sa kaya: Inoki na luvequ, mo parofisai vei ira na tamata oqo, ka kaya vei ira—Dou veivutuni, ni sa kaya vakaoqo na Turaga: Au sa acudruvi ira na tamata oqo, ia na noqu cudru katakata sa waqa cake tiko me baleti ira; ni ra sa vakaukauwataka na yalodra ka sa bsega ni rogo rawa na cdaligadra, se rai vakayawa na matadra.

    28 Ia ena veitabatamata e vuqa, me tekivu mai na gauna au sa buli ira kina, era sa alako sese, ka cakitaki au, ka ra sa muria ga na lomadra butobuto; era sa nakita me ra laba ena nodra itovo vakasisila, ka ra sa sega ni muria na ivakaro, kau a solia vua na tamadra, ko Atama.

    29 O koya, era sa bubului kina vakailasu vakaira, ia, ena nodra abubului, era sa kauta mai kina ki vei ira na mate; ia au sa vakarautaka tu me baleti ira e dua na beli, kevaka era sega ni veivutuni.

    30 Ia oqo e dua na lawa, kau sa biuta yani ena ivakatekivu ni vuravura, mai na gusuqu, mai na kena ivakatekivu, ia ena gusudra na noqu tamata, o ira na nomudou qase, au sa lewa kina, io ena qai kau yani ki vuravura, ki na kena iyalayala.

    31 Ia ni sa rogoca na vosa oqo ko Inoki, sa cuva sobu ki na qele, ena mata ni Turaga, ka kaya: Oi kemuni na Turaga; a cava au sa kune loloma kina e matamuni, ia au sa tamata gone ga, ka ra sa cudruvi au kecega na tamata; niu sa dau vosa amalua; na cava beka au nomuni tamata kina?

    32 A sa kaya na Turaga vei Inoki: Mo lako yani ka kitaka na ka au sa vakarota vei iko, ena sega ni dua na tamata e cokai iko. Mo dolava na agusumu, ka na qai vakasinaiti, kau na tukuna vei iko na vosa mo cavuta, niu sa lewa na tamata kecega, kau na kitaka ga na ka e vinaka vei au.

    33 Mo kaya vei ira na tamata oqo: Mo dou alewa mada edaidai, mo dou qarava na Turaga na Kalou o koya ka buli kemudou.

    34 Raica sa tiko vata kei iko na Yaloqu, ia au na vakadonuya na nomu vosa kecega; ia ena dro tani mai matamu na aveiulunivanua, ka vagolea tani na drodro ni buciwai; ia, ko na tu vei au, ka’u na tu vei iko; o koya mo clako kina vata kei au.

    35 A sa vosa vei Inoki na Turaga, ka kaya vua: Mo lumuta na matamu ena soso, ka la’ki tavoi, io ko na qai raica. A sa kitaka vakakina ko koya.

    36 A sa raici ira kecega na ayalo sa buli ira na Kalou; ka raica talega na veika kece sa sega ni raica rawa na mata bvakayago; ia mai na gauna ko ya sa rogovaki yani vakaoqo na kena itukutuku ena veivanua tani: Raica sa vakatubura na Turaga e dua na cdaurairai vei ira na nona tamata.

    37 Ka sa yaco ni sa lako yani ko Inoki ena loma ni vanua, ena kedra maliwa na tamata, sa tucake ena veidelana kei na veivanua cecere, ka kaci vakadomoilevu, ka vakadinadina ena vuku ni nodra cakacaka; a ra sa acudruvi koya na tamata kecega.

    38 Ka ra sa lako yani ki na veivanua cecere me ra rogoci koya, era sa kaya vei ira na ivakatawa ni vale laca: Dou tiko ga eke ka vakatawana tiko na vale laca, ni keimami sa lako ki kea me raici koya na daurairai, ni sa parofisai tiko, ka ni sa yaco e dua na ka vou ena vanua oqo; ni sa lako mai vei keda e dua na tamata kila.

    39 Ka sa yaco ni ra sa rogoci koya, sa sega ni dua e tarai koya; ni sa tarai ira kecega era sa rogoci koya na rere; ni sa lako vata kei koya na Kalou.

    40 A sa lako mai vua e dua na tamata na yacana ko Maija, ka kaya vua: Tukuni iko mada vakadodonu vei keimami, kei na vanua ko lako mai kina?

