1 Ket napasamak a kalpasan ti panangpapanawko, siak, ti Apo a Dios, kadakuada, a rinugian ni Adan a sukayen ti daga, ken ^anangituray kadagiti amin nga ayup iti talon, ken nangan iti tinapayna babaen ti ling-et ti mugingna, a kas imbilinko siak nga Apo kenkuana. Ket nagtrabaho, met, ni Eva, ti asawana, a kaduana.

2 Ket kinainnayat ni Adan ti asawana, ket ^aimpasngayanna iti annak a lallaki ken ^bbabbai, ket rinugianda ti ^cnagpaadu ken nangpunno iti daga.

3 Ket manipud iti dayta a kanito, rinugian dagiti lallaki ken ^ababbai nga annak ni Adan ti nagbibingay iti sagdudua iti daga, ken nangsukay iti daga, ken agtaraken iti dinguen, ket naaddaanda met kadagiti annak a lallaki ken babbai.

4 Ket immawag da Adan ken Eva, ti asawana, iti nagan ti Apo, ket nangngegda ti timek ti Apo manipud iti dana nga agturong iti Minuyongan ti ^aEden, a nagsao kadakuada, ket saanda a nakita; ta nailaksidda iti ^bimatangna.

5 Ket binilinna ida, a nasken nga ^aagdayawda iti Apo a Diosda, ken nasken nga idatonda dagiti ^binauna nga annak dagiti arbanda, a kas daton iti Apo. Ket ^cmanagtungpal ni Adan kadagiti bilin ti Apo.

6 Ket kalpasan ti adu nga aldaw nagparang ti ^aanghel ti Apo ken ni Adan, a nagkuna: Apay a mangidatonka kadagiti ^bsakripisio iti Apo? Ket kinuna ni Adan kenkuana: Diak ammo, malaksid no binilinnak ti Apo.

7 Kalpasanna nagsao ti anghel, a kinunana: ^aKaarngi daytoy a banag ti ^bpanagsakripisio ti Bugbugtong ti Ama, a napno iti ^cparabur ken kinapudno.

8 Gapuna, aramidem ti amin nga aramidmo iti ^anagan ti Anak, ket ^bagbabawika ken ^cumawagka iti Dios iti nagan ti Anak a patinayon.

9 Ket iti dayta nga aldaw bimmaba ti ^aEspiritu Santo ken ni Adan, a nangitugot iti pakaammo ti Ama ken ti Anak, a nagkuna: Siak ti ^bBugbugtong ti Ama manipud idi punganay, ita ken iti agnanayon, a no ^cmatnagka mabalinmo la ti ^dmasubbot, ken ti sangkataw-an, nga uray no kasano ti kaaduna.

10 Ket iti dayta nga aldaw rinaem ni Adan ti Dios ket ^anaparaburan, ket rinugianna ti ^bnagipadto maipanggep kadagiti kaamaan iti daga, a kinunana: Madaydayaw koma ti nagan ti Dios, ta gapu iti panaglabsingko nalukatan dagiti matak, ken maaddaanak iti ^crag-o iti daytoy a biag, ket manen iti ^dlasag makitakto ti Dios.

11 Ket nangngeg ni ^aEva, ti asawana, amin dagitoy a banag ket naragsakan, ket kinunana: No saan a gapu iti panaglabsingmi saankami koma a naaddaan iti ^bbukel, ket pulos koma a dimi naammuan ti naimbag ken dakes, ken ti rag-o iti pannakasubbotmi, ken ti agnanayon a biag nga ited ti Dios kadagiti amin a managtungpal.

12 Ket dinayaw da Adan ken Eva ti nagan ti Dios, ket ^aimpakaammoda amin a banag kadagiti annakda a lallaki ken babbai.

13 Ket immasideg kadakuada ni ^aSatanas, a kinunana: Anaknak met ti Dios; ket binilinna ida, a kinunana: Saankayo a mamati; ket saanda a ^bnamati, ket ad-adda nga ^cimpategda ni Satanas ngem ti Dios. Ket nangrugi dagiti tao manipud iti dayta a kanito a nagbalin a ^dnailubongan, nainlasagan, ken nainsairuan.

