1 Futhi mina, iNkosi uNkulunklu, ngakhuluma kuMose, ngithi: Lowo ^aSathane, omyalileyo ngegama loZelwe Yedwa wami, kusenguye owayese ^bkuqaleni, futhi weza phambi kwami, ethi—Bheka, nangu mina, ngithume, ngiyoba yindodana yakho, futhi ngiyobahlenga bonke abantu, ukuze kungalahleki noyedwa, futhi ngempela ^cngiyokwenza, ngalokho-ke nginike udumo lwakho.

2 Kodwa, bheka, ^aiNdodana yami eThandekayo, eyayingoThandiweyo futhi no ^bKhethiweyo kusuka ekuqaleni, yathi kimi—^cBaba, ^dintando yakho mayenziwe, ^einkazimulo makube ngeyakho phakade.

3 Ngalokho-ke, ngokuba lowo Sathane ^awangivukela, futhi wafuna ukuqeda ^bilungelo lokuzikhethela lomuntu, mina, iNkosi uNkulunkulu, engangimnike lona, kanye nokuthi, kufanele ngimnike amandla ami uqobo; ngamandla oZelwe Yedwa wami, ngenza ukuthi ^caphoswe phansi;

4 Futhi waba nguSathane, yebo, ngisho udeveli, uyise wawo wonke ^aamanga, ukuze akhohlise futhi aphuphuthekisa abantu, futhi abaholele ekuthunjweni ngokwentando yakhe, ngisho abaningi abangeke balilalele izwi lami.

5 Manje inyoka yayi ^anobuqili kakhulu kunazo zonke izilwane zasendle mina, iNkosi uNkulunkulu, engangizenzile.

6 Futhi uSathane wakufaka enhliziyweni yenyoka, (ngokuba wayeseyenge abaningi beza kuye,) futhi wafuna nokukhohlisa ^au-Eva, ngokuba wayengawazi umqondo kaNkulunkulu, ngalokho-ke wayefuna ukubhubhisa umhlaba.

7 Futhi wathi kowesifazane: Yebo, ngabe ushilo yini uNkulunkulu ukuthi—Aniyukudla kuyo yonke imithi yase ^ansimini na? (Futhi wakhuluma ngomlomo wenyoka.)

8 Futhi owesifazane wathi enyokeni: Singazidla izithelo zemithi yasensimini;

9 Kepha isithelo somuthi osibona maphakathi nensimu, uNkulunkulu uthe: Aniyukudla kuso, futhi aniyukusithinta, funa nife.

10 Futhi inyoka yathi kowesifazane: Aniyukufa nokufa;

11 Ngokuba uNkulunkulu uyazi ukuthi mhla nisidla, emva kwalokho ^aamehlo enu ayovuleka, futhi niyoba njengonkulunkulu, ^bnazi okuhle nokubi.

12 Kwathi owesifazane ebona ukuthi umuthi wawulungele ukudliwa, nokuthi wawugculisa emehlweni, nokuthi wawungumuthi owawu ^alangazeleka ukumenza ahlakaniphe, wasithatha isithelo sawo, ^bwadla, futhi wanika nomyeni wakhe owayenaye, naye wadla.

13 Futhi namehlo abo bobabili avuleka, futhi bazi ukuthi bebe ^ahamba ze. Futhi bathunga amaqabunga omkhiwane ndawonye futhi bazenzela izibhinco.

14 Futhi bezwa izwi leNkosi uNkulunkulu, ngesikhathi ^abesahamba ensimini, ntambama; futhi u-Adamu nomfazi wakhe bahamba bayoyicashela iNkosi uNkulunkulu phakathi kwemithi yensimu.

15 Futhi mina, iNkosi uNkulunkulu, ngambiza u-Adamu, ngathi kuye: Ngabe ^auhamba kuphi na?

16 Yena wathi: Ngizwe izwi lakho ensimini, futhi ngesaba, ngokuba ngibone ukuthi ngihamba ze, futhi ngacasha.

17 Futhi mina, iNkosi uNkulunkulu, ngathi ku-Adamu: Ubani okutshele ukuthi uhamba ze na? Ngabe usudlile yini emthini engikuyale ukuthi ungadli kuwo na, uma kunjalo ^auyofa nokufa?

18 Futhi indoda yathi: Owesifazane ongiphe yena, futhi wayala ukuthi kufanele ahlale nami, unginikile isithelo somuthi ngadla.

19 Futhi mina, iNkosi uNkulunkulu, ngathi kowesifazane: Yini lena oyenzileyo na? Futhi owesifazane wathi: Inyoka ^aingikhohlisile, ngadla.

20 Futhi mina, iNkosi uNkulunkulu, ngathi enyokeni: Njengoba usukwenzile lokhu uyo ^aqalekiswa ngaphezu kwayo yonke imfuyo, futhi nangaphezu kwazo zonke izilwane zasendle; uyohamba ngesisu sakho, futhi uyodla uthuli izinsuku zonke zempilo yakho;

21 Futhi ngiyobeka ubutha phakathi kwakho nowesifazane, naphakathi kwenzalo yakho nenzalo yakhe; futhi yona iyochoboza ikhanda lakho, wena uyolimaza isithende sayo.

22 Kowesifazane, mina, iNkosi uNkulunkulu, ngathi: Ngizokwandisa kakhulu ubuhlungu ekukhulelweni kwakho. Ngo ^abuhlungu uyozala abantwana, futhi ukunxanela kwakho kuyoba sendodeni yakho, futhi iyokubusa.

23 Futhi ku-Adamu, mina, iNkosi uNkulunkulu, ngathi: Njengoba ulalele izwi lomfazi wakho, futhi wadla kuleso sithelo somuthi engakuyala ngaso, ngathi—Ungadli kuso, uyoqalekiswa umhlabathi ngenxa yakho; ngobunzima uyodla kuwo zonke izinsuku zempilo yakho.

24 Futhi ameva, namakhakhasi uyokuvezela wona, futhi uyodla imifino yasendle.

25 ^aNgesithukuthuku sobuso bakho uyodla isinkwa, uze ubuyele emhlabathini—ngokuba uyokufa nokufa—ngokuba wathathwa kuwo: ngokuba wawu ^bluthuli, futhi uyophindela othulini.

26 Futhi u-Adamu wamqamba umfazi wakhe igama lokuthi u-Eva, ngokuba waba ngunina wabo bonke abaphilayo; ngamanye amazwi njengoba sekushiwo mina, iNkosi uNkulunkulu, ngamqamba owokuqala wabo bonke abesifazane, ^aokungabaningi.

27 Ku-Adamu, nomfazi wakhe, mina, iNkosi uNkulunkulu, ngabenzela iziphuku zezikhumba, futhi ngaba ^agqokisa.

28 Futhi mina, iNkosi uNkulunkulu, ngathi koZelwe Yedwa wami: Bheka, ^aumuntu usenjengomunye wethu ^bukwazi okuhle nokubi; manje funa elule isandla sakhe futhi aphinde ^cadle ^demthini wokuphila, futhi adle bese ephila ingunaphakade,

29 Ngakho-ke mina, iNkosi uNkulunkulu, ngizommukisa eNsimini yase-^aEdene, ukuba ayolima umhlabathi athathwe kuwo;

30 Ngokuba njengoba mina, iNkosi uNkulunkulu, ngiphila, kanjalo-ke ^anamazwi ami ngeke angagcwaliseki, ngokuba njengoba ephuma emlonyeni wami kufanele afezeke.

31 Ngakho-ke ngayixosha indoda, futhi ngabeka ngasempumalanga yeNsimu yase-Edene, ^aikherubi kanye nenkemba evuthayo, ephenduphendukayo ivikele indlela eya emthini wokuphila.

32 (Futhi lawa ngamazwi engawakhuluma encekwini yami uMose, futhi ayiqiniso ngisho njengoba ngithanda; futhi sengiwakhulume kuwe. Bona ukuthi awuwatshengisi muntu, ngize ngikuyale, ngaphandle kwalabo abakholwayo. Amen.)