    41 Ka sa kaya vei ira ko koya: Au sa lako mai na vanua ko Keinana, na nodra vanua na noqu qase, na vanua ni ivalavala dodonu me yacova mai na gauna oqo. Ka sa vakavulici au ko tamaqu ena ivakavuvuli kece ni Kalou.

    42 Ka sa yaco, niu sa lako tiko mai na vanua ko Keinana, ena wasawasa ki na tokalau, au sa raica e dua na raivotu; ia rogoca, au sa raica na lomalagi, ka keirau sa veivosaki kei na Turaga, ka solia vei au na ivakaro; ia ena inaki oqo, me muri na ivakaro, au sa tukuna yani kina na veivosa oqo.

    43 Ka sa tomana ko Inoki na nona vosa, ka kaya: Raica na Turaga ka keirau sa veivosaki vata, sai koya ga na Kalou mai lomalagi, ka sai koya na noqu Kalou, ka nomudou Kalou, ka sai kemudou na wekaqu, ia na cava dou sa anuitaki kemudou ga kina, ka cakitaka na Kalou mai lomalagi?

    44 Sa buli lomalagi ko koya; ka sa aitutu ni yavana ko bvuravura; ia sai Koya sa tauyavutaka. Raica, sa vakotora ko koya, ka vakatikori ira kina na tamata e vuqa.

    45 Raica era sa mate yani na neimami qase; ia keimami kilai ira kece tu me yaco sara vei Atama; a ka oqo keimami sega ni rawa ni cakitaka.

    46 Ni keimami sa vola tu ena keimami maliwa e dua na ivola ni avakananumi, me vaka na kena iwalewale sa soli mai na iqaqalo ni liga ni Kalou; ka sa soli mai ena noda vosa.

    47 Ia ni sa vunautaka tiko ko Inoki na vosa ni Kalou, era sa sautaninini na tamata, ka sega ni tu rawa e matana.

    48 Ka sa kaya vei ira ko koya: Ena vuku ni alutu nei Atama, eda sa sucu kina; ia na nona lutu sa yaco kina na bmate; ka da sa votai kina ena rarawa kei na cudruvi.

    49 Raica sa lako mai ko Setani vei ira na luve ni tamata, ka atemaki ira me ra qaravi koya; a ra sa bgadreva na veika vakayago, cdaugarogaro, ka yalo vakatevoro, ka ra sa dmuduki tani mai na mata ni Kalou.

    50 Ia sa dau vakarota na Kalou vei ira na neimami qase me ra veivutuni na tamata kecega.

    51 A sa vosa vei Atama na noda qase ena domona sara ga, ka kaya: Koi au na Kalou; raica au a bulia na vuravura, kei na atamata ni bbera ni ra mai sucu vakayago.

    52 A sa kaya tale ga vua: Kevaka ko na gole mai vei au, ka rogoca na domoqu, ka vakabauta, ka veivutunitaka na veika kece sara o talaidredre kina, ka apapitaisotaki, ena wai, ena yaca ni Luvequ e Duabau ga, o koya sa sinai ena bloloma soli wale kei na dina, io ko cJisu Karisito, na dyaca duadua ga sa soli ena rukui lomalagi, me na rawa kina na eveivakabulai vei ira na luve ni tamata, dou na ciqoma na isolisoli ni Yalo Tabu, ni dou sa kerea na ka kecega ena yacana, ia na ka kecega dou na kerea, ena soli vei kemudou.

    53 Ka sa vosa vua na Turaga na noda qase ko Atama, ka kaya: A cava me ra veivutuni kina na tamata ka papitaisotaki ena wai? A sa kaya na Turaga vei Atama: Raica au sa avosota na nomu talaidredre mai na were ko Iteni.

    54 Ena vuku ni ka oqo sa rogo kina na vosa mai na veivanua ena kedra maliwa na tamata, ni sa asorovaka na caka cala taumada na bLuve ni Kalou, sa na sega kina ni saumi na nodra ivalavala ca na qase e uludra na cluvedra, ni ra sa savasava tu mai na tauyavutaki ni vuravura.

    55 A sa vosa vei Atama na Turaga, ka kaya: Me vaka ni ra sa kunekunetaki na luvemu ena ivalavala ca, io ni ra sa tekivu tubu cake mai, sa kunekunetaki e yalodra na aivalavala ca, ia ni ra sa tovolea na kena bgaga, era sa na qai kila me ra gadreva na veika vinaka.

    56 Ia sa soli vei ira me ra kila na ka vinaka mai na ka ca; o koya era sa dui avakatulewa ga kina me baleti ira, ia au sa solia oqo vei iko e dua na lawa kei na vunau.

    57 Ia mo vakatavulica vei ira na luvemu, me ra aveivutuni na tamata kecega, e veivanua kecega; kevaka e sega era na sega ni rawata na matanitu ni Kalou, ni sa sega na ka btawasavasava sa tiko rawa kina, se ctiko rawa e matana; ni sa tukuni Koya vakaoqo ko Atama: na dTamata Yalosavasava na yacana; ia na yacana na nona Le Duabau ga na eLuve ni Tamata; io ko Jisu Karisito na fTuraganilewa Dodonu, o koya ena lako mai ena gauna sa lokuci.

    58 O koya au sa solia kina vei kemudou e dua na ivakaro, mo dou vakatavulica raraba yani na veika oqo vei ira na nomudou akawa, ka kaya:

    59 Ni sa yaco na lutu ena vuku ni talaidredre, na lutu oqori sa yaco kina na mate, ia me vaka ni ko a sucu mai ki vuravura ena wai, kei na dra, kei na ayalo, ka’u sa bulia, ka sa yaco kina na bkuvu ni soso me tamata bula, io sa kilikili kina mo csucu tale ki na matanitu vakalomalagi, ena dwai, kei na Yalo, ka vakasavasavataki ena dra, io na nona dra na noqu Le Duabau ga; mo dou vakatabui kina mai na ivalavala ca kecega, ka emarautaka na fvosa ni bula tawamudu ena vuravura oqo, kei na bula tawamudu ena vuravura sa bera mai, io na glagilagi tawa mate rawa;

    60 Io ena awai dou sa muria kina na ivakaro; ena Yalo dou sa bvakadonui kina, kei na cdra dou sa dvakatabui kina;

    61 Ia sa soli me tiko ga kei iko; na itukutuku kei lomalagi; na aDauveivakacegui; na veika sautu ni lagilagi tawa cava; na dina ni veika kecega; o koya sa vakabulabulataka na ka kecega, o koya sa vakabula na ka kecega; o koya sa kila na ka kecega, ka tu vua na kaukauwa kecega me vaka na yalomatua, na loloma uasivi, na dina, na lewa dodonu, kei na lewa.

    62 Ia oqo, raica, au sa kaya vei iko: Oqo na aituvatuva ni veivakabulai me baleta na tamata kecega, mai na nona dra na noqu bLe Duabau Ga, raica ena lako mai ena ituvuka ni gauna.

    63 Ia raica, na ka kecega sa tu na ka e tautauvata kaya, ia na veika kecega sa buli ka caka me atukuni au, na veika vakavuravura, kei na veika vakayalo; na veika sa tu mai lomalagi e cake, kei na veika sa tiko e vuravura, kei na veika sa tiko e rukui vuravura; na veika sa tiko e delana kei na rukuna: na veika kecega era sa tukuni au.

    64 Ka sa yaco, ni sa veivosaki oti kei Atama na Turaga, na tamada, sa tagi vua na Turaga ko Atama; a sa kauti koya na aYalo ni Turaga, ka kauti koya sobu ki loma ni bwai, ka sa tabadromuci e wai, ka vakamatari cake mai wai.

    65 A sa papitaisotaki vakaoqo ko koya, ka sa curumi koya na Yalo ni Kalou, a sa vakaoqo na asucu vou ena Yalo, ka sa vakabulabulataki na tamata e blomana.

    66 A sa rogoca e dua na domo mai lomalagi, sa kaya: Ko sa apapitaisotaki ena bukawaqa, kei na Yalo Tabu. Raica oqo na kena bivakarau erau sa virikotora na Tamada kei na Luvena, mai na gauna oqo ka sega ni mudu;

    67 Ia ko iko sa alesi iko ko Koya sa sega na itekivu ni nona veisiga se na itinitini ni nona veiyabaki, mai na gauna tawamudu ki na gauna tawamudu kecega.

    68 Raica, ko sa aduavata kei au; ko sa luve ni Kalou; ia ena sala oqo sa yaco rawa kina me bluvequ na tamata kecega. Emeni.