14 Ket inawagan ti Apo a Dios dagiti tao babaen ti ^aEspiritu Santo iti amin a lugar ket imbilinna a nasken nga agbabawida;

15 Ket kas iti kaadu ti ^amamati iti Anak, ket agbabawida iti basbasolda, ti ^bmaisalakanto; ket kas iti kaadu ti di mamati ken saan nga agbabawi, ^cmailunodto; ket nagaon dagiti balikas iti ngiwat ti Dios a sipapasnek; gapuna nasken a matungpalda.

16 Ket saan a nagsarday ti yaawag da Adan ken Eva, ti asawana, iti Dios. Ket kinainnayat ni Adan ni Eva nga asawana, ket ininaw ken impasngayna ni ^aCain, ket kinunana: Inikkannak ti Apo iti lalaki; gapuna saanna nga awaten dagiti balikasna. Ngem adtoy, saan a dimngeg ni Cain, ket kinunana: Asino nga Apo dayta a nasken nga ammuek?

17 Ket nagsikog manen ken impasngayna ti kabsatna a ni ^aAbel. Ket ^bdinengngeg ni Abel ti timek ti Apo. Ket ni Abel ti pastor ti karnero, ngem ni Cain ti para sukay iti daga.

18 Ket ad-adda nga ^aimpateg ni Cain ni Satanas ngem ti Dios. Ket binilin ni Satanas, a kinunana: ^bMangtedka iti daton iti Apo.

19 Ket iti panaglabas ti panawen napasamak a nagpuros ni Cain iti bunga iti daga ket indatonna iti Apo.

20 Ket ni Abel, indatonna met dagiti inauna nga annak dagiti arbanna, ken dagiti nalukmeg. Ket impateg ti Apo ni Abel, ken ti ^adatonna;

21 Ngem ken ni Cain, ken ti ^adatonna, dina inkankano. Ita ammo daytoy ni Satanas, ket nakaragsakanna. Ket kasta unay ti pungtot ni Cain, ket nagliday ti rupana.

22 Ket kinuna ti Apo ken ni Cain: Apay nga agpungtotka? Apay a naliday dayta rupam?

23 No agaramidka iti nasayaat, ^amaawatkanto. Ngem no agaramidka iti saan a nasayaat, agur-uray ti basol iti ridaw, ket tarigagayan ni Satanas nga alaennaka; ket malaksid no dumngegka kadagiti bilinko, isalakankanto, ket addanto kenka a maibatay iti tarigagaymo. Ket sikanto ti mangituray kenkuana;

24 Ta manipud iti daytoy a kanito sikan ti ama dagiti kinaulbodna; maawagankanto iti ^aManangdadael; ta maysaka met idi sakbay ti lubong.

25 Ket masaonto iti dumteng a panawen—A namunganay dagitoy ^amakarimon nga aramid ken ni Cain; ta dina inawat ti napatpateg a balakad a nagtaud iti Dios; ket daytoy ti lunod nga ipatawkonto kenka, malaksid no agbabawika.

26 Ket nagpungtot ni Cain, ket saanen a dimngeg iti timek ti Apo, wenno ken ni Abel, ti kabsatna, a nagna a sililinteg iti sango ti Apo.

27 Ket nagladingit da Adan ken ti asawana iti sango ti Apo, gapu ken ni Cain ken dagiti kabsatna.

28 Ket napasamak nga innala ni Cain nga asawa ti maysa kadagiti babbai nga annak ti kabsatna, ket ad-adda nga ^aimpatpategda ni Satanas ngem ti Dios.

29 Ket kinuna ni Satanas ken ni Cain: Isapatam kaniak babaen ti karabukobmo, ket matayka no ibagam; ket isapatam ti ulo dagiti kabsatmo, ken babaen ti sibibiag a Dios, a dida ibaga; ta no ibagada, awan duadua a matayda; ket kastoy tapno saan a maammuan ti amam; ket iti daytoy nga aldaw yawatko ni kabsatmo nga Abel kadagiti imam.

30 Ket nagsapata ni Satanas ken ni Cain nga aramidenna a maibatay kadagiti bilinna. Ket naaramid amin dagitoy a banag a sililimed.

31 Ket kinuna ni Cain: Pudno a siak ni Mahan, ti maestro daytoy dakkel a palimed, tapno ^amakapapatayak ken magunggonaanak. Gapuna naawagan ni Cain iti Maestro ^bMahan, ket nagragsak iti kinadangkesna.

32 Ket napan ni Cain iti talon, ket kinasao ni Cain ni Abel, ti kabsatna. Ket napasamak a bayat ti kaaddada iti talon, dinuklos ni Cain ni Abel, ti kabsatna, ket pinapatayna.

33 Ket ^anagragsak ni Cain iti inaramidna, a kinunana: Nawayaak; awan duadua nga agtinnag dagiti arban ti kabsatko kadagiti imak.

34 Ket kinuna ti Apo ken ni Cain: Sadino ti yan ni Abel, ti kabsatmo? Ket kinunana: Diak ammo. Siak kadi ti ^aagaywan iti kabsatko?

35 Ket kinuna ti Apo: Ania ti inaramidmo? Agpakpakaasi kaniak ti timek ti dara ti kabsatmo manipud iti daga.

36 Ket ita mailunodka manipud iti daga nga agnganga a mangawat iti dara ti kabsatmo manipud iti imam.

37 No sukayem ti daga saanto a kumna kenka ti bilegna. ^aWalangwalangkanto ken agpagpagnakanto iti daga.

38 Ket kinuna ni Cain iti Apo: ^aSinulisognak ni Satanas gapu kadagiti arban ti kabsatko. Ket nagpungtotak met; ta inawatmo ti datonna ket dimo inawat kaniak; nadagdagsen ti dusak ngem iti kabaelak a lak-amen.

39 Adtoy pinapanawnak iti daytoy nga aldaw manipud iti imatang ti Apo, ket manipud iti imatangmo aglemmengak; ket agwalangwalangakto ken agpagpagnaakto iti daga; ket mapasamakto, a ti makasarak kaniak papatayennakto, gapu kadagiti basolko, ta saan a mailemmeng dagitoy a banag iti Apo.

40 Ket siak nga Apo kinunak kenkuana: Asino man a mangpapatay kenka, mamimpito a panagibales ti maipaay kenkuana. Ket siak nga Apo nangikabilak iti ^apagilasinan ken ni Cain, no saan patayen ti siasino man a makasarak kenkuana.

41 Ket naisina ni Cain iti ^aimatang ti Apo, ket nagnaed a kaduana ti asawana ken adu kadagiti kabsatna iti daga ti Nod, iti daya ti Eden.

42 Ket kinainnayat ni Cain ti asawana, ket nagsikog ken impasngayna ni Enoc, ket nangputot pay iti adu nga annak a lallaki ken babbai. Ket nangbangon iti ^asiudad, ket impanaganna iti siudad ti nagan ti anakna, ni Enoc.

43 Ket ken ni Enoc naipasngay ni Irad, ken sabali pay nga annak a lallaki ken babbai. Ket pinutot ni Irad ni Mahujael, ken sabali pay nga annak a lallaki ken babbai. Ket pinutot ni Mahujael ni Matusael, ken sabali pay nga annak a lallaki ken babbai. Ket pinutot ni Matusael ni Lamec.

44 Ket nangasawa ni Lamec iti dua; nga Ada ti nagan ti maysa, ket ti nagan ti sabali, Sella.

45 Ket impasngay ni Ada ni Jabel; isu ti ama dagiti nagnaed kadagiti tolda, ket isuda ti agpaspastor iti baka, ket Jubal ti nagan ti kabsatna a lalaki, nga ama dagiti amin nga agiggem iti arpa ken organo.

46 Ket ni Sella, impasngayna met ni Tubal Cain, ti mannursuro ti tunggal salamangkero iti gambang ken landok. Ket maawagan ti kabsat ni Tubal Cain iti Naama.

47 Ket kinuna ni Lamec kadagiti assawana, da Ada ken Sella: Denggenyo ti timekko, dakayo nga assawa ni Lamec, imdenganyo ti sawek; ta pinapatayko ti lalaki a sinugatak, ken ti agtutubo dinangrak.

48 No maibalesto ni Cain iti mamimpito, awanto ti duadua a ^amamimpitopulo-ket-pito ni Lamec;

49 Ta ken ni Lamec a ^anakitulag ken ni Satanas, a kas iti wagas ni Cain, a nagbalinanna a Maestro Mahan, maestro dayta naindaklan a palimed nga impaay ni Satanas ken ni Cain; ken ni Irad, nga anak ni Enoc, a nakaammo iti palimedda, nangrugi nga ipalgakna kadagiti annak a lallaki ni Adan;

50 Gapuna, iti pungtot ni Lamec, pinapatayna, saan a kas ken ni Cain, iti kabsatna a ni Abel, tapno magunggonaan, ngem pinapatayna gapu iti sapata.

51 Ta, manipud kadagiti aldaw ni Cain, adda ^analimed a kinnunsabo, ket dakes dagiti aramidda, ket ammo ti tunggal tao ti kabsatna.

52 Gapuna inlunod ti Apo ni Lamec, ken ti balayna, ken amin dagiti nakitulag ken ni Satanas; ta dida tinungpal dagiti bilin ti Dios, ken pinagurada ti Dios, ket saanna nga inwanwan ida, ket makarimon dagiti aramidda, ket rinugianda nga insaknap kadagiti amin a lallaki nga ^aannak ti tattao. Ket naidanon kadagiti amin a lallaki nga annak ti tattao.

53 Ket saan a nasasao dagitoy a banag kadagiti babbai nga annak ti tattao, gapu ta nasao ni Lamec ti palimed kadagiti assawana, ket sinupringda, ket inwaragawagda dagitoy a banag iti ganggannaet, ket awananda iti pannakipagrikna;

54 Gapuna naallilaw ni Lamec, ket napapanaw, ket saan a naisurot kadagiti lallaki nga annak ti tattao, wenno nasken a matay.

55 Ket kastoy ti panangrugi ti panagturay dagiti aramid iti ^akasipngetan kadagiti amin a lallaki nga annak ti tattao.

56 Ket inlunod ti Dios ti daga iti nakaro a panangilunod, ket nakaunget kadagiti nadangkes, kadagiti amin a lallaki nga annak ti tattao nga inaramidna;

57 Ta dida dinengngeg ti timekna, wenno pinati ti ^aBugbugtong nga Anakna, nga isu ti impakdaarna nga umay iti kangitingitan ti panawen, a naisagana manipud pay idi punganay ti lubong.

58 Ket kastoy ti pannakairugi a maikasaba ti ^aEbanghelio, manipud idi punganay, a kas impakdaar dagiti nasantuan nga ^banghel a naibaon manipud iti imatang ti Dios, ken babaen ti bukodna a timek, ken babaen ti ^csagut ti Espiritu Santo.

59 Ket kastoy ti pannakapaneknek amin a banag ken ni Adan, babaen ti nasantuan nga alagaden, ken ti naikasaba nga Ebanghelio, ken ti naited a paulog, a nasken nga adda iti lubong, agingga iti paggibusanna; ket kastoy ti napasamak. Amen.