1 Epi mwen menm Senyè Bondye a, m te pale avèk Moyiz, m di: ^aSatan ke ou te kòmande nan non Sèl Pitit Literal mwen an, li se menm sa a ki te la depi nan ^bkòmansman an, epi l te vini devan m, epi l te di—Gade, men mwen, voye m, m vle tounen pitit gason ou lan, epi m ap rachte tout limanite, konsa pa menm yon sèl nanm p ap pèdi, epi asireman m ap ^cfè sa; se sa ki fè, ban m onè ou la.

2 Men, gade, ^apitit gason byenneme m nan, ki te byenneme m nan epi ki te ^bchwazi depi nan kòmansman an, te di m konsa—^cPapa, se pou ^dvolonte ou fèt, epi se pou ou ^elaglwa a pou tout tan gen tan.

3 Se sa ki fè, poutèt Satan ^arevòlte kont mwen, epi l chèche pou l detwi ^blib abit lòm, lib abit mwen menm Senyè Bondye a, m te bay lòm nan, epi poutèt Satan te vle pou m ba li pwòp pouvwa pa m nan; pa pouvwa Sèl Pitit Literal mwen an, m te fè ^cchase l;

4 Epi l te vin tounen Satan, wi, dyab la menm, papa tout ^amanti yo, pou twonpe epi pou vegle je lèzòm, epi pou mennen yo kaptif daprè volonte l, sa vle di tout moun ki pa koute vwa mwen.

5 Epi kounyeya, sèpan an te gen plis ^ariz pase nenpòt bèt nan jaden an, mwen menm Senyè Bondye a m te kreye.

6 Epi Satan te mete sa nan kè sèpan an, (paske l te rale anpil dèyè li,) epi l te chèche tou pou l twonpe ^aÈv, paske li pa t konnen panse Bondye, se sa ki fè li te chèche detwi mond lan.

7 Epi l te di fi a: Wi, èske Bondye pa t di—ou pa dwe manje nan fwi ki nan ^ajaden an? (Epi l te pale pa bouch sèpan an.)

8 Epi fi a te di sèpan an: Nou kapab manje nan fwi pyebwa ki nan jaden an;

9 Men, fwi pyebwa ou wè nan mitan jaden an, Bondye te di—nou pa dwe manje ladan l, nou pa dwe touche l tou, pou nou pa mouri.

10 Epi sèpan an di fi a: an verite ou p ap mouri;

11 Paske Bondye konnen jou ou manje ladan l, lè sa a ^aje w ap vin louvri, epi w ap vin tankou Bondye, paske w ap ^bkonnen byen ak mal.

12 Epi lè fi a te wè pyebwa a te bon pou manje, epi li te vin agreyab devan je l, epi se te yon fwi ki te ^akapab fè l vin saj, li te pran nan fwi a, epi l te ^bmanje, epi tou li te bay mari l, ki te manje avèk li.

13 Epi je yo toulède te vin louvri, epi yo te konnen yo te ^atoutouni. Epi yo te koud fèy figye ansanm pou yo fè tabliye pou yo met sou yo.

14 Epi yo te tande vwa Senyè Bondye a, pandan yo t ap ^amache nan jaden an, pandan jounen an te fre; epi Adan ak Èv t al kache lwen prezans Senyè Bondye a nan mitan pyebwa ki te nan jaden an.

15 Epi mwen menm Senyè Bondye a, m te rele Adan, epi m te di l: ki kote w ^aprale?

16 Epi l te di: M te tande vwa ou nan jaden an, epi m te pè, paske m te wè m toutouni, epi m te kache.

17 Epi mwen menm Senyè Bondye a, m te di Adan: Kiyès ki te di w ou toutouni? Èske w te manje nan pyebwa m te kòmande w pou ou pa manje a, e an verite si w te fè sa w t ap ^amouri asireman?

18 Epi lòm nan te di: Fi ou te ban mwen epi ou te kòmande pou rete ansanm avèk mwen an te ban mwen nan fwi pyebwa a epi m te manje.

19 Epi mwen menm Senyè Bondye a, m te di fi a: Kisa w te fè konsa? Epi fi a te di: Sèpan an te ^atwonpe m, epi m te manje.

20 Epi Senyè Bondye a te di sèpan an: Poutèt ou te fè sa, w ap vin pi ^amodi pase tout betay, epi pase tout bèt ki nan jaden an; epi w ap rale sou vant ou, epi ou pral manje pousyè pou tout rès vi w;

21 Epi m ap mete dezinyon ant ou menm avèk fi, ant desandan w ak desandan l; epi li pral pile tèt ou, epi ou pral mòde talon l.

22 Epi mwen menm Senyè Bondye a, m te di fi a: M pral miltipliye soufrans ou nan akouchman ou. Ou pral fè pitit nan ^asoufrans, epi w ap gen anvi pou mari ou, epi l ap dirije ou.

23 Epi mwen menm Senyè Bondye a, m te di Adan: Poutèt ou te koute vwa madanm ou, epi ou te manje nan fwi pyebwa m te kòmande ou, lè m te di—ou pa dwe manje ladan l, tè a pral modi poutèt ou; ou pral manje sa ki soti nan tè a avèk soufrans pou tout lavi ou.

24 Li pral pwodui pikan ak zepin pou ou, epi ou pral manje zèb ki nan jaden an.

25 Se avèk ^aswè figi w ou pral manje pen, jistan ou retounen nan tè a—paske an verite—kòm w ap mouri se ladan l ou te soti: konsa ou se ^bpousyè, epi se nan pousyè a ou pral retounen.

26 Epi Adan te rele madanm li Èv, paske li se manman tout vivan; paske se konsa mwen menm Senyè Bondye a, m te rele fi ki te premye nan pami tout lòt fi yo, ki ^aanpil.

27 Epi mwen menm Senyè Bondye a, m te fè rad avèk po bèt pou Adan ak Èv, epi m te ^aabiye yo.

28 Epi mwen menm Senyè Bondye a, m te di Sèl Pitit Literal mwen an: Gade, ^alòm vin tounen tankou youn nan pami nou, ki vin ^bkonnen byen ak mal; epi kounyeya, pou l pa lonje men l ^cpran nan ^dpyebwa lavi a tou, epi pou l pa manje l pou viv pou tout tan,

29 Se sa ki fè, Mwen menm Senyè Bondye a, m ap fè l soti nan Jaden ^aEdenn nan, pou l kiltive tè a kote l te soti a;

30 Paske, menm jan Mwen menm Senyè Bondye a, m vivan an, se konsa tou ^apawòl mwen pa kapab vin san konsekans, paske jan yo soti nan bouch mwen an, yo dwe akonpli.

31 Konsa, m te chase lòm, epi m te plase ^aCheriben nan kote lès Jaden Edenn nan, ak yon epe tou limen, ki vire nan tout direksyon pou pwoteje pyebwa lavi a.

32 (Epi men pawòl m te di Moyiz yo, epi yo se verite jan m vle a menm; epi m di w yo. Pa montre pèsonn moun yo, jistan m kòmande w, eksepte moun ki kwè yo. Amèn